ఎస్సీ, ఎస్టీలకు ప్రత్యేక పాలసీ

దళిత, గిరిజనుల అభ్యున్నతికి నూతన విధానం
రూపకల్పనపై పార్టీ నేతల అధ్యయనం
సబ్‌ప్లాన్, ఇతర పథకాలు పక్కదారి పట్టకుండా చూడాలని నిర్ణయం
ఎస్సీ, ఎస్టీల సమస్యలకు నెల రోజుల్లో పరిష్కారం చూపేలా ముసాయిదా
వైఎస్సార్ ఉండుంటే సబ్ ప్లాన్‌కు ఎప్పుడో చట్టబద్ధత వచ్చి ఉండేది: జూపూడి

హైదరాబాద్, న్యూస్‌లైన్: దళిత, గిరిజనుల సంక్షేమం, అభివృద్ధికి వైఎస్సార్ కాంగ్రెస్ పార్టీ ప్రత్యేక విధానాన్ని (పాలసీని) తీసుకురావాలని యోచిస్తోంది. అంతేకాదు.. ఎస్సీ, ఎస్టీల కోసం ఏర్పాటు చేసిన సబ్‌ప్లాన్‌తో పాటు పలు పథకాలు పక్కదారి పట్టకుండా అరికట్టాలని నిర్ణయించింది. 

ఈమేరకు నూతన ముసాయిదా రూపకల్పనపై కసరత్తు చేస్తోంది. పార్టీకి చెందిన ఎస్సీ, ఎస్టీ ప్రజా ప్రతినిధులు, మాజీ ప్రతినిధులు, పలువురు నేతలు మంగళవారం హైదరాబాద్‌లో సమావేశమై నూతన విధానం రూపకల్పనపై సుదీర్ఘంగా చర్చించారు. అనంతరం సమావేశం వివరాలను పార్టీ అధికార ప్రతినిధి, ఎమ్మెల్సీ జూపూడి ప్రభాకర్‌రావు బృందం మీడియాకు వెల్లడించింది. మహానేత వైఎస్ ఆశయ సాధన కోసం జగన్‌మోహన్‌రెడ్డి అధ్యక్షతన ఏర్పడిన వైఎస్సార్ కాంగ్రెస్ పార్టీ దళితుల అభివృద్ధిని మరింత ముందుకు తీసుకెళ్లనుందని తెలిపారు. ఎస్సీ, ఎస్టీలు ఎదుర్కొంటున్న సమస్యలకు నెల రోజుల్లో పరిష్కారం చూపేలా ఒక ముసాయిదా రూపొందించాలని నిర్ణయించినట్లు చెప్పారు. దీనిని జగన్‌మోహన్‌రెడ్డి దృష్టికి తీసుకెళతామని, ఆయన ఆమోదం లభించాక వైఎస్సార్ కాంగ్రెస్ పాలసీగా ప్రజల్లోకి తీసుకెళ్తామన్నారు. పేదల కోసం వైఎస్ చేసినన్ని మంచి పనులు దేశంలో మరే ఇతర సీఎం చేయలేకపోయారని వివరించారు. ఎస్సీ, ఎస్టీల కోసం వైఎస్ ప్రవేశపెట్టిన పథకాలకు, ఆయన రెక్కల కష్టంమీద ఏర్పడిన ప్రస్తుత ప్రభుత్వం తూట్లు పొడుస్తోందని మండిపడ్డారు. వైఎస్ ఉండుంటే సబ్‌ప్లాన్‌కు ఎప్పుడో చట్టబద్ధత వచ్చుండేదని చెప్పారు. మహానేత లేని లోటు రాష్ట్రంలో స్పష్టంగా కనిపిస్తోందని, దళితులకు ఇది తీరని లోటన్నారు. సమావేశంలో పార్టీ ఎమ్మెల్యేలు గొల్ల బాబూరావు, కొరుముట్ల శ్రీనివాసులు, ఎమ్మెల్సీ జూపూడి ప్రభాకర్‌రావు, మాజీ ఎంపీ రవీంద్రనాయక్, ఎస్సీ, ఎస్టీ మాజీ కమిషనర్ మేరుగ నాగార్జున, సీజీసీ సభ్యుడు చందా లింగయ్య దొర, ఎస్సీ సెల్ రాష్ట్ర కన్వీనర్ నల్లా సూర్యప్రకాష్‌రావు, మహిళా అధ్యక్షురాలు కొల్లి నిర్మలా కుమారి, మాజీ ఎమ్మెల్యే కె.రవిబాబు తదితరులు పాల్గొన్నారు.

ల్యాంకో.. కుమ్ముకో

కేంద్రం హెచ్చరిస్తున్నా రాష్ట్ర ప్రభుత్వం ప్రేక్షకపాత్ర
రాష్ట్రానికి తక్కువ ధరకే విద్యుత్‌ను ఇవ్వాలన్న కేంద్రం
అధిక ధరకు విక్రయిస్తున్న ల్యాంకో స్టేజ్-2, 
జీఎంఆర్ బార్జ్‌మౌంట్ ప్లాంట్లు 
ఫలితంగా ఏడాదికి రూ.438 కోట్ల భారం

హైదరాబాద్, న్యూస్‌లైన్: ఒకవైపు మన గ్యాస్ మనకే రాకుండా పోతోంది. మరోవైపు వస్తున్న కొద్దిపాటి గ్యాస్‌ను కూడా రాష్ట్ర ప్రభుత్వం దుర్వినియోగం చేస్తోంది. గ్యాస్ కేటాయింపులు పొందిన సంస్థల నుంచి తక్కువ ధరకే విద్యుత్‌ను పొందడంలో రాష్ట్ర ప్రభుత్వం విఫలమ‌వుతోంది. రాష్ట్రానికే గ్యాస్ ఇస్తామ‌ని కేంద్రం నుంచి కేటాయింపులు పొందిన ల్యాంకో సంస్థ మొదట్లో తమిళనాడుకు విద్యుత్‌ను అమ్ముకుంది. జీఎంఆర్ బార్జ్‌వంట్ సంస్థదీ అదే తీరు. రాష్ట్రానికి విద్యుత్ ఇవ్వకపోతే, అది కూడా తక్కువ ధరకు ఇవ్వకపోతే గ్యాస్ వెనక్కి తీసుకుంటామ‌ని కేంద్రం హెచ్చరించినప్పటికీ ల్యాంకో, జీఎంఆర్‌ల దందా నిరాటంకంగా కొనసాగుతోంది. రాష్ట్ర ప్రభుత్వమూ ప్రేక్షకపాత్ర పోషిస్తోంది. దీంతో ఆ సంస్థలు యూనిట్ విద్యుత్‌ను ఏకంగా రూ.5.70కు విక్రయిస్తున్నాయి. ఫలితంగా రాష్ట్ర ఖజానాపై ప్రతి ఏటా రూ.438 కోట్ల అదనపు భారం పడుతోంది. ల్యాంకో సంస్థ కొండపల్లి వద్ద 366 మెగావాట్ల సామ‌ర్థ్యంతో స్టేజ్-2 విద్యుత్ ప్లాంటును నిర్మించింది. ఈ ప్లాంటుకు గ్యాస్ కేటాయించే విధంగా కేంద్రానికి సిఫారసు చేయాలని 2006లో రాష్ట్ర ప్రభుత్వాన్ని కోరింది. ఇందుకు రాష్ట్ర ప్రభుత్వం తిరస్కరించింది. మరోసారి 2008లో అప్పటి ఇంధనశాఖ మంత్రి షబ్బీర్ అలీని కలిసి కేంద్రానికి సిఫారసు చేయాలని కోరింది. ఇందుకు అంగీకరించిన మంత్రి 2008 సెప్టెంబరు 14న కేంద్రానికి లేఖ రాశారు. 

ఈ ప్లాంటుకు గ్యాస్ కేటాయిస్తే రాష్ట్రానికి అదనపు విద్యుత్ అందుబాటులోకి వస్తుందని... తక్కువ ధరకు విద్యుత్ అందుబాటులోకి రావడంతో పాటు విద్యుత్ కష్టాలు తీరుతాయని అందులో పేర్కొన్నారు. ఆ విధంగా గ్యాస్ కేటాయింపులు పొందిన తర్వాత ల్యాంకో సంస్థ మాట మార్చింది. 2010 మార్చిలో ఈ ప్లాంటులో విద్యుత్ ఉత్పత్తి ప్రారంభమయింది. పట్టించుకునే వారు లేకపోవడంతో అప్పటి నుంచి 2011 ఫిబ్రవరి వరకు అంటే ఏడాదిపాటు తమిళనాడుకు విద్యుత్‌ను అమ్ముకుంది. అదీ యూనిట్ 5 రూపాయలకు. గత ఏడాది 2011 ఏప్రిల్ నుంచి మాత్రం మనకు విద్యుత్‌ను విక్రయిస్తోంది. తాజాగా గత జూన్ నుంచి వచ్చే ఏడాది మే వరకు ట్రాన్స్‌కో పిలిచిన టెండర్ల మేరకు విద్యుత్‌ను విక్రయిస్తానని ముందుకు వచ్చింది. అయితే యూనిట్ విద్యుత్‌ను ఏకంగా రూ.5.70కు సరఫరా చేస్తోంది. అంటే తమిళనాడు కంటే 70 పైసలు ఎక్కువ. మిగతా ప్లాంట్లతో పోల్చుకుంటే ఏకంగా రూ.3 ఎక్కువ. వాస్తవానికి 2011 ఏప్రిల్ 21న..ల్యాంకో, జీఎంఆర్‌లు రాష్ట్రానికే విద్యుత్ ఇవ్వాలని, లేదంటే వాటికి గ్యాస్‌ను కట్ చేస్తామని కేంద్ర పెట్రోలియం మంత్రిత్వశాఖ రాష్ట్రానికి లేఖ రాసింది. ల్యాంకో, జీఎంఆర్ సంస్థలు మీకు విద్యుత్ ఇస్తున్నాయా? ఎంత ధరకు ఇస్తున్నాయి? అని 2011 సెప్టెంబర్ 26 నాటి మరో లేఖలో రాష్ట్రాన్ని కేంద్రం ఆరా తీసింది. అయితే రాష్ట్ర ప్రభుత్వం కేంద్రం ప్రశ్నలకు సమాధానం ఇవ్వకుండా మౌనం దాల్చింది.

యూనిట్‌కు రూ.3 అదనం: వాస్తవానికి విద్యుత్ కొనుగోలు ఒప్పందాలు (పీపీఏ) ఉన్న గ్యాస్ ఆధారిత విద్యుత్ ప్లాంట్లు రూ.2.70కే యూనిట్ విద్యుత్‌ను సరఫరా చేస్తున్నాయి. ల్యాంకో సంస్థ కొండపల్లి స్టేజ్-1 ప్లాంటు, వేమగిరి (జీఎంఆర్) సంస్థ కూడా మనకు ఈ ధరకే విద్యుత్‌ను ఇస్తున్నాయి. అంటే ల్యాంకో స్టేజ్-2, జీఎంఆర్ ప్లాంట్ల వల్ల యూనిట్‌కు రూ.3 అదనంగా వెచ్చించాల్సి వస్తోందన్నమాట. ల్యాంకో సంస్థ 90 మెగావాట్లు, జీఎంఆర్ బార్జ్‌వంట్‌లు 81 మెగావాట్ల విద్యుత్‌ను ఉత్పత్తి చేస్తున్నాయి. రెండూ కలిపి 171 మెగావాట్లు... అంటే సుమారు 4 మిలియన్ యూనిట్లు ఉత్పత్తి చేస్తున్నాయి. అంటే యూనిట్‌కు అదనంగా రూ.3 చొప్పున రోజుకు 1.2 కోట్లు, ఏడాదికి ఏకంగా రూ.438 కోట్ల మేరకు రాష్ట్ర ఖజానాపై భారం పడుతోందన్నమాట. ఇంత భారం పడుతున్నా.. తక్కువ ధరకు విద్యుత్‌ను ఇవ్వకపోతే గ్యాస్ కట్ చేస్తామని కేంద్రం లేఖల మీద లేఖలు రాస్తున్నా.. రాష్ట్ర ప్రభుత్వం మాత్రం స్పందించడం లేదు. 

ఫీజులెత్తేస్తే మహోద్యమమే

 రాష్ట్రంలోని కేజీ బేసిన్ నుంచి వెలువడుతున్న గ్యాస్‌ను ఇక్కడి అవసరాలు తీరకుండా మహారాష్ట్రకు తరలిస్తుంటే రాష్ర్ట్రం తరఫున కేంద్ర మంత్రివర్గంలో కొనసాగుతున్న మంత్రులు ఏం చేస్తున్నారని వైఎస్సార్ కాంగ్రెస్ ప్రశ్నించింది. వారి నిర్లక్ష్యానికి ప్రతిగా తక్షణమే వారి పదవులకు రాజీనామా చేయాలని డిమాండ్ చేసింది. ముఖ్యంగా పెట్రోలియం, సహజ వాయువుల మంత్రిగా ఉన్న ఎస్.జైపాల్‌రెడ్డి రాష్ట్రానికి అన్యాయం జరుగుతుంటే కళ్లు మూసుకున్నారా? అని ఆ పార్టీ నిలదీసింది. పార్టీ కేంద్ర కార్యాలయంలో వైఎస్సార్ కాంగ్రెస్ అధికార ప్రతినిధి అంబటి రాంబాబు మంగళవారం విలేకరులతో(రత్నగిరి ప్లాంట్‌కు గ్యాస్ తరలింపును తాత్కాలికంగా నిలిపివేయకముందు) మాట్లాడారు. గ్యాస్ కేటాయింపులో రాష్ట్రానికి అన్యాయాన్ని అడ్డుకోలేకపోయిన మంత్రి జైపాల్‌రెడ్డిలతోపాటు రాష్ట్రానికి చెందిన ఇతర కేంద్రమంత్రులు తక్షణమే రాజీనామా చేయాలని ఆయన డిమాండ్ చేశారు. కేజీ బేసిన్ గ్యాస్ రాష్ట్ర అవసరాలను తీర్చకపోతే కొండపల్లి దాటి ముందుకుపోదని గతంలో దివంగత ముఖ్యమంత్రి వైఎస్ రాజశేఖరరెడ్డి రిలయన్స్ సంస్థను గట్టిగా హెచ్చరించిన విషయాన్ని గుర్తుచేశారు. అంతేకాదు పలుమార్లు ప్రధానికి లేఖలు రాసినట్లు తెలిపారు. ఒకరకంగా వైఎస్‌ఆర్ సొంత పార్టీ ప్రభుత్వం మీదే పోరాటం చేశారని ఆయన చెప్పారు. 

ఫీజులెత్తేస్తే మహోద్యమమే 

పేద విద్యార్థులు ఉన్నత చదువులు చదవాలనే ఉద్దేశంతో దివంగత ముఖ్యమంత్రి వైఎస్ రాజశేఖరరెడ్డి ప్రవేశపెట్టిన ఫీజు రీయింబర్స్‌మెంట్ పథకాన్ని ఎత్తేస్తే వైఎస్సార్ కాంగ్రెస్ పార్టీ మహోద్యమాన్ని చేపడుతుందని అంబటి రాంబాబు హెచ్చరించారు. ఇప్పటికే తమ పార్టీ గౌరవాధ్యక్షురాలు విజయమ్మ ఆగస్టు 12, 13 తేదీల్లో ఏలూరులో దీక్ష చేపట్టనున్న విషయాన్ని గుర్తుచేశారు. 

చేనేతల సమస్యలపై స్పందనేదీ?

హైదరాబాద్, న్యూస్‌లైన్: వైఎస్సార్ కాంగ్రెస్ పార్టీ ఆధ్వర్యంలో ప్రపంచ చేనేత దినోత్సవాలు మంగళవారం ఘనంగా జరిగాయి. హైదరాబాద్‌లోని పార్టీ కేంద్ర కార్యాలయంలో పార్టీ నేతలు కేక్ కట్ చేసి నేతన్నలకు అభినందనలు తెలిపారు. ఈ సందర్భంగా పలువురు నేతలు మాట్లాడుతూ నేతన్నలకు రాష్ట్ర ప్రభుత్వం చేస్తున్న అన్యాయాన్ని ఎండగట్టారు. వైఎస్సార్‌సీపీ తరపున దీక్షలు, ధర్నా లు చేసినా, ఆఖరికి సీఎంకు వినతిపత్రం సమర్పించినప్పటికీ ప్రభుత్వంలో స్పం దన కరువైందని ఆగ్రహం వ్యక్తం చేశారు. వైఎస్ రాజశేఖరరెడ్డి నేతన్నలకు ఇచ్చి న హామీలన్నింటినీ, ఆయన రెక్కల కష్టం మీద ఏర్పడిన ఈ ప్రభుత్వం తుంగలో తొక్కుతోందని ధ్వజమెత్తారు. టెక్స్‌టైల్ పార్కు, రుణాల మాఫీ, ఆత్మహత్యలకు పాల్పడిన నేతన్నల కుటుంబాలకు ఎక్స్‌గ్రేషియాతో పాటు ఇతరత్రా హామీలు వేటినీ అమలు చేయడంలేదని దుయ్యబట్టారు. పార్టీ కేంద్ర పాలక మండలి సభ్యుడు గిరిరాజ్ నగేష్ అధ్యక్షతన జరిగిన ఈ భేటీలో పార్టీ సీనియర్ నేత సజ్జల రామకృష్ణారెడ్డి, బీసీ సెల్ కన్వీనర్ గట్టు రామచంద్రరావు, కేంద్ర పాలక మండలి సభ్యుడు, ఎమ్మెల్సీ జూపూడి ప్రభాకర్‌రావు, ఎస్సీ సెల్ కన్వీనర్ నల్లా సూర్యప్రకాష్‌రావు, మహిళా అధ్యక్షురాలు కొల్లి నిర్మలాకుమారి, సాంస్కృతిక విభాగం కన్వీనర్ విజయచందర్, చేనేత సంఘాల నేతలు పాల్గొన్నారు.

బడుగుల చదువుకు పొగ

బడుగులకు ఉన్నత చదువులను దూరంచేయడానికి గత కొన్నేళ్లుగా పథకం ప్రకారం చేస్తున్న చర్యలు ఓ కొలిక్కి వచ్చాయి. వృత్తి విద్యా కోర్సుల్లో చేరే విద్యార్థులకు పెరిగిన ఫీజులను చెల్లించరాదని మంత్రివర్గ ఉపసంఘం నిర్ణయించింది. పేదరికం కారణంగా ప్రతిభగల ఏ విద్యార్థీ ఉన్నత విద్యకు దూరం కారాదన్న సదాశయంతో, సత్సంకల్పంతో దివంగత ముఖ్యమంత్రి వైఎస్ రాజశేఖరరెడ్డి ప్రవేశపెట్టిన ఫీజు రీయింబర్స్‌మెంటు పథకాన్ని సంపూర్ణంగా అటకెక్కించడం ఇక లాంఛనమే. ఇప్పుడిక రాష్ట్రంలోని బీసీ, ఈబీసీ, మైనారిటీ, వికలాంగ వర్గాల విద్యార్థుల ముందు ‘చదువుకోసం అప్పులపాలవడమా... చదువుకే పూర్తిగా దూరం కావడమా...’ అనే రెండే ప్రత్యామ్నాయాలున్నాయి. పేద వర్గాలకు సమాజంలో ఒక హోదానిచ్చి, ఆర్ధికంగా వారు ఎదగడానికి దోహదపడ్డ ఈ పథకాన్ని వైఎస్ మరణానంతరం వచ్చిన రోశయ్య ప్రభుత్వమైనా, ఇప్పటి కిరణ్‌కుమార్ రెడ్డి ప్రభుత్వమైనా క్రమేపీ నీరుగారుస్తూ వచ్చాయి. ‘గుడిసెలో పుట్టినవారు కూడా ఇంజనీరింగ్, మెడిసిన్‌వంటి ఉన్నత చదువులు చదవాలి. అప్పుడే ఆ కుటుంబాలు శాశ్వతంగా, సమగ్రంగా అభివృద్ధి చెందుతాయి’ అని 2008 జనవరిలో ఫీజు రీయింబర్స్‌మెంటు పథకాన్ని ప్రారంభిస్తూ వైఎస్ చెప్పారు. 

అంతేకాదు...విద్య కోసం పెట్టే ఖర్చును పెట్టుబడిగా చూడాలి తప్ప సంక్షేమ పథకాల మాదిరి చూడరాదని ఆ సందర్భంలోనే ఆయన అన్నారు. ఫీజు రీయింబర్స్‌మెంటు, సంతృప్త స్థాయికి ఉపకార వేతనాల విధానం ఆయన అమలు చేసిన తీరు రాష్ట్రంలోనే కాదు... దేశవ్యాప్తంగా ఎందరి మన్ననలనో పొందింది. ఈ రెండింటివల్లా లక్షలాదిమంది విద్యార్థులు ఉన్నత చదువులు చదివి ఉన్నతోద్యోగాలు సాధించారు. తరతరాలుగా తమను పట్టి పీడిస్తున్న పేదరికం నుంచి విముక్తులయ్యారు. ఈ పథకమూ, ఇతర పథకాల కారణంగా 2009లో ప్రజలు రెండోసారి సైతం కాంగ్రెస్‌కే అధికారం అప్పగించారు. 

ఒకపక్క ఆ పథకాలన్నీ పార్టీవీ, సోనియాగాంధీవీ మాత్రమేనని దబాయిస్తున్న కాంగ్రెస్ నాయకులు వరసగా వాటిని అటకెక్కిస్తున్న వైనాన్ని వైఎస్సార్ కాంగ్రెస్ ఎప్పటికప్పుడు రాష్ట్ర ప్రజల దృష్టికి తీసుకొస్తూనే ఉంది. వివిధ పోరాటాల ద్వారా ప్రజలను సమీకరిస్తూనే ఉంది. గత ఏడాది ఫిబ్రవరిలో ఆ పార్టీ అధినేత వైఎస్ జగన్‌మోహన్ రెడ్డి హైదరాబాద్ నగరంలో వారంరోజులపాటు ‘ఫీజు పోరు’ దీక్ష కూడా చేశారు. 

ఫీజు రీయింబర్స్‌మెంటు పథకాన్ని ఎత్తేయడానికి పాలకులు ఏవిధంగా మాయోపాయాలు పన్నుతున్నారో గత రెండేళ్లనుంచి ప్రభుత్వం వ్యవహరిస్తున్న తీరు చెప్పకచెబుతోంది. అంచెలంచెలుగా, వ్యూహాత్మకంగా ఈ పథకంపై బండలు వేస్తూ వస్తోంది. భారీ బడ్జెట్‌లను ప్రవేశపెట్టడం ద్వారా ఆదాయం ఇబ్బడి ముబ్బడిగా పెరిగిందని చెప్పకనే చెబుతున్న ప్రభుత్వమే... పేద పిల్లల చదువుల దగ్గరకొచ్చేసరికి బీద అరుపులు అరుస్తోంది. ఆదాయం ఎంతగా పెరిగినా ఖజానాను కాపాడుకోవడమే ఏకైక లక్ష్యమన్నట్టు మంత్రివర్గ ఉపసంఘం వ్యవహరించిన తీరు అందర్నీ ఆశ్చర్యపరుస్తోంది. లోగడ కూడా ఇలాగే ఉప సంఘం ముసుగులో పథకానికి అర్హులైనవారి సంఖ్యను కుదించేశారు. ఒక దశలో డిగ్రీని ‘కనీస విద్య’గా పరిగణించి, ఆ స్థాయి వరకే పథకాన్ని పరిమితం చేయాలని చూశారు. పీజీ కోర్సులకు పథకం వర్తించకుండా చేద్దామనుకున్నారు. తీవ్ర నిరసనలు వ్యక్తం కావడంతో దాన్ని విరమించుకున్నారు. 

ఆ తర్వాత మార్కులతోనూ, హాజరుతోనూ ముడిపెట్టి, ఆన్‌లైన్‌లో దరఖాస్తులు చేసుకునే విధానం పెట్టి, అందులో పొరపాట్లు దొర్లాయని చెప్పి, మధ్యలో కోర్సు మారారని సాకులు చెప్పి దాదాపు 2.5 లక్షలమందిని అనర్హుల్ని చేశారు. అన్నీ సరిగా ఉండి ఫీజు రీయింబర్స్‌మెంటుకు అర్హత సాధించినవారికి సైతం సకాలంలో ఫీజులు చెల్లించక ఇబ్బందులకు గురిచేశారు. బకాయిల కోసం కాలేజీల యాజమాన్యాలు పెడుతున్న ఒత్తిళ్లు భరించలేక, అటు ఫీజు కట్టే స్తోమత లేక ఎందరో విద్యార్ధులు మానసికంగా కుంగిపోయారు. చదువుపై దృష్టిపెట్టలేకపోయారు. రంగారెడ్డి జిల్లాలో వరలక్ష్మి అనే విద్యార్థిని ప్రాణం కూడా తీసుకుంది. వైఎస్ మరణించే నాటికి రూ. 500 కోట్లకు మించని బకాయిలు రెండేళ్లలోపే రూ. 3,500 కోట్లకు చేరాయి. ప్రస్తుత బడ్జెట్‌లో పాత బకాయిలను చెల్లించే విధానం ‘కనిపెట్టి’ వర్తమాన సంవత్సరం ఫీజుల చెల్లింపును గాల్లో దీపం చేశారు. 

సుప్రీంకోర్టు ఇచ్చిన ‘ఏకీకృతం’ తీర్పు సాకుగా ప్రభుత్వం పెట్టిన ఆంక్షల ప్రకారం ప్రకారం ఇంజనీరింగ్ కోర్సుకు కళాశాలనుబట్టి రూ. 50,200 నుంచి లక్ష దాకా ఫీజు ఉంటుంది. దాన్లో బీసీ, ఈబీసీ, మైనారిటీ, వికలాంగ విద్యార్థులకు రూ. 31,000 మాత్రమే ప్రభుత్వం చెల్లిస్తుంది. మిగిలిన మొత్తం ఎంతైనా వారు అప్పులు చేసుకోవాల్సిందే. బ్యాంకులు అప్పులిస్తాయంటూ ప్రభుత్వం చెబుతున్న మాటలన్నీ ఆపద్ధర్మ కబుర్లే. ఎస్సీ, ఎస్టీలకు ఎలాగూ కేంద్రమే సింహభాగాన్ని భరిస్తోంది గనుక ఆ వర్గాలకు మాత్రం ఈ పథకాన్ని కొనసాగిస్తారన్న మాట. మార్కులనో, హాజరునో ప్రాతిపదికగా తీసుకున్నప్పుడు బీసీ సంఘాలేవీ అభ్యంతరపెట్టలేదు. చదువుపై దృష్టిపెట్టేవారికే, ప్రతిభ కనబరిచేవారికే ఇవ్వండని చెప్పాయి. 

ఆ సాకుతో కూడా ఈ వర్గాల విద్యార్థుల్ని వెళ్లగొట్టడం సాధ్యంకావడం లేదని ఇప్పుడు ఈ సరికొత్త నాటకానికి తెరలేపినట్టు కనిపిస్తోంది. కులమూ, డబ్బూ ప్రతిదాన్నీ నిర్ణయిస్తున్న సమాజంలో ఫీజు రీయింబర్స్‌మెంటులాంటి పథకాలు పేద వర్గాలకు ఆసరాగా నిలుస్తాయి. వారు ఉన్నత స్థానాలకు ఎదగడానికి దోహదపడతాయి. దివంగత నేత ఎంతో ముందు చూపుతో, ఉన్నతాశయంతో ప్రారంభించిన ఈ పథకాన్ని చిదిమేయాలని చూస్తే, పేదలకు ద్రోహం చేయాలని తలపోస్తే... ఆ వర్గాల ఆగ్రహాన్ని చవిచూడవలసివస్తుందన్న సత్యాన్ని సర్కారు గ్రహిస్తే మంచిది.

గురువారం జగన్ బెయిల్ పిటిషన్‌పై విచారణ

వైయస్సార్ కాంగ్రెసు పార్టీ అధ్యక్షుడు, కడప పార్లమెంటు సభ్యుడు జగన్మోహన్ రెడ్డి బెయిల్ పిటిషన్ పైన విచారణ గురువారం (9వ తేదీ) సుప్రీం కోర్టులో విచారణకు రానుంది. 

జగన్ హైకోర్టులో బెయిల్ కోసం దరఖాస్తు చేసుకున్న విషయం తెలిసిందే. ఆయన బెయిల్ పిటిషన్‌ను హైకోర్టు తోసి పుచ్చింది. దీంతో హైకోర్టు తీర్పును సవాల్ చేస్తూ జగన్ సుప్రీం కోర్టును ఇటీవల ఆశ్రయించారు. దీనిని సుప్రీం విచారణకు స్వీకరించింది. ఇది 9న విచారణకు రానుంది.

వైఎస్సార్ సీపీ ఆధ్వర్యంలో చేనేత దినోత్సవం

వైఎస్సార్ కాంగ్రెస్ పార్టీ ఆధ్వర్యంలో ప్రపంచ చేనేత దినోత్సవాలు మంగళవారం ఘనంగా జరిగాయి. హైదరాబాద్‌లోని పార్టీ కేంద్ర కార్యాలయంలో పార్టీ నేతలు కేక్ కట్ చేసి నేతన్నలకు అభినందనలు తెలిపాశారు. ఈ సందర్భంగా పలువురు నేతలు మాట్లాడుతూ నేతన్నలకు రాష్ట్ర ప్రభుత్వం చేస్తున్న అన్యాయాన్ని ఎండగట్టారు. వైఎస్సార్ కాంగ్రెస్ పార్టీ తరపున దీక్షలు, ధర్నాలు చేసినా, ఆఖరికి సీఎంకు వినతిపత్రం సమర్పించినప్పటికీ ప్రభుత్వంలో స్పందన కరువైందని ఆగ్రహం వ్యక్తం చేశారు. మహానేత వైఎస్ రాజశేఖరరెడ్డి నేతన్నలకు ఇచ్చిన హామీలన్నింటినీ, ఆయన రెక్కల కష్టం మీద ఏర్పడిన ఈ ప్రభుత్వం తుంగలో తొక్కుతోందని ధ్వజమెత్తారు.

టెక్స్‌టైల్ పార్కు, రుణాల మాఫీ, ఆత్మహత్యలకు పాల్పడిన నేతన్నల కుటుంబాలకు ఎక్స్‌గ్రేషియాతో పాటు ఇతరత్రా హామీలన్నింటినీ తుంగలో తొక్కుతోందని దుయ్యబట్టారు. పార్టీ కేంద్ర పాలక మండలి సభ్యుడు గిరిరాజ్ నగేష్ అధ్యక్షతన జరిగిన ఈ సమావేశంలో పార్టీ సీనియర్ నేత సజ్జల రామకృష్ణారెడ్డి, బీసీ సెల్ కన్వీనర్ గట్టు రామచంద్రరావు, కేంద్ర పాలక మండలి సభ్యుడు, ఎమ్మెల్సీ జూపూడి ప్రభాకర్‌రావు, ఎస్సీ సెల్ కన్వీనర్ నల్లా సూర్యప్రకాష్‌రావు, మహిళా అధ్యక్షురాలు కొల్లి నిర్మలాకుమారి, సంస్కృత విభాగం కన్వీనర్ విజయచందర్, పలు చేనేత సంఘాల నేతలు పాల్గొన్నారు.

'జగన్ నిర్దోషిగా బయటకు బయటకు వస్తారు'

మహేశ్వరం: కాంగ్రెస్‌, టీడీపీలు ఎన్ని కుట్రలు చేసినా వైఎస్ జగన్ నిర్దోషిగా బయటకు వస్తారని రాయచోటి ఎమ్మెల్యే శ్రీకాంత్‌రెడ్డి అన్నారు. మంగళవారం రంగారెడ్డి జిల్లా మహేశ్వరం మండలం సూర్యగిరిరేణుక ఎల్లమ్మ ఉత్సవాల్లో పాల్గొన్న ఆయన ప్రత్యేక పూజలు నిర్వహించారు.

కేంద్రమంత్రి- ముఖ్యమంత్రి కుమ్మక్కై జనానికి గ్యాస్

మన ముఖ్యమంత్రి కిరణ్ కుమార్ రెడ్డి మాంఛి స్పోర్ట్స్‌మన్! ఆయన్ను ఒలింపిక్స్‌కు పంపివుంటే పతకాలు కుప్పతెప్పలుగా కొట్టుకొచ్చేవాడని సీపీఐ నారాయణ అంతటివాడు చెప్పారు గదా! ఇక కేంద్రంలో పెటోల్రియమ్ శాఖ మంత్రిగా ఉన్న జైపాల్ రెడ్డిగారు గొప్ప గేమ్‌స్టర్. రాజకీయ క్రీడలో మాఖియవెలీని మించినవారాయన. అలాంటి హేమాహేమీలు ఇద్దరూ రంగంలోకి దిగితే, చెప్పాలా? ఆట మహ రంజుగా సాగదూ?! ప్రస్తుతం వీళ్లిద్దరూ కుమ్మక్కై జనానికి గ్యాస్ కొడుతున్నారు. మన రాష్ట్రంలో దొరికే సహజవాయువును సుశీల్ కుమార్ షిండే -కేంద్ర ఇంధన శాఖ మంత్రిగా దిగిపోతూపోతూ- మింగేశారని కిరణ్ కుమార్ గొడవ చేస్తున్నారు. అంతేకానీ, తాను కునికిపాట్లు పడుతూ ఉండడం వల్లనే అది సాధ్యమయిందని ఆయన చెప్పరు! తాను కేంద్రంలో పాగా వేసి ఉన్నందువల్లనే ఇంతకాలం రాష్ట్రం జెండా ఎగురుతూ వచ్చిందని జైపాల్ రెడ్డి జబ్బలు చరుచుకుంటున్నారు. మరి షిండే మన వాయు నిక్షేపానికి ఎలా కన్నమేసి ఎత్తుకెళ్లారో ఈయనా చెప్పడు! మొత్తానికి ఇద్దరూ ఆటగాళ్లూ పోటుగాళ్లూ కావడం వల్లనే ఇది సాధ్యమయిందనే విషయాన్ని జనం ఏనాడో గ్రహించారు. ‘ఏమయ్యా పెద్దమనిషీ, నువ్వు ఆంధ్రప్రదేశ్‌కు చెందినవాడివి కదా! నీ హయాంలో ఇది జరగవచ్చునా అని నన్ను మనవాళ్లడుగుతున్నారు. అది అడగవలసిన ప్రశ్నే’ అంటూనే జైపాల్ ఓ విడ్డూరమయిన ప్రతివాదం చేస్తున్నారు. ‘మరి నేను పదకొండు నెలలపాటు మనవాళ్లకు సహజవాయువును వినియోగించుకునే అవకాశం ఇచ్చాను గదా! నేను కేంద్రంలో పదవిలో ఉండడం వల్లనే అది సాధ్యమయింది!’ అన్నది జైపాల్ వాదన. తానుగాక మరెవరు ఆ పదవిలో ఉన్నా ఈ పదకొండు నెలలు కూడా మన రాష్రానికి ఇంత సహజవాయువు లభ్యమయివుండేది కాదని కూడా జైపాల్ తేల్చిచెప్తున్నారు. అంతేకాదు- కేంద్రంలో అధికారంలో ఉన్నందువల్ల మన రాష్ట్రానికి అదనంగా మేలు సమకూర్చినట్లు చెప్పుకోగలిగే అవకాశం కూడా తనకు కరువయిందని ఆయన వాపోయారు. ఇతర రాష్ట్రాలవారెవరయినా, తాను సొంత రాష్ట్రం పై పక్షపాతం చూపించానని ఆరోపణ చేస్తే, ఏ పార్లమెంటులోనో నిలదీస్తే తానేం చెప్పుకోవాలని జైపాల్ రెడ్డి మనల్నే ప్రశ్నిస్తున్నారు. కేంద్రమంత్రి చెప్తున్న కబుర్లన్నీ కల్లలేనని ముఖ్యమంత్రి -పరోక్షంగా- ఎత్తిపొడుస్తున్నారు. గత పాతిక ముప్పయ్ సంవత్సరాలుగా ఎన్నడూ ఇంత ఇంధన కొరత లేదని లెక్కలతో సహా తేల్చిచెప్తున్నారు కిరణ్ కుమార్ రెడ్డి. అనగా- గత పదకొండు మాసాలుగా తానేదో ధారపోశానని జైపాల్ చెప్పిన మాటలు పచ్చి అబద్ధాలేనన్నమాట! ఇప్పటికే మూడు కోట్ల యూనిట్ల కొరత ఉందనీ, త్వరలోనే మరో కోటి యూనిట్ల కొరత వచ్చే సూచనలున్నాయనీ ముఖ్యమంత్రి వెల్లడించారు. తద్వారా, మన రాష్ట్ర ప్రభుత్వం ప్లానింగ్ ఎంత సుందరముదనష్టంగా ఉందో ఆయనే బయటపెట్టుకున్నారు. దాంతోపాటుగా జైపాల్ రెడ్డి హయాంలో కొత్తగా ఒరగదోసిందేమీ లేకపోగా, ఉన్నది ఊడగొట్టడమే జరుగుతోందని గణాంకాలతో సహా రుజువు చేస్తున్నారాయన. కాగా, విదేశాల నుంచి దిగుమతి చేసుకునే సహజవాయువు మన రాష్ట్రానికి ఇప్పిస్తానని ఉదారంగా చెప్పానని జైపాల్ మీడియాతో చెప్తున్నారు. దానికి కూడా పెద్దగా సావకాశం లేకపోయినా, సొంత చొరవమీద సాధిస్తానని ఆయన చెప్తున్నారు. కాకపోతే, అలా చెయ్యడం వల్ల కొంత ఎక్కువ ఖర్చవుతుందనీ, దాన్ని రాష్ట్ర ప్రభుత్వం భరించక తప్పదనీ జైపాల్ అంటున్నారు. ‘మన రాష్ట్రంలో ఉత్పత్తయినది కావడం వల్ల రిలయెన్స్ గ్యాస్ ఖరీదు తక్కువగా ఉండేది. అదెవరికో ధారబోసి, ఎక్కువ ధరకు విదేశాలనుంచి దిగుమతి చేసుకున్న సమజవాయువును కొనుక్కోవలసిన ఖర్మ మనకేం పట్టింది?’ అని నిలదీశారు కిరణ్ కుమార్ రెడ్డి. ‘ఇక్కడ దొరికే సహజవాయువు మహారాష్ట్రకు ఇచ్చేదీలేనిదీ మీ ఇష్టం. మన రాష్ట్రంలో దొరికే రిలయెన్స్ గ్యాస్‌ను ఇక్కడి విద్యుత్కేంద్రాల వినియోగానికి ఇచ్చిన తర్వాతే ఏమయినా చేసుకోండి!’ అని -చాలా చాలా ఆలస్యంగానే అయినా- ముఖ్యమంత్రి కుండ బద్దలుకొట్టినట్లు చెప్పేశారు ముఖ్యమంత్రి. ఇదిలావుండగా మన రాష్టానికి చెందిన గ్యాస్ ను మహారాష్ట్రకు తరలిస్తుంటే కేంద్ర మంత్రి జైపాల్ రెడ్డి ఏం చేస్తున్నారని వైఎస్సార్ కాంగ్రెస్ నేత అంబటి రాంబాబు ప్రశ్నించారు. మన రాష్ట్రానికి అన్యాయం జరుగుతుంటే ఆపలేకపోయిన ఆయన తక్షణం మంత్రి పదవికి రాజీనామా చేసి తన చిత్తశుద్ధి నిరూపించుకోవాలన్నారు. మంత్రుల సాధికార కమిటీలో సభ్యులుగా ఉన్న కేంద్ర మంత్రులు మురళీదేవరా, షిండేలు గ్యాస్‌ను అక్రమంగా తమ రాష్ట్రానికి తరలించుకుపోతుంటే అదే కమిటీలో సభ్యుడిగా ఉన్న జైపాల్ రెడ్డి కళ్లు ఎందుకు మూసుకున్నారని రాంబాబు ప్రశ్నించారు. జైపాల్‌రెడ్డి తెలుగు ప్రజలకే కాదు, దేశప్రజలకు కూడా జవాబు చెప్పాలన్నారు. తక్షణమే రత్నగిరి కేటాయింపులు రద్దు చేయాలన్నారు. జైపాల్‌రెడ్డి సహా మన రాష్ట్రం నుంచి కేంద్ర మంత్రులుగా ఉన్న నలుగురు కూడా రాజీనామా చేయాలన్నారు. గ్యాస్ తరలింపుపై రాష్ట్ర ప్రభుత్వం సిగ్గుతో తలవంచుకోవాలని రాంబాబు అన్నారు. ఫీజు రీయింబర్స్‌ మెంట్ పథకాన్ని యథాతథంగా అమలు చేయాలని ఆయన డిమాండ్ చేశారు. ఫీజు రీయింబర్స్‌ మెంట్ పై ప్రభుత్వం నిర్ణయం మార్చుకోకుంటే వైఎస్సార్ కాంగ్రెస్ పార్టీ మహోద్యమం చేస్తుందని హెచ్చరించారు. ఈ విధంగా కేంద్రమంత్రి- ముఖ్యమంత్రి పింగ్‌పాంగ్ ఆడుతూ రాష్ట్రాన్ని -ముఖ్యంగా రైతాంగాన్ని- అల్లాడిస్తున్నారు. అయితే, ఇలాంటి ఆటలు ఎంతో కాలం సాగవని ఈ క్రీడాకారులిద్దరూ గ్రహించడం మంచిది.

వైఎస్సార్ సీపీ ఎస్సీ, ఎస్టీ కమిటీ భేటీ

వైఎస్సార్ కాంగ్రెస్ పార్టీ కేంద్ర కార్యాలయంలో ఆ పార్టీ ఎస్సీ, ఎస్టీ కమిటీ సభ్యులు సమావేశమయ్యారు. దళిత, గిరిజనుల అభివృద్ధి కోసం ఓ కొత్త పాలసీ సిద్ధం చేసేందుకు సమాలోచనలు జరుపుతున్నారు. ప్రతిపాదిత పాలసీ సిద్ధం చేసి పార్టీ అధ్యక్షుడు వైఎస్ జగన్‌కు ఎస్సీ, ఎస్టీ కమిటీ అందజేయనుంది. దళితులు, గిరిజనుల సమస్యలను పూర్తిగా పరిశీలించి పాలసీ రూపొందిస్తామని కమిటీ సభ్యులు తెలిపారు. దేశం, రాష్ట్రంలో ఏ ప్రభుత్వం, ఏ పార్టీ చేయని విధంగా ఈ పాలసీ ఉంటుందన్నారు. జగన్‌ సూచనలతో పాలసీ విధివిధానాలు త్వరలో మీడియాకు వివరిస్తామని చెప్పారు. ఈ సమావేశంలో జూపూడి ప్రభాకరరావు, గొల్ల బాబూరావు, నల్లా సూర్యప్రకాశ్‌, కుంభ రవిబాబు తదితరులు పాల్గొన్నారు.

YSRCP Leader Ambati Rambabu press meet at YSRCP office

జైపాల్ రెడ్డి రాజీనామా చేయాలి

మన రాష్టానికి చెందిన గ్యాస్ ను మహారాష్ట్రకు తరలిస్తుంటే కేంద్ర మంత్రి జైపాల్ రెడ్డి ఏం చేస్తున్నారని వైఎస్సార్ కాంగ్రెస్ నేత అంబటి రాంబాబు ప్రశ్నించారు. మన రాష్ట్రానికి అన్యాయం జరుగుతుంటే ఆపలేకపోయిన ఆయన తక్షణం మంత్రి పదవికి రాజీనామా చేసి తన చిత్తశుద్ధి నిరూపించుకోవాలన్నారు. మంత్రుల సాధికార కమిటీలో సభ్యులుగా ఉన్న కేంద్ర మంత్రులు మురళీదేవరా, షిండేలు గ్యాస్‌ను అక్రమంగా తమ రాష్ట్రానికి తరలించుకుపోతుంటే అదే కమిటీలో సభ్యుడిగా ఉన్న జైపాల్ రెడ్డి కళ్లు ఎందుకు మూసుకున్నారని రాంబాబు ప్రశ్నించారు. జైపాల్‌రెడ్డి తెలుగు ప్రజలకే కాదు, దేశప్రజలకు కూడా జవాబు చెప్పాలన్నారు. తక్షణమే రత్నగిరి కేటాయింపులు రద్దు చేయాలన్నారు.

జైపాల్‌రెడ్డి సహా మన రాష్ట్రం నుంచి కేంద్ర మంత్రులుగా ఉన్న నలుగురు కూడా రాజీనామా చేయాలన్నారు. గ్యాస్ తరలింపుపై రాష్ట్ర ప్రభుత్వం సిగ్గుతో తలవంచుకోవాలని రాంబాబు అన్నారు. ఫీజు రీయింబర్స్‌ మెంట్ పథకాన్ని యథాతథంగా అమలు చేయాలని ఆయన డిమాండ్ చేశారు. ఫీజు రీయింబర్స్‌ మెంట్ పై ప్రభుత్వం నిర్ణయం మార్చుకోకుంటే వైఎస్సార్ కాంగ్రెస్ పార్టీ మహోద్యమం చేస్తుందని హెచ్చరించారు.

జైపాల్‌రెడ్డి నోరు విప్పాలి: గోనె

రాష్ట్రానికి గ్యాస్ వాటా విషయంలో కేంద్ర మంత్రి జైపాల్‌రెడ్డి వ్యాఖ్యలు దురదృష్టకరమని ఆర్టీసీ మాజీ చైర్మన్ గోనె ప్రకాశ్‌రావు అన్నారు. రాష్ట్ర ప్రయోజనాలను పణంగా పెట్టి కాంగ్రెస్ నేతలు నీచరాజకీయాలు చేస్తున్నారని ఆయన ఆరోపించారు. ఇతర రాష్ట్రాల కేంద్ర మంత్రులను చూసి మనమంత్రులు సిగ్గుతెచ్చుకోవాలని ఎద్దేవా చేశారు. ఇకనైనా తెలంగాణపై జైపాల్‌రెడ్డి నోరు విప్పాలని డిమాండ్ చేశారు.

ఏది నిజం?

Leaders queue up to join YSRC (Deccan Chronicle)

Leaders of the Telugu Desam and Congress are migrating into the YSR Congress in Prakasam district, suspecting a huge win for the YSRC in the forthcoming Assembly elections. Recently, Telugu Yuvatha and state Telugu Rythu vice-president Chunduri Ravi joined the YSRC with his supporters. Earlier, senior TD leader and former MLA Gottipati Narsaiah gave a jolt by joining the YSRC.

Leaders of the Telugu Desam and Congress are migrating into the YSR Congress in Prakasam district, suspecting a huge win for the YSRC in the forthcoming Assembly elections. Recently, Telugu Yuvatha and state Telugu Rythu vice-president Chunduri Ravi joined the YSRC with his supporters. Earlier, senior TD leader and former MLA Gottipati Narsaiah gave a jolt by joining the YSRC.

Similarly, another TD senior leader and ex-MLA P. David Raju, ex-MLA Mukku Kasi Reddy, former minister and Chirala TD leader Dr P. Rama Rao and Dr Swarna Geetha also joined the YSRC. The Congress feels the same pinch with former MLAs Dr B. Ch. Gartaiah, Dara Sambaiah, Janke Vankat Reddy, Udumula Srinivas Reddy and former zilla parishad chairperson Katam Arunamma joining the YSRC. Meka Ravindrababu, a Kamma leader who worked as Prakasam district revenue officer, joined the YSRC two days ago in the presence of Ongole MLA Balineni Srinivas Reddy.

He had earlier faced allegations of supporting the TD as DRO.

Meanwhile, YSRC party sources said that Mr David Raju was working for a party ticket to contest from Yerragondapalem reserved constituency.

Similarly, Dr Gartaiah was busy for the Addanki ticket, Mr Narsaiah for the Parchur ticket and Mr Rama Rao for the Chirala party ticket. YSRC state spokesperson and MLC Mr Jupudi Prabhakar Rao is planning to contest from Santanutalapadu reserved constituency.

Interestingly, Mr Ravindrababu is seeking the Kandukur ticket due to the presence of Kamma voters there.

http://www.deccanchronicle.com/channels/cities/regions/nellore/leaders-queue-join-ysrc-228

Sakshi Vedika With YSRCP Leader Kotamreddy Sridhar Reddy

Power Plants Colse?

ఉప్పొంగే నదులు ఉప్పునీటి పాలేనా!

గోదావరి జలాల వినియోగానికి వైఎస్ రూపొందించిన ఏడు జాతీయ ప్రాజెక్టులు పూర్తి చేయగలిగితే రాష్ట్రంలోని అన్ని ప్రాంతాలు సుభిక్షం అవుతాయి. కర్నూలు జిల్లాలో సంభవించిన తీవ్ర వరద పరిస్థితుల అధ్యయనానికి ప్రధానమంత్రిని ఆహ్వానించిన సందర్భంలో నదీ జలాల వినియోగానికి రాష్ట్రంలో నిర్మిస్తున్న ప్రాజెక్టుల గురించి వైఎస్ ఆయనకు వివరించారు.వరద నీటి వినియోగానికి లాభనష్టాల బేరీజు వేయకుండా సర్‌ప్లస్ రిజర్వాయర్లు నిర్మించాలని ఆ సందర్భంగా ప్రధాని సూచించారు. రాష్ర్టంలోని నీటి లభ్యత, నీటి అవసరాలు, గ్రామీణ ప్రాంతాల అభివృద్ధి తదితర సంబంధిత సమస్యల పరిష్కారానికి జాతీయస్థాయిలో సరైన దిశలో ప్రయత్నిస్తే నిధుల సమస్య తలెత్తదు. అలాగే అనుమతులు లభించి, అభ్యంతరాలు తొలగిపోతాయి. కావాల్సిందల్లా దృఢసంకల్పం. కానీ మన ఢిల్లీ పెద్దలలో కొరవడిందే అది! గోదావరి, కృష్ణా నదుల పరీ వాహక ప్రాంతాలలో వర్షాభావంతో కూడిన పరిస్థితులు నెలకొన్న నేపథ్యంలో, రాష్ట్రంలో రైతాంగం తీవ్ర సంక్షోభాన్ని ఎదుర్కొంటోంది. కృష్ణానది ప్రాజెక్టుల పరిధిలో తెలంగాణ, కోస్తా, రాయలసీమ ప్రాంతాల మధ్య నీటి వినియోగంపై ప్రాం తీయ ఉద్రిక్తతలు రోజురోజుకూ పెరుగుతున్నాయి. ఎగువన నీటిలభ్యత కొరవడితే దిగువ రాష్ట్రాల్లో పరిస్థితులు మరింత దయనీయంగా మారుతాయన్న స్పృహ ప్రభుత్వానికి లేకపోవడం విడ్డూరం. ప్రస్తుతం గోదావరి బ్యారేజ్ నుంచి సముద్రంలోకి భారీ నీటి పరిమాణం వృథాగా విడుదలవుతుండటం మన దుస్థితికి అద్దం పడుతు న్నది. గత పది రోజుల్లో సుమారు 300 టీఎంసీల గోదావరి నీరు సముద్రం పాలయ్యాయి. మరీ ఆశ్చర్యం గొలిపే అంశం ఏమిటంటే పోలవరం ప్రాజెక్టును వ్యతిరేకిస్తున్నవారు, 60 శాతం గోదావరి జలాల లభ్యత ఒడిశా, చత్తీస్‌గఢ్‌ల నుంచి మనకు లభ్యమవుతుందన్నది గుర్తించనిరాకరించడం. ప్రస్తుతం సీలేరు, శబరి ద్వారా సముద్రం పాలవుతున్న ఈ నీరంతా గోదావరి వరద ప్రవాహమే. పోలవరం ప్రాజెక్టు నిర్మాణం పూర్తయితే, సముద్రం పాలవుతున్న గోదావరి జలాలను సాగుకు మళ్లించడం సుసాధ్యమవుతుందన్నది తెలిసిందే. గోదావరి జలాల సద్వినియోగం లక్ష్యంగా దివంగత మహానేత ‘జలయజ్ఞం’ తలపెట్టారు. దుమ్ముగూడెం, నాగార్జునసాగర్ టెయిల్‌పాండ్, దేవాదుల, కంతలపల్లి, ప్రాణహిత-చేవెళ్ల, ఉత్తరాంధ్ర సుజలస్రవంతి, శ్రీపాద యల్లంపల్లి ప్రాజెక్టులు అందులో ప్రముఖమైనవి. ప్రాణహిత-చేవెళ్ల ద్వారా తెలంగాణలోని ఏడు జిల్లాలలో దాదాపు 17 లక్షల ఎకరాలకు సాగునీటి వసతిని కల్పిం చడం సాధ్యమవుతుంది. ఇది ప్రపంచంలోనే అతి పెద్ద రెండవ ఎత్తిపోతల పథకం. ఈ ఏడు ప్రాజెక్టులను జాతీయ ప్రాజెక్టులుగా గుర్తించి, నిధులు మంజూరు చేయాలని కేంద్రానికి వైఎస్ పదేపదే విజ్ఞప్తి చేశారు. 2009లో రెండవ పర్యాయం ముఖ్యమంత్రిగా ప్రమాణ స్వీకారానికి ముందు, జలయజ్ఞంలోని ప్రాజెక్టులన్నీ నాలుగేళ్లలో పూర్తి చేయడం తన లక్ష్యమని వైఎస్ ప్రకటించడం ప్రత్యేకంగా గుర్తుచేసుకోదగినది. గోదావరి జలాల వినియోగానికి ప్రాజెక్టులు చేపట్టాల్సిన అవసరాన్ని కాటన్ దొర గతంలో గుర్తుచేశారు. గోదావరి బ్యారేజ్ ఎగువన భద్రాచలం దిగువన ఓ భారీ నీటిపారుదల ప్రాజెక్టు నిర్మాణాన్ని ఆనాడే ఆయన ప్రతి పాదించారు. 350 టీఎంసీల నీటిని పోలవరం ప్రాజెక్టు ద్వారా సాధించవచ్చని 1951లో కేంద్రం నియమించిన ఖోస్లా కమిటీ తన నివేదికలో పేర్కొంది. గుల్హాతి కమిషన్ 1961లో ఇదే తరహా సూచన చేసింది. బచావత్ కమిషన్ కూడా తన తీర్పులో పోలవరం ప్రాజెక్టు ద్వారా గోదావరి జలాలను సద్వినియోగం చేసుకోవాలని సూచించింది. జాతీయ జలవనరుల మండలి పోలవరం ప్రాజెక్టు ద్వారా కృష్ణలోకి నీటిని తరలించాలని సూచించింది. రాష్ట్రంలో మేజర్, మీడియం, మైనర్ ఇరిగేషన్ ప్రాజెక్టులన్నీ కలిపి 2,500 టీఎంసీల వినియోగానికి ఉద్దేశించినవి కాగా, అంతకన్నా ఎక్కువ మోతాదులో 3 వేల టీఎంసీల గోదావరి జలాలు ప్రతి ఏటా సముద్రం పాలవుతున్నాయి. గోదావరి డెల్టాలో రెండవ పంట వేసుకోవడానికి నీటి లభ్యత కొరవడిన కారణంగా దాదాపు 2 లక్షల ఎకరాలలో నేడు సాగు జరగడం లేదు. ఈ పరిస్థితి మారాలంటే లక్షల ఎకరాల పంట పొలాల సాగుకు, ఆయకట్టు స్థిరీకరణకు దోహదపడే పోలవరం ప్రాజెక్టు నిర్మాణం తప్పనిసరి. రాష్ట్రంలో కోటి 30 లక్షల ఎకరాలకు సేద్యపు నీటి వసతిని కల్పించడానికి ఉద్దేశించిన జలయజ్ఞం పథకాన్ని ఆచరణయోగ్యమైన ఆదర్శంగా తీసుకోవడానికి బదులు కుంటిసాకులు చెబుతూ, అడ్డంకులు కల్పించడానికి కేంద్ర రాష్ట్ర ప్రభుత్వాలు ప్రయత్నించడం దారుణం! గోదావరి జలాల వినియోగానికి వైఎస్ రూపొం దించిన ఏడు జాతీయ ప్రాజెక్టులు పూర్తి చేయగలిగితే రాష్ట్రంలోని అన్ని ప్రాంతాలు సుభిక్షం అవుతాయి. కర్నూ లు జిల్లాలో సంభవించిన తీవ్ర వరద పరిస్థితుల అధ్యయనానికి ప్రధానమంత్రిని ఆహ్వానించిన సందర్భంలో నదీ జలాల వినియోగానికి రాష్ట్రంలో నిర్మిస్తున్న ప్రాజెక్టుల గురించి వైఎస్ ఆయనకు వివరించారు. వరద నీటి విని యోగానికి లాభనష్టాల బేరీజు వేయకుండా సర్‌ప్లస్ రిజ ర్వాయర్లు నిర్మించాలని ఆ సందర్భంగా ప్రధాని సూచిం చారు. రాష్ర్టంలోని నీటి లభ్యత, నీటి అవసరాలు, గ్రామీ ణ ప్రాంతాల అభివృద్ధి తదితర సంబంధిత సమస్యల పరిష్కారానికి జాతీయస్థాయిలో సరైన దిశలో ప్రయత్నిస్తే నిధుల సమస్య తలెత్తదు. అలాగే అనుమతులు లభించి, అభ్యంతరాలు తొలగిపోతాయి. కావాల్సిందల్లా దృఢసంకల్పం. కానీ మన ఢిల్లీ పెద్దలలో కొరవడిందే అది! రైతు ప్రయోజనాలపై ఊపిరాడకుండా ఊకదంపుడు ఉపన్యాసాలు చేస్తున్న చంద్రబాబు రాష్ట్రంలో గోదావరి జలాల వినియోగానికి జరిపిన కృషి అంటూ ఏమీలేదు. పైగా వైఎస్ ప్రతిపాదించిన జలయజ్ఞం ప్రాజెక్టుల ప్రాముఖ్యాన్ని తగ్గించడానికి రామోజీరావు నేతృత్వంలోని ప్రచారసాధనాల ద్వారా నిరంతరం తమవంతు ప్రయత్నం చేస్తూనే ఉన్నారు. జలయజ్ఞం పథకాన్ని నీరుకార్చడానికి అవినీతి ఆరోపణలను పుక్కిటపట్టారు. వైఎస్‌ను ఎన్నికల్లో ఓడించి తద్వారా జలయజ్ఞం పథకాన్ని నిలువరించడానికి గాను పోలవరం ప్రాజెక్టును వ్యతిరేకించే శక్తులతో చేతులు కలిపారు. ప్రాంతీయ విభేదాలు రెచ్చగొట్టారు. సేద్యపునీటి ప్రాజెక్టులు, వ్యవసాయం దండుగ అంటూ ఇంకుడు గుంతలు, వాటర్‌షెడ్ కార్యక్రమాలే మేలంటూ ప్రజలను మభ్యపెట్టేందుకు విఫలయత్నం చేశారు. గోదావరి-కృష్ణా నదుల దిగువన నిర్మించాల్సిన ప్రాజెక్టుల ఆవశ్యకతను గుర్తించడానికి నేటికీ బాబు నిరాకరిస్తున్నారు. ప్రాజెక్టుల నిర్మాణానికి సంబంధించి ఆయన ప్రతినాయకుడి పాత్రను ఇష్టపూర్తిగా ఎంచుకున్నారు. ఫలితంగా, నేడు రైతాంగం దృష్టిలో నేరస్తుడిలా నిలిచారు. ప్రజలందరికీ నీటి వినియోగంపై తగు చైతన్యం కల్పిం చడానికి, పాదయాత్రలు, దీక్షల ద్వారా ప్రాజెక్టుల ప్రాధాన్యతను చాటడానికి వైఎస్ భగీరథయత్నం చేశారు. ఆయన హయాంలో రూ.60 వేల కోట్లు ఖర్చు చేసి ప్రాజెక్టుల నిర్మాణంలో దశను దిశను నిర్దేశించారు. వైఎస్ మరణించి మూడేళ్లు పూర్తవుతున్న సందర్భంగా ఈ సంగతిని మనం మననం చేసుకోవడం తప్పనిసరి. కానీ, కాంగ్రెస్‌పార్టీ వైఎస్ ప్రవేశపెట్టిన పథకాలను అటకెక్కించడానికి, ఆయన ప్రాజెక్టులకు ఇచ్చిన ప్రాధాన్యం తగ్గించి అవి నిరుపయోగమని చెప్పడానికి పడరాని పాట్లుపడుతోంది. ప్రత్యేకించి జలయజ్ఞానాన్ని ఆచరణలో పెట్టేందుకు కిరణ్ సర్కారు నిరాకరిస్తోంది. ఇంతకు మించిన ద్రోహం మరొకటి ఉంటుందా? ఈ నేపథ్యంలో వైఎస్ మానస పుత్రిక అయిన జలయజ్ఞం ప్రాజెక్టు పరిపూర్తికి పార్టీ ప్రణాళికలో వైఎస్ జగన్‌మోహన్‌రెడ్డి సముచిత స్థానం కల్పించి తండ్రి బాటన నడవటానికి నిశ్చయించుకున్నారు. జలవనరుల వినియోగానికి, గ్రామీణ ప్రాంతాల సమగ్రాభివృద్ధికి, వ్యవసాయరంగం పరిపుష్టికి తన పార్టీ ఇచ్చే ప్రాధాన్యతలేమిటో రాష్ర్టంలోని దాదాపు 25 వేల కిలోమీటర్లు సాగిన పర్యటనలో ప్రజల ముందుంచారు. ప్రజాస్వామ్యంలో ప్రతిపక్షం ప్రజలపక్షాన నిలబడి ఎలా పోరాడాలో, ఎలా కృషి చేయాలో తొమ్మిదేళ్లు ముఖ్యమంత్రిగా, ఏడేళ్లు ప్రతిపక్ష నాయకుడిగా పనిచేసిన చంద్రబాబు నాయుడికి తెలిసివచ్చేలా చెప్పి, ప్రజలు చంద్రబాబును ఛీత్కరిం చేలా చేశారు. భవిష్యత్తులో తనకు ప్రజల ఆశీస్సులతో తగిన సంఖ్యాబలం చేకూరితే సేద్యపునీటి ప్రాజెక్టులకు, వ్యవసాయరంగానికి పెద్దపీట వేస్తానని విస్పష్టంగా ప్రకటించారు. పోలవరం ప్రాజెక్టు నిర్వాసితులు సంతుష్టి చెందిన తరువాతే ప్రాజెక్టు ప్రారంభోత్సవం జరుగుతుందని, అధికారంలోకి వచ్చిన రెండేళ్లలో ప్రాజెక్టు నిర్మాణం పూర్తి చేస్తామని భరోసా ఇవ్వడం ద్వారా వైఎస్ జగన్ తన భవిష్యత్ గమనం ప్రజల ప్రయోజనాలకు లోబడి ఉంటుందని తేల్చి చెప్పారు. గోదావరి జలాల వినియో గానికి ైవె ఎస్ ప్రతిపాదించిన ఏడు సేద్యపు నీటి ప్రాజెక్టులను జాతీయ ప్రాజెక్టులుగా గుర్తించాలని కేంద్రానికి చేసిన ప్రతిపాదనలు కార్యరూపం ధరించడానికి రాష్ట్ర రైతాంగం, యువజనులు, ప్రజలు కృషి సాగించడమే ఆయనకు నిజమైన నివాళి. వైఎస్ జగన్ నేడు జైలులో ఉన్నంత మాత్రాన జల యజ్ఞం పథకం నీరుగారిపోదు. ఆ స్థానంలో పార్టీ పగ్గాలు చేపట్టిన విజయమ్మ పోలవరం ప్రాంతాల్లో ఉప ఎన్నికల పర్యటనలో చేసిన ఉపన్యాసాల్లో ప్రాజెక్టుపై తమ వైఖరిని స్పష్టం చేసి భావికి బాటలు వేశారు. జలయజ్ఞం ప్రాజెక్టులను పూర్తిచేయడానికి, అవసరమైతే అందుకోసం సాగే ప్రజా ఉద్యమాలకు నాయకత్వం వహించడానికి వైఎస్ కుటుంబం సదా సిద్ధంగా ఉంటుందన్నది సుస్పష్టం. కాబట్టి ఇదే అదనుగా ప్రజలు తమ వంతు కర్తవ్యంగా ఉద్యమ నిర్మాణంలో పాలుపంచుకుని వైఎస్ కలలుగన్న జలయజ్ఞాన్ని సాకారం చేయాలి!