కేంద్రంలోని యుపిఎ ప్రభుత్వానికి ఓటమి ఘంటికలు మోగుతున్నాయా? ఉత్తరాఖండ్, పశ్చిమబెంగాల్ రాష్ట్రాలలో జరిగిన రెండు ఉప ఎన్నికలలో కాంగ్రెస్ కు ఎదురైన పరాభవం అలాంటి సంకేతాలనే ఇస్తోంది. ఉత్తరాఖండ్ లో ముఖ్యమంత్రి విజయ బహుగుణ ఖాళీ చేసిన లోక్ సభ స్థానం తెహ్రి కి జరిగిన ఉప ఎన్నికలో బిజెపి సంచలన విజయం నమోదు చేసుకొంది. ఇరవైరెండువేల ఆధిక్యతతో బిజెపి గెలిచింది. ఇక పశ్చిమబెంగాల్ లో రాష్ట్రపతి ప్రణబ్ ముఖర్జీ ప్రాతినిధ్యం వహించిన జంగీపూర్ స్థానంలో కాంగ్రస్ అభ్యర్ధిగా పోటీచేసిన ఆయన కుమారుడు అభిజిత్ కనాకష్టంగా గెలిచారు.గతంలో ప్రణబ్ లక్షా ఇరవైఎనిమిదివేల మెజార్టీతో గెలిస్తే ఆయన కుమారుడు కేవలం మూడువేల లోపు మెజార్టీతో గండం నుంచి బయటపడ్డారు. కేంద్రంలో సోనియాగాంధీ అల్లుడు రాబర్ట్ వద్రాపై అవినీతి పోరాట యోధుడు అరవింద్ కేజ్రీవాల్ ఆరోపణలు సంధించడం, పల్మాన్ కుర్షీద్ వంటి మంత్రులపై పెద్ద ఎత్తున ఆరోపణలు రావడం, చిల్లర వర్తకంలో విదేశీ పెట్టుబడులకు కేంద్రం అనుమతి ఇవ్వడం వంటివి ప్రభావితం చేశాయన్న అభిప్రాయం ఉంది. కాగా గతంలో 1993 లో మన రాష్ట్రంలో అప్పటి ముఖ్యమంత్రి కోట్ల విజయభాస్కరరెడ్డి ప్రాతినిధ్యం వహించిన కర్నూలు లోక్ సభ నియోజకవర్గానికి జరిగిన ఉప ఎన్నికలో ఆయన కుమారుడు సూర్య ప్రకాష్ రెడ్డి చాలా కష్టపడితే పాతికవేల మెజార్టీతో గెలిచారు. అప్పుడే కాంగ్రెస్ ప్రభుత్వం సంకటంలో పడిందని అంతా అనుకున్నారు. అలాగే 1994లో కాంగ్రెస్ పార్టీ ఎన్.టి.ఆర్.నాయకత్వంలోని టిడిపి ప్రభంజనం ముందు తుడుచుకుని పోయింది.అలాగే ఇప్పుడు ఈ ఉప ఎన్నికల ఫలితాలు ఉత్తరాదిలో కాంగ్రెస్ పరాజయానికి సిద్దమవుతోందన్న అభిప్రాయం కలుగుతోందని నిపుణులు చెబుతున్నారు.కేంద్రంలో కూడా కాంగ్రెస్ గెలుప్తుందన్న నమ్మకం లేదని కాంగ్రెస్ ఎమ్.పి ఒకరు వ్యాఖ్యానించారు.
source:kommineni
source:kommineni
ప్రజల జీవితాలతో ఆటలాడుతున్న అసమర్థ కాంగ్రెస్ ప్రభుత్వంపై అసెంబ్లీలో ఎందుకు అవిశ్వాసం పెట్టడంలేదో ప్రతిపక్ష నేత నారా చంద్రబాబు నాయుడు వెల్లడించాలని వైఎస్సార్ కాంగ్రెస్ పార్టీ అధికార ప్రతినిధి వాసిరెడ్డి పద్మ నిలదీశారు. ప్రజల పాలిట గుదిబండలా తయారైన ప్రభుత్వాన్ని సాగనంపేందుకు అవిశ్వాసం పెట్టమంటే టీడీపీ నేతలు ఎందుకంత ఉలికిపాటుకు గురవుతున్నారని ఆమె ప్రశ్నించారు. రాష్ట్రంలో కాంగ్రెస్ ప్రభుత్వాన్ని కాపాడేందుకు ఢిల్లీ పెద్దలతో చంద్రబాబు కుదుర్చుకున్న ఒప్పందాన్ని బయటపెట్టాలని పద్మ డిమాండ్ చేశారు. పార్టీ కేంద్ర కార్యాలయంలో శుక్రవారం ఆమె విలేకరుల సమావేశంలో మాట్లాడారు.
విద్యుత్ చార్జీల పెంపుపై నిరసన వ్యక్తం చేసిన రైతులను నిట్టనిలువునా బషీర్ బాగ్ లో కాల్పి చంపిన కాలం.. అంగన్ వాడీ కార్యకర్తలను నడిరోడ్డు మీద గుర్రాలతో తొక్కించిన పాలన అది.. భవిష్యత్ కానరాక చేనేత కార్మికులు, రైతులు ఆత్మహత్యలకు పాల్పడుతున్న రోజులవి.. పాలకులకు ప్రజల సమస్యలంటే అసహ్యం వేసిన సమయం.. డబ్బుల కోసమే రైతులు, చేనేత కార్మికులు ఆత్మహత్యలకు పాల్పడుతున్నారని ప్రజల మనోభావాలను దెబ్బ తీసిన ఆ రోజుల్లో ప్రతిపక్ష పార్టీ నాయకుడి హోదాలో వైఎస్ రాజశేఖరరెడ్డి మహా కార్యక్రమాన్ని చేపట్టారు. మండు టెండలను సైతం లెక్క చేయకుండా.. తెలుగుదేశం సాగిస్తున్న ప్రజా వ్యతిరేక పాలనలో ప్రజల ఎదుర్కొంటున్న సమస్యలను స్వయంగా తెలుసుకోవడానికి మహానేత 'ప్రజాప్రస్థానం' పేరుతో పాదయాత్రకు స్వీకారం చుట్టారు. ప్రజా ప్రస్థానంలో 16 వందల కిలో మీటర్లకు పైగా పాదయాత్ర చేసి ప్రజలతో మమేకమయ్యారు. రంగారెడ్డి జిల్లా చేవేళ్ల నుంచి ప్రారంభమైన ప్రజా ప్రస్థానం శ్రీకాకుళం జిల్లా ఇచ్చాపురం లో ముగిసింది. సుదీర్ఘంగా సాగిన పాదయాత్రలో ప్రజల కష్టాలను మహానేత స్వయంగా చూశారు.. విన్నారు.. ఆకలింపు చేసుకున్నారు.. దాని ఫలితమే తొమ్మిదేళ్ల ప్రజావ్యతిరేక పాలనకు వ్యతిరేకంగా జనం తీర్పు ఇచ్చారు. రాష్ట్ర ముఖ్యమంత్రిగా వైఎస్ రాజశేఖరరెడ్డి పదవీ బాధ్యతల్ని చేపట్టాక... ప్రజలకు ఇచ్చిన మాటను మరవకుండా ఎన్నో ప్రజా సంక్షేమ పథకాలను అమలు చేశారు. ఆరోగ్య శ్రీ, ఫీజు రీఎంబర్స్ మెంట్, పావలా వడ్డీ, 108 సర్వీసు, వృద్యాప్య, వికలాంగ పెన్షన్ పథకాలను వైఎస్ విజయవంతంగా అమలు చేశారు.
ఆరోగ్యశ్రీ, ఇందిరమ్మ గృహాలు, వడ్డీ లేని రుణాలు, 108 సర్వీసుల పథకాలు నిర్వీర్యం అయ్యారని.. నిత్యవసర వస్తువుల ధరలు కొండెక్కి కూర్చున్నాయని.. ప్రభుత్వ అభివృద్ధి పథకాల ఊసే లేదని.. ఉద్యోగాలు కల్పించడంలో ప్రభుత్వం విఫలమైందని.. 104 సర్వీస్ ఉద్యోగాలు కల్పించలేకపోయిందని మీడియా సమావేశంలో వెల్లడించారు.
