జగన్ బెయిల్ పిటిషన్‌పై నేడు విచారణ

న్యూఢిల్లీ, న్యూస్‌లైన్: ఆస్తుల కేసులో బెయిల్ కోసం వైఎస్సార్ కాంగ్రెస్ పార్టీ అధినేత, కడప ఎంపీ వై.ఎస్.జగన్‌మోహన్‌రెడ్డి దాఖలుచేసిన పిటిషన్‌ను సుప్రీంకోర్టు శుక్రవారం విచారించనుంది. జస్టిస్ అఫ్తాబ్ ఆలం, జస్టిస్ రంజనా ప్రకాశ్ దేశాయ్‌తో కూడిన ధర్మాసనం ఈ నెల 14వ తేదీన జగన్ బెయిల్ పిటిషన్‌పై తొలివిడత విచారణ జరిపి ఇరుపక్షాల వాదనలు విన్న సంగతి తెలిసిందే. ఆస్తుల కేసులో సాక్షులను జగన్ ప్రభావితం చేస్తున్నారన్న సీబీఐ వాదనకు ఆధారమైన ‘సూరీడు వాంగ్మూల నిరాకరణ’ వ్యవహారంలో సీఆర్‌పీసీ సెక్షన్ 164 కింద కీలక సాక్షి సూరీడుకు సమన్లు పంపాలని లోగడ ప్రత్యేక కోర్టులో సీబీఐ పెట్టుకున్న దరఖాస్తును, సదరు దరఖాస్తుపై సీబీఐ ప్రత్యేక కోర్టు న్యాయమూర్తి జారీచేసిన సమన్ల ఉత్తర్వును తదుపరి విచారణలోగా కోర్టుకు సమర్పించాలని గత విచారణ సమయంలో ధర్మాసనం సీబీఐని ఆదేశించింది. కాగా విజయసాయిరెడ్డి బెయిల్ రద్దు కోసం సీబీఐ దాఖలుచేసిన పిటిషన్‌పై కూడా ధర్మాసనం శుక్రవారం విచారణ జరపనుంది.

http://www.sakshi.com/main/FullStory.aspx?CatId=458672&Categoryid=1&subCatId=32

Today YS Jagan's bail petition hearing

how to console when children outburst ?

YS JAGAN HAD NO ROLE IN VANPIC CASE: CBI TO HC(sakshi post)

Justice Samudrala Govindarajulu of AP High Court posed some pertinent questions to the CBI lawyer, Kesava Rao during the course of industrialist Nimmagadda Prasad's petition for bail on Wednesday. All along the CBI had been maintaining that Jagan was involved in allocation of lands in the Vanpic  case.

However, when questioned by the judge the CBI counsel came out with the facts of the case. The CBI lawyer clarified that YS Jagan Mohan Reddy was in no way connected to the Vanpic case.
Significantly, the judge expressed his displeasure over the with CBI arguments and instructed the premier investigation agency to present arguments which are judicially sound. Further, the Court instructed the CBI not to present arguments to please its superior officers.

• After having levelled allegations all along that YSRC Party president and Kadapa MP YS Jagan Mohan Reddy was involved in allocation of lands in the Vanpic project and influencing industrialist Nimmagadda Prasad to invest in Jagati Publications and Bharathi cements, the CBI was compelled to come out with the truth.
• The CBI admitted before the High Court on Wednesday that Jagan Mohan Reddy had no role to play in the allocation of lands to the vanpic corridor, granting concessions and related matters.
• However, this disclosure was not made voluntarily by the CBI. It was forced to do so when the CBI counsel had to place details with regard to the Vanpic agreement. At this point, the CBI lawyer elaborated on the facts with regard to Jagan's role and Nimmagadda Prasad's investments in Jagati Publications.
• The CBI was compelled to admit the truth of Jagan's non-involvement following the High Court intervention. The court questioned the CBI sharply about the involvement of Jagan in the said case.
• It's worth recalling that Nimmagadda Prasad had filed a bail petition in the High Court after the CBI court had rejected his bail plea in the case against him for investing in Jagan's companies.
• The petition came up before justice Samudrala Govindarajulu who had heard it before. 
• CBI counsel Kesava Rao continued his arguments after last week's inconclusive hearing was adjourned. 
• Once again, the judge expressed his displeasure over the arguments presented by the CBI counsel. 
• The judge said: "Do you want to present arguments as it pleases you or as the court wishes to hear them? The court will not entertain the reading of irrelevant documents." "Please speak only on documents related to the bail petition," the judge said in no uncertain terms.
• The CBI counsel, however, replied that he would only read out one or two paragraphs related to the bail petition and that he would not waste the court's time. He then referred to the Government to Government agreement reached between RAK and the AP government on the vanpic project. 
• The CBI counsel told the court that the project was alloted 4,000 acres under the Boot (build, own, operate and transfer) scheme. 
• He also argued that there was no clarity on any cabinet decision in this respect (allocation of 4,000 acres of land).
• The judge cut him off by repeating that he wanted to hear only points relevant to the bail petition and nothing else. The judge further added that he only wanted to know the role of the petitioner in the case. 
• Kesava Rao stated that Nimmagadda Prasad's massive investments in Jagan's companies were quid pro quo in nature.
• He also alleged that Nimmagadda Prasad stood to gain from the concessional agreement in the Vanpic project and thus invested in Jagan's companies. He added that the details of the investments were mentioned in the chargesheet.
• The judge bluntly retorted to this by saying, "Do not argue here as you do in the lower court and save these arguments for the lower court. Just state as to who else has a role in the quid pro quo agreement. Is Jagan, the accused No.1 in the vanpic case in any way connected to this. If yes, please spell out clearly in what way?" This question rattled not only the CBI counsel Kesava Rao, but also all the other officials present in the courtroom.
• After the judge raised this crucial question, the CBI had no option but to reveal the truth. The CBI counsel stated that Jagan is in no way involved in the Vanpic corridor case. However, Kesava Rao parroted the same arghument that Nimmaggada Prasad invested in Jagati Publications and Bharathi Cements to which the judge responded by saying, "I have my own doubts. I cannot conclude based on what's stated in the chargesheet or your arguments. I have my own ways of arriving at the truth. Only after thorough research will I reach a conclusive decision."
• "Please give a straightforward reply to each query of mine. Present your arguments in a way that satisfies the court. Just because someone's convinced with your arguments means nothing to me — I am helpless,"  the judge reprimanded Kesava Rao.

- sakshipost

source:   http://sakshipost.com/index.php/news/state/3833-ys-jagan-had-no-role-in-vanpic-case-cbi-to-hc

బాబు సీమ ద్రోహి...

Written by Parvathi On 9/27/2012 3:51:00 PM తెలుగుదేశం పార్టీ అధ్యక్షుడు చంద్రబాబునాయుడుకు సొంత జిల్లా నుంచి తిరుగుబాటు బావుట ఎదురైంది. ప్రధానమంత్రికి చంద్రబాబు తెలంగాణపై లేఖ రాయడంపై చిత్తూరు జిల్లా తంబళ్లపల్లి టీడీపీ ఎమ్మెల్యే ప్రవీణ్ కుమార్ రెడ్డి తీవ్రంగా వ్యతిరేకించారు. సీమాంధ్ర ప్రాంత నేతలతో సంప్రదించకుండా బాబు ఏకపక్షంగా నిర్ణయం తీసుకున్నారంటూ ప్రవీణ్ కుమార్ రెడ్డి గళమెత్తారు. చంద్రబాబు సొంత గడ్డకు ద్రోహం చేశారని బాహాటంగానే మండిపడ్డారు. తెలంగాణకు అనుకూలంగా ఒక అడుగు ముందుకు వేస్తూ ప్రధానికి లేఖ రాసి ఇరవై నాలుగు గంటలు ముగియక ముందే బాబు వైఖరిపై పార్టీ నేతలే అసంతృప్తి వ్యక్తం చేస్తున్నారు. చంద్రబాబు రాసిన తెలంగాణ లేఖను తక్షణమే ఉపసంహరించుకోవాలని ప్రవీణ్ రెడ్డి గురువారం డిమాండ్ చేశారు. తెలుగుదేశంపార్టీ ఇప్పటికే అస్తవ్యస్తమైందని.. పార్టీనే కాకుండా రాష్ట్రాన్ని కూడా నాశనం చేస్తారా అని ఆయన మండిపడ్డారు. లేఖను ఉప సంహరించుకోకుండా సమైంక్యాంధ్రే టీడీపీ విధానమని చెప్పకపోతే టీడీపీని వీడడం ఖాయమని ప్రవీణ్‌ కుండబద్ధలు కొట్టారు. పార్టీ కన్నా, సొంత ప్రయోజనాల కన్నా తనకు రాష్ట్ర ప్రయోజనాలే ముఖ్యమన్నారు. చంద్రబాబు తన లేఖను వెనక్కి తీసుకోవాలని, లేకుంటే పార్టీని వీడటానికి కూడా వెనుకాడనని ఆయన స్పష్టం చేశారు. బాబు పాదయాత్రకు సహకరించేది లేదని స్పష్టం చేశారు. పైగా పాదయాత్రకు చిత్తూరు జిల్లా వస్తే నిరసన తెలుపుతామని కూడా ప్రవీణ్ హెచ్చరిస్తున్నారు. చంద్రబాబు రాయలసీమకు ద్రోహం చేశారని, ఆ ప్రాంతం వ్యక్తి అయి ఉండి, తెలంగాణకు అనుకూలంగా నిర్ణయం తీసుకోవడంతో పార్టీ తీవ్రంగా నష్ట పోతుందని ఆయన అన్నారు. చంద్రబాబు రెండువేల తొమ్మిది నుంచి తప్పులే చేస్తున్నారని ఆయన వ్యాఖ్యానించారు. తెలంగాణ మార్చ్ పేరుతో సీమాంద్రులపై దాడికి తెలంగాణవాదులు ప్రయత్నిస్తుంటే, దానికి తెలుగుదేశం తెలంగాణ ఎమ్మెల్యేలు కూడా మద్దతు ఇవ్వడం దారుణమని ఆయన విమర్శించారు. రాష్ట్రంలో ఆంధ్రా, తెలంగాణ ప్రాంతాలే కాదని, రాయలసీమ ప్రాంతం కూడా ఉందని ప్రవీణ్ కుమార్ రెడ్డి గుర్తు చేశారు. ఒకవేళ రాష్ట్రం విడిపోతే సీమ పరిస్థితి ఏంటని ప్రశ్నించారు. పార్టీలో తెలుగు అనే పదం పెట్టుకునే అర్హత టీడీపీకి లేదని, తెలంగాణ దేశం అని పెట్టుకుంటే సరిపోతుందని ఆయన సూచించారు. బాబు తెలంగాణ లేఖ ఇవ్వడాన్ని ప్రవీణ్ కుమార్ రెడ్డి గతంలో తీవ్రంగా వ్యతిరేకించారు. ఒకవేళ లేఖ ఇస్తే పార్టీకి, పదవికి గుడ్ బై చెప్పే అవకాశం ఉందని ప్రచారం జరిగిన నేపథ్యంలో పార్టీ అధ్యక్షుడు కొద్ది రోజుల క్రితం ప్రవీణ్ తో ఈ విషయాన్ని చర్చించినట్లు సమాచారం. ఈ సందర్భంగా తెలంగాణ లేఖ ఇస్తే పార్టీకి రాయలసీమలో ఎదురయ్యే పరిణామాలను ఎమ్మెల్యే వివరించినట్లు తెలిసింది. అయితే పార్టీ వీడే యోచనలో ఉన్న ప్రవీణ్ కుమార్ రెడ్డి తెలంగాణ లేఖను రాద్ధాంతం చేస్తున్నారని ఆపార్టీకి చెందిన తెలంగాణ నేతలు విమర్శిస్తున్నారు. ఇప్పటికే చంద్రబాబుకు వ్యతిరేకంగా తెలంగాణ తెలుగు తమ్ముళ్లు పార్టీకి రాజీనామా చేసి తెరాస గూటికి చేరి మళ్లీ ఎమ్మెల్యేలుగా గెలుపొందగా, మరికొందరు తిరుగుబాటు జెండా ఎగురవేశారు. తాజాగా తెలంగాణ లేఖతో ఇప్పుడు సీమాంధ్ర నుంచి కూడా బాబుకు నిరసనలు ఎదురవుతున్నాయి. మరోవైపు ప్రత్యేక రాయలసీమ అంటూ టీడీపీ ఎమ్మెల్యే బైరెడ్డి రాజశేఖరరెడ్డి తన ప్రయత్నాలు తాను చేస్తున్న విషయం తెలిసిందే. పార్టీలో తాజా పరిణామాల నేపథ్యంలో ఇప్పటికైనా చంద్రబాబు ఒంటికన్ను విధానంపై నిలబడతారా...లేక రెండుకళ్ల సిద్ధాంతాన్ని కొనసాగిస్తారా అనేది తేలాల్సి ఉంది. కాగా తెలంగాణపై చంద్రబాబు లేఖ చాలా స్పష్టంగా ఉందని తెలంగాణ తెలుగు తమ్ముళ్లు చెప్పటం విశేషం. source: sakshi

టీడీపీకి బైరెడ్డి రాజశేఖరరెడ్డి రాజీనామా!

హైదరాబాద్: తెలుగుదేశం పార్టీకి సీనియర్ నాయకుడు బైరెడ్డి రాజశేఖర్‌రెడ్డి రాజీనామా చేశారు. చంద్రబాబు వ్యవహారశైలి నచ్చకపోవడం వల్లే పార్టీకి రాజీనామా చేస్తున్నానని ఆయన అన్నారు. తెలంగాణకు అనుకూలంగా లేఖ ఇస్తే అభ్యంతరం లేదని ఆయన అన్నారు. కానీ రాయలసీమ అంటే ఎందుకు చంద్రబాబుకు లెక్కలేనితనం ఉందోనని బైరెడ్డి మండిపడ్డారు. బాబుకు సలహాలు ఇస్తున్నవారు పార్టీని ముంచడానికే తప్ప, పెంచడానికి కాదని టీడీపీ నేతలను విమర్శించారు. 

source: kommineni

టిడిపిలో మరో ఎమ్మెల్యే తిరుగుబాటు

తెలుగుదేశం పార్టీకి చెందిన మరో ఎమ్మెల్యే తిరుగుబాటు చేశారు. ఆయన కూడా చిత్తూరు జిల్లావాడే కావడం విశేషం. అది కూడా చంద్రబాబునాయుడు పక్క నియోజకవర్గానికి ప్రాతినిద్యం వహిస్తున్న ఎన్.అమరనాధ రెడ్డి కావడం ప్రత్యేకతగా తీసుకోవాలి.ఇప్పటికే తంబళ్లపల్లి ఎమ్మెల్యే ప్రవీణ్ రెడ్డి తిరుగుబాటు బావుటా ఎగురవేసి చంద్రబాబుపై విమర్శల వర్షం కురిపించి, తాను సమైక్యవాదానికే కట్టుబడి ఉంటానని స్పష్టం చేశారు.అదే బాట అమరనాధ్ రెడ్డి కూడా తాను సమైక్య రాష్ట్రం కోసం ఉద్యమం చేస్తానని హెచ్చరించారు. చంద్రబాబు నిర్ణయాల వల్ల పార్టీ దెబ్బతింటోందని అన్నారు.అమరనాధ్ రెడ్డి గతంలో పుంగనూరుకు, ఆ తర్వాత పలమనేరుకు ప్రాతినిద్యం వహిస్తున్నారు. ఈయన తండ్రి కూడా రామకృష్ణారెడ్డి కూడా టిడిపి పక్షాన ఎమ్మెల్యే, ఎమ్.పిగా బాధ్యతలు నిర్వహించి దివంగతులయ్యారు. ప్రవీణ్ కాని, అమరనాద్ రెడ్డి కాని రాజకీయ కుటుంబాలకు చెందినవారే కావడం విశేషం. వీరే కాకుండా ఇతర జిల్లాల నుంచి కూడా ఇంకెవరైనా తిరుగుబాటు చేస్తారా అన్నది ఇప్పుడు చర్చనీయాంశంగా ఉంది.

source: kommineni

YS Vijayamma visits Khairathabad's 58 feets Lord Ganesha

జగన్ కోసం చెవిరెడ్డి హోమం

హైదరాబాద్: వైఎస్ఆర్ కాంగ్రెస్ అధినేత వైఎస్‌.జగన్‌కు భగవంతుని ఆశీస్సులు సంపూర్ణంగా అందాలని ఆశిస్తూ వైఎస్‌ఆర్ సీపీ నేత చెవిరెడ్డి భాస్కర్ రెడ్డి హైదరాబాద్‌లో భారీ హోమం ప్రారంభించారు. నానక్‌రాంగూడ మహంకాళీ ఆలయంలో ఈరోజు ఉదయం నుంచి రాత్రి వరకు ఈ యాగం కొనసాగనుంది. లక్ష్మీగణపతి హోమంతో ప్రారంభమై, రుద్రహోమం, నవగ్రహ శాంతి, సుదర్శనయాగం, చండీపారాయణ హోమంతో యాగం ముగుస్తుంది. రాబోయే రోజుల్లో జననేత జగన్‌కు శుభం కలగాలని.. అన్ని దోషాలు పోయి అజయుడై ఈ రాష్ట్రాన్ని పాలించాలని ఈ హోమం తలపెట్టినట్లు చెవిరెడ్డి తెలిపారు.


source: sakshi

'బాబుది పాదయాత్ర కాదు శవయాత్ర'

నెల్లూరు: చంద్రబాబు చేయబోయేది పాదయాత్ర కాదు శవయాత్ర అని కోవూరు ఎమ్మెల్యే నల్లపురెడ్డి ప్రసన్నకుమార్‌రెడ్డి అన్నారు. అధికార పీఠం కోసమే పాదయాత్ర పేరుతో కొత్త రాజకీయం చేస్తున్నారని ఆయన అన్నారు. చంద్రబాబు ఎన్ని జిమ్మిక్కులు చేసినా జనం నమ్మే పరిస్థితి లేదని ప్రసన్న కుమార్ అన్నారు. అధికారంలో ఉన్నంత సేపు బిల్‌క్లింటన్‌, బిల్‌గేట్స్ అంటూ హైలెవల్లో ఆలోచించారే తప్ప పేదల కోసం ఎప్పుడు ఆలోచించలేదని ఆయన మండిపడ్డారు. జగన్‌ కడిగిన ముత్యంలా బయటకు వస్తారని కోవూరు ఎమ్మెల్యే నల్లపురెడ్డి ప్రసన్నకుమార్‌రెడ్డి వ్యాఖ్యానించారు.

మహాగణపతిని దర్శించుకున్న విజయమ్మ!

హైదరాబాద్: ఖైరతాబాద్‌ గణేష్‌ను వై.ఎస్‌.ఆర్‌. కాంగ్రెస్‌ పార్టీ గౌరవ అధ్యక్షురాలు వై.ఎస్‌.విజయమ్మ దర్శించుకున్నారు. వినాయకుడికి ప్రత్యేక పూజలు చేశారు. ఈ సందర్భంగా రాష్ట్ర ప్రజలందరికి వినాయక చవితి శుభాకాంక్షలు తెలిపారు. అందరికీ మంచి జరగాలని దేవుడ్ని కోరుకున్నానని చెప్పారు. వై.ఎస్‌.విజయమ్మ రాకతో ఖైరతాబాద్‌లో సందడి నెలకొంది. ఈ కార్యక్రమంలో వై.ఎస్‌.ఆర్‌. కాంగ్రెస్‌ పార్టీ నాయకురాలు, వాసిరెడ్డిపద్మ, విజయారెడ్డి తదితరులు పాల్గొన్నారు.

source:sakshi

సొంత జిల్లా నుంచే చంద్రబాబుకు ఎదురు దెబ్బ

తెలుగుదేశం అదినేత చంద్రబాబు నాయుడుకు సొంత జిల్లా నుంచి ఎదురు దెబ్బ తగిలింది. తెలంగాణకు అనుకూలంగా ఒక అడుగు ముందుకు వేస్తే ప్రధానికి లేఖ రాసిన ఇరవై గంటలకే చిత్తూరు జిల్లా తంబళ్లపల్లె యువ ఎమ్మెల్యే ప్రవీణ్ కుమార్ రెడ్డి తిరుగుబాటు జెండా ఎగురవేశారు.పార్టీ కన్నా రాష్ట్రం, రాష్ట్ర ప్రయోజనాలు ముఖ్యమని స్పష్టం చేశారు. చంద్రబాబు రాయలసీమకు ద్రోహం చేశారని, ఆ ప్రాంతం వ్యక్తి అయి ఉండి, తెలంగాణకు అనుకూలంగా నిర్ణయం తీసుకోవడంతో పార్టీ తీవ్రంగా నష్ట పోతుందని ఆయన అన్నారు.చంద్రబాబు తన లేఖను వెనక్కి తీసుకోవాలని, లేకుంటే పార్టీని వీడటానికి కూడా వెనుకాడనని ఆయన స్పష్టం చేశారు. చంద్రబాబు రెండువేల తొమ్మిది నుంచి తప్పులే చేస్తున్నారని ఆయన వ్యాఖ్యానించారు. తెలంగాణ మార్చ్ పేరుతో సీమాంద్రులపై దాడికి తెలంగాణవాదులు ప్రయత్నిస్తుంటే, దానికి తెలుగుదేశం తెలంగాణ ఎమ్మెల్యేలు కూడా మద్దతు ఇవ్వడం దారుణమని ఆయన విమర్శించారు.ఇంతకాలం చంద్రబాబుకు వ్యతిరేకంగా తెలంగాణ ఎమ్మెల్యేలు నాగం జనార్దనరెడ్డి,జోగు రామన్న,పోచారం శ్రీనివాసరెడ్డి, గంపా గోవర్ధన్ లు పార్టీకి రాజీనామా చేసి తిరిగి ఎన్నికలలో పోటీచేయగా, హరీశ్వర్ రెడ్డి, వేణుగోపాలాచారి వంటివారు తిరుగుబాటు జెండా ఎగురవేశారు. ఇప్పుడు సీమాంధ్ర నుంచి ఈ సమస్య వస్తోంది. పైగా పాదయాత్రకు చిత్తూరు జిల్లా వస్తే నిరసన తెలుపుతామని కూడా ప్రవీణ్ హెచ్చరిస్తున్నారు.

source: kommineni

జగన్ కేసు- సిబిఐ వాదనలో బలహీనత

వాన్ పిక్ భూముల కేటాయింపుతో జగన్ కు సంబంధం లేదని సిబిఐ న్యాయవాది హైకోర్టు వేసిన ఒక ప్రశ్నకు సమాధానంగా చెప్పడం సంచలనంగా మారింది.ప్రధాన నిందితుడుగా ఉన్న జగన్ కు భూ కేటాయింపులతో సంబందం లేనప్పుడు ఆయన కంపెనీలలో పెట్టుబడులలో తప్పేమిటన్న సందేహం సహజంగానే వస్తుంది.దీనిపై హైకోర్టు న్యాయమూర్తి కూడా తనకు కూడా కొన్ని సందేహాలు వస్తున్నట్లు వ్యాఖ్యానించడం విశేషంగా కనిపిస్తుంది.ఇంతవరకు వాన్ పిక్ భూముల కేటాయింపునకు, జగన్ కంపెనీలలో పెట్టుబడులకు సంబందం ఉందని సిబిఐ వాదిస్తూ వచ్చింది. అయితే సిబిఐ వాదన ప్రకారం జగన్ పేరు ఇందులో ప్రస్తావన తెచ్చినా, అసలు అభియోగం దివంగత ముఖ్యమంత్రి రాజశేఖరరెడ్డిపై మోపాలన్నది వారి అభిప్రాయం కావచ్చు. ఆయన ఎటూ లేరు కనుక ఇప్పుడు ఆయన కుమారుడు జగన్ ను ప్రధాన నిందితుడిగా చేశారు. అయితే తండ్రి చేసిన తప్పులకు కొడుకు బాధ్యత ఎలా వహిస్తారన్న ప్రశ్న వస్తుంది. అంతేకాక అసలు వాన్ పిక్ ప్రాజెక్టు సంబందించి ఏడెనిమిది వందల కోట్లు ఖర్చు పెట్టి కొనుగోలు చేయడం పెద్ద తప్పన్నట్లుగా సిబిఐ వాదిస్తోంది.ఒకపక్క మంత్రి దర్మాన ప్రసాదరావు అన్నిటికి క్యాబినెట్ ఆమోదం ఉందని చెబుతోంటే, సిబిఐ అందుకు భిన్నంగా వాదిస్తోంది. అలాంటప్పుడు ధర్మానను అరెస్టు చేయడానికి సిబిఐ ఎందుకు ప్రయత్నం చేయలేదో అర్దం కాదు.ముందుగా రాష్ట్ర ప్రభుత్వ వాదన వినడానికి సిబిఐ కూడా ఎందుకు ప్రయత్నం చేయలేదో తెలియదు. రాజకీయ కేసుగా మారిన ఈ వ్యవహారంలో సిబిఐ అప్రతిష్టను తెచ్చుకునేలా ఉంది.దీనివల్ల రాష్ట్రానికి కూడా నష్టం జరగవచ్చు.పెట్టుబడులు పెట్టేవారు వెనుకంజ వేయవచ్చు. ఒకవేళ నిజంగానే నిబందనలకు విరుద్దంగా భూ కేటాయింపులు జరిగితే, దానిని రద్దు చేసి భూమిని తీసుకోవచ్చు కదా. అప్పుడు నష్టపోయేది పెట్టుబడిదారుడే కదా. దానిని వదలిపెట్టి ప్రముఖ పారిశ్రామిక వేత్త నిమ్మగడ్డ ప్రసాద్ ను అరెస్టు చేయడం, బెయిల్ ను అడ్డుకోవడానికి ప్రయత్నించడం.. ఎంతకాలం సిబిఐ ఈ రకంగా చేస్తుందో తెలియదు. 

source: kommineni

Mekapati comments in Padayatra for YS Jagan

'జగన్ కి న్యాయం జరిగి తీరుతుంది'

వైఎస్‌ జగన్‌మోహన్‌రెడ్డికి తప్పకుండా న్యాయం జరుగుతుందని ప్రజలు బలంగా విశ్వసిస్తున్నారని నెల్లూరు ఎంపి మేకపాటి రాజమోహన్‌రెడ్డి అన్నారు. జగన్‌కు మంచి జరగాలని ఆకాంక్షిస్తూ ఆయన గురువారం తన స్వగ్రామం నుంచి వేదగిరి లక్ష్మీనరసింహస్వామి ఆలయం వరకు పాదయాత్ర చేపట్టారు. ఈ సందర్భంగా మేకపాటి మాట్లాడుతూ జగన్ ను రాజకీయంగా ఎదుర్కోలేక అధికార, విపక్షాలు కుట్ర చేస్తున్నాయని మండిపడ్డారు. 

వైఎస్‌ జగన్‌మోహన్‌రెడ్డిని రాజకీయంగా ఎదుర్కోలేకే అన్యాయంగా నిర్బంధించారని మేకపాటి అన్నారు. అధికార, విపక్షాలు కుమ్మక్కై..పబ్బం గడుపుకోవాలని చూస్తున్నాయని మండిపడ్డారు. రాష్ట్ర ప్రజలు ఎవరినీ నమ్మరనీ... జగన్‌ నాయకత్వాన్ని మాత్రమే కోరుకుంటున్నారని మేకపాటి స్పష్టం చేశారు.

జగన్ విడుదలకు మేకపాటి పాదయాత్ర

నెల్లూరు : వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డికి బెయిల్ రావాలని కోరుతూ ఎంపీ మేకపాటి రాజమోహన్ రెడ్డి పాదయాత్రకు సిద్దమయ్యారు. నెల్లూరులోని తన నివాసం నుంచి నరసింహ స్వామి కొండ వరకు 20 కిలోమీటర్ల మేర పాదయాత్ర చేయనున్నారు. పార్టీ నాయకులతో కలిసి ఈ రోజు ఉదయం ఎనిమిది గంటలకు ప్రారంభించనున్నారు. 

పాదయాత్రలో పాల్గొనే వారి కోసం ప్రత్యేకంగా ఏర్పాటు చేసినట్టు పార్టీ వర్గాలు తెలిపాయి. ఏర్పాట్లను ఎంపీ మేకపాటి స్వయంగా పర్యవేక్షించారు. కార్యక్రమానికి పార్టీ కార్యకర్తలతో పాటు నాయకులు, ప్రజలు భారీగా హాజరయ్యే అవకాశం ఉండటంతో పోలీసులు కట్టుదిట్టమైన భద్రతా ఏర్పాట్లు చేశారు.

source:sakshi

బాబు ‘సుపరిపాలన’కు మచ్చుతునక ఐఎంజీ కుంభకోణం

ఆపద్ధర్మ సీఎం హోదాలో హడావుడి గోల్‌మాల్ అనామక కంపెనీకి హైదరాబాద్‌లో 850 ఎకరాలు అప్పట్లో మార్కెట్ విలువ ఎకరం రు.5 కోట్లు ఇచ్చింది ఎకరం రూ. 50వేలకే 1999లో అక్కడ తన భార్య భూమి ఎకరం రూ. కోటికి అమ్ముకున్న బాబు బినామీ కాబట్టే బిల్లీరావుకు కారుచౌకగా పందేరం 4 రోజుల కంపెనీతో 4 రోజుల్లో ఒప్పందం బాబు ఆదేశాలతో శరవేగంగా కదిలిన ఫైలు కేబినెట్‌కు తెలియకుండా కేటాయింపులు హైదరాబాద్ నడిబొడ్డులో ఆఫీసుకూ ఐదెకరాలు ప్రజా ప్రయోజనాలను తుంగలో తొక్కి... ఖజానాకు కన్నం వేసినా... కుంభకోణమే జరగలేదంటున్న టీడీపీనాయకులు ఫిర్యాదుచేసినవారిపై తాజాగా వీరంగాలు.. (సాక్షి ప్రత్యేక ప్రతినిధి) * నాలుగు రోజుల క్రితం రిజిస్టరయిన కంపెనీ ఏకంగా ఓ రాష్ర్ట ప్రభుత్వంతో ఒప్పందం కుదుర్చుకోగలుగుతుందా? * లక్ష రూపాయల పెట్టుబడితో మొదలైన ఓ కంపెనీ 750 కోట్ల రూపాయలతో మౌలిక సదుపాయాలు వృద్ధిచేయగలదంటే ఎవరైనా నమ్మగలరా? * సొంత ఆఫీసు కూడా లేని ఓ అనామక కంపెనీకి ఏ ప్రభుత్వమైనా హైదరాబాద్‌లో 850 ఎకరాలు కట్టబెడుతుందా? * అప్పట్లోనే ఎకరా రూ.5 కోట్లు పలికిన భూమిని ఎటువంటి ప్రజా ప్రయోజనమూ ఆశించకుండా ఎకరా రూ.50 వేలకే ఏ ప్రభుత్వమైనా ఇచ్చేస్తుందా? * హైదరాబాద్‌లో వందల కోట్ల ప్రజాధనం వెచ్చించి నిర్మించిన క్రీడామైదానాలను ఉత్తపుణ్యానికే ఏ కంపెనీకైనా రాసిచ్చేస్తారా? * ఇవన్నీ కాదు.... ఆపద్ధర్మ ముఖ్యమంత్రిగా ఉన్న సమయంలో ప్రజా ప్రయోజనాలకు, ప్రభుత్వ ఖజానాకు గండికొడుతూ ఎవరైనా ‘కీలకమైన’ నిర్ణయాలు తీసుకుంటారా? తెలుగుదేశం అధినేత, తొమ్మిదేళ్లపాటు ముఖ్యమంత్రిగా పనిచేసిన నారా చంద్రబాబు నాయుడుకు మాత్రమే ఇవన్నీ సాధ్యం. రాజధానిలో వేలకోట్ల విలువైన భూములను ఓ అనామక సంస్థకు ఉదారంగా రాసిచ్చేసిన ఐఎంజీ కుంభకోణం చంద్రబాబు చాతుర్యానికి మచ్చుతునక అని తెలుగుదేశం కార్యకర్తలు సైతం ఒప్పుకుంటారు. ఈ కుంభకోణంపై విచారణ జరపాల్సిందిగా 2006లో రాష్ర్ట ప్రభుత్వం ఆదేశిస్తే సిబ్బంది లేరంటూ కుంటిసాకులు చెప్పిన అత్యున్నత దర్యాప్తు సంస్థ సీబీఐ అవసరమైతే ఇపుడు విచారిస్తామంటూ కోర్టును సమాధానపరిచే పనిలో బిజీగా ఉంది. దీంతో చెమటలు పట్టిన తెలుగుదేశం నాయకులు అసలు కుంభకోణమే జరగలేదని, కోర్టులు కొట్టేశాయని రోజుకో కథ చెబుతున్నారు. కేసువేసిన వారిపై ఎర్రన్నాయుడు వంటివారు అంతెత్తునలేస్తూ వీరంగం వేస్తున్నారు. బాబుగారేమో తన హయాంలోని ‘సుపరిపాలన’ను గుర్తుచేస్తానంటూ ‘మీకోసం’ యాత్రకు బయల్దేరుతున్నారు. ఈ నేపథ్యంలో చంద్రబాబు పాలనలో రాష్ర్టంలో జరిగిన అనేకానేక కుంభకోణాల్లో ఒకటైన ‘ఐఎంజీ’ బాగోతం వివరాలు మీకోసం.. ఇదీ కుంభకోణం... ‘ఐఎంజీ భారత’ అనే ఓ కంపెనీని 2003 ఆగస్టు 5న హైదరాబాద్‌లో రిజిస్టర్ చేశారు. దాని అధినేత అహోబలరావు అలియాస్ బిల్లీరావు. ఆ కంపెనీకి కనీసం ఆఫీసు కూడా లేదు. లక్షరూపాయల మూలధనంతో ప్రారంభమైంది. అద్భుతమైన మైదానాలు కట్టి, క్రీడాకారులకు శిక్షణ ఇచ్చి 2020 ఒలింపిక్స్‌కు తర్ఫీదు ఇప్పిస్తామని బిల్లీరావు ప్రచారం చేశారు. అప్పటికే ముఖ్యమంత్రి చంద్రబాబుతో ఆయనకు సన్నిహిత సంబంధాలున్నాయి. అందుకే తెరవెనక ఫైళ్లు వేగంగా కదిలాయి. కంపెనీ పెట్టిన నాలుగురోజుల్లోనే రాష్ర్ట ప్రభుత్వంతో ఒప్పందం కుదిరింది. దాని ప్రకారం 850 ఎకరాల భూమిని... అదీ ఖరీదైన హైదరాబాద్ శివారు ప్రాంతంలో రాసిచ్చేశారు. రంగారెడ్డి జిల్లా శేరిలింగంపల్లి మండల పరిధిలోని గచ్చిబౌలిలో సెంట్రల్ యూనివర్సిటీకి చెందిన 400 ఎకరాలు, సరూర్‌నగర్ మండల పరిధిలో అంతర్జాతీయ విమానాశ్రయానికి ఆనుకుని ఉన్న మామిడిపల్లిలో 450 ఎకరాలను ఎకరా రు. 50 వేల చొప్పున ఐఎంజీకి కేటాయించారు. ఆపద్ధర్మ ముఖ్యమంత్రిగా ఉండగా కీలక నిర్ణయాలు తీసుకోవడానికి ఎవరైనా సందేహిస్తారు. కానీ చంద్రబాబు మాత్రం అలాంటివేవీ ఆలోచించలేదు. ఏ పరిశ్రమకైనా భూమిని ఇవ్వాలంటే సవాలక్ష అంశాలను పరిశీలించాల్సి ఉంటుంది. అది ఎన్నేళ్ల నుంచి ఉంది? భూమి ఇవ్వడం వల్ల ప్రజలకు ఎంత ప్రయోజనం జరుగుతుంది? ఎన్ని ఉద్యోగాలొస్తాయి? వంటి వాటినన్నిటినీ ప్రభుత్వం పరిశీలిస్తుంది. కానీ ఇక్కడ ఓ అనామక కంపెనీ కోసం ఆగమేఘాలపై నిర్ణయాలు జరిగిపోయాయి. భూమి ఇవ్వడమే కాదు. పాపం ఆ కంపెనీకి ఆఫీసు కూడా లేదని బాధపడి గచ్చిబౌలి నుంచి బంజారా హిల్స్ వరకూ ఎక్కడ ఎంచుకుంటే అక్కడ ఐదెకరాలు ఇస్తామని చంద్రబాబు ఆఫర్ చేశారు. ఆ కంపెనీ బంజారా హిల్స్‌ను ఎంచుకున్న వెంటనే ఓకే చేసేశారు. ఎకరా రూ. 5 కోట్ల భూమి రూ. 50 వేలకే... ఐఎంజీకి భూమి అప్పగిస్తూ చంద్రబాబు ప్రభుత్వం 2004 ఫిబ్రవరి 9న జీవో జారీ చేసింది. ఆ జీవోలో అనేక ‘ఉదార’ నిబంధనలనూ చేర్చారు. 400 ఎకరాలకు బిల్లీరావు ఎటువంటి రిజిస్ట్రేషన్ ఫీజునూ చెల్లించాల్సిన అవసరం లేదు. ప్రస్తుత మార్కెట్ రేటును బట్టి చూస్తే గచ్చిబౌలి ప్రాంతంలో ఎకరా ధర కనీసం రూ.10 కోట్లు ఉంది. అప్పట్లో ఐదు కోట్ల రూపాయల చొప్పున తీసుకున్నారు. 2వేల కోట్లు. అంటే గచ్చిబౌలిలోని 400 ఎకరాల రేటే రూ. 2వేల కోట్లు. ఇక ఇంటర్నేషనల్ ఎయిర్‌పోర్టు సమీపంలోని విలువైన 450 ఎకరాల మామిడిపల్లి భూమిని కూడా కలిపితే రూ.4,250 కోట్ల పైమాటే (అప్పటిధర). ఇక బంజారాహిల్స్ ప్రాంతంలో ఐదెకరాల భూమి విలువ రూ.100 కోట్లు దీనికి అదనం. లక్షరూపాయల మూలధనంతో ప్రారంభించిన కంపెనీ 750 కోట్ల రూపాయలతో రెండు దశల్లో క్రీడా ప్రాజెక్టు చేపడతామని ముందుకు రావడం, చంద్రబాబు ఆ కంపెనీకి ఉదారంగా హైదరాబాద్‌లో 850 ఎకరాల భూమిని నామమాత్రపు ధరకు హడావుడిగా అప్పగించడం ఈ కుంభకోణంలో కీలకమైన అంశం. 1999లోనే తన భార్య భువనేశ్వరి భూమిని ఎకరా రూ.కోటికి విక్రయించిన ప్రాంతంలో ఐదేళ్ల తర్వాత ఐఎంజీ భారతకు ఎకరా రూ.50వేలకు చంద్రబాబు కేటాయించడం ఇక్కడ గమనించాల్సిన విషయం. కోట్ల విలువైన స్టేడియాలూ రాసిచ్చారు... బాబుగారి ఉదారత ఇక్కడితో ఆగలేదు. హైదరాబాద్‌లోనూ, శివార్లలోనూ నిర్మించిన పలు క్రీడా మైదానాలను 45 ఏళ్ల దీర్ఘకాలిక లీజుకు ఐఎంజీకి కట్టబెట్టాలని చంద్రబాబు నిర్ణయించడం ఈ కుంభకోణంలో మరో కీలకమైన అంశం. ఈమేరకు జీవో నం. 11ను విడుదల చేశారు. కానీ ఆ లీజు మొత్తం ఎంత అన్నది మాత్రం జీవోలో ఎక్కడా పేర్కొనలేదు. ఐఎంజీకి అప్పగించే స్టేడియాల నిర్వహణ ఖర్చులను ఐదేళ్లపాటు రాష్ర్ట ప్రభుత్వమే భరిస్తుందని, అందుకోసం ఏటా రూ.2.5 కోట్ల చొప్పున రూ.12.5 కోట్ల మొత్తాన్ని కేటాయిస్తామని జీవోలో పేర్కొన్నారు. అంతేనా... సాధారణంగా విద్యాసంస్థలకు కల్పించే రాయితీలు, సౌకర్యాలన్నీ ఐఎంజీకి వర్తింపజేశారు. పదేళ్లపాటు వినోదపు పన్ను మినహాయించారు. తొలి మూడేళ్లకు కరెంటు, నీటిబిల్లులు రద్దు చేశారు. తర్వాతి నాలుగేళ్లకు వాటిలో 25శాతం రాయితీ ఇచ్చారు. ఆగస్టు 6కు ముందు ఏం జరిగింది? ‘ఐఎంజీ భారత’ సంస్థను 2003 ఆగస్టు 5న రిజిస్టర్ చేసిన మర్నాడే నాటి యువజన సర్వీసుల శాఖ ముఖ్య కార్యదర్శి 111080/ఎస్1/03 నంబర్ నోట్ ఫైల్‌ను ముసాయిదా ఎంఓయూ ఆమోదానికి పంపించారు. ఆ నోట్‌ను నాటి కేబినెట్ మంత్రులు నలుగురు, ప్రభుత్వ ప్రధానకార్యదర్శి అదే రోజు ఆమోదించారు. మర్నాడు... అంటే ఆగస్టు 7న సీఎం కార్యాలయంలో అదనపు కార్యదర్శి ఓ నోట్‌ను సర్క్యులేట్ చేశారు. ఐఎంజీఏ గురించి అందులో వివరించారు. ముఖ్యమంత్రి, మంత్రివర్గ ఉపసంఘం, ప్రభుత్వ ప్రధాన కార్యదర్శి .. ఇలా పలు స్థాయిల్లో సమావేశాలు, చర్చలు జరిగినట్లు ఆ నోట్‌లో పేర్కొన్నారు. కానీ నిజానికి ఎటువంటి చర్చలు సమావేశాలు జరగనే లేదు. పూర్తిస్థాయి చర్చల తరువాతే నిర్ణయం తీసుకున్నామని అందరినీ నమ్మించేందుకే నోట్‌లో అలా పేర్కొన్నట్లు ప్రభుత్వం ఆ తర్వాత ఓ అఫిడవిట్ రూపంలో హైకోర్టుకు తెలియజేసింది. ఇందులో దిగ్భ్రాంతికర విషయమేమిటంటే ఆగస్టు 6కు ముందు ఈ ప్రాజెక్టుకు సంబంధించిన విషయాలేవీ రికార్డుల్లో లేవు. అంటే ఐఎంజీ కంపెనీ తెరపైకి ఎలా వచ్చింది? దానితో ఎవరెవరు చర్చలు జరిపారు? అసలు బిల్లీరావు ఎవరు? వంటి విషయాలేవీ అధికారులకు తెలియదు. దీన్ని బట్టి బిల్లీరావు గురించి, ఐఎంజీ గురించి చంద్రబాబు నాయుడు ఒక్కడికే తెలుసని అర్థమవుతున్నది కదా! రాష్ర్ట ప్రభుత్వం ఆదేశించినా విచారణకు కదలని సీబీఐ ఐఎంజీ కుంభకోణం విషయంలో సీబీఐ అంతులేని నిర్లిప్తతను ప్రదర్శించింది. రాష్ర్ట ప్రభుత్వం విచారణకు ఆదేశించినా తమ వద్ద సిబ్బంది లేరని అది తప్పించుకుంది. ఇదే విషయమై ఇపుడు సీబీఐని హైకోర్టు మొట్టికాయలు వేసింది. సిబ్బంది లేరని మేం కూడా పనిమానేయవచ్చా అని ప్రశ్నించింది. నిజానికి అప్పట్లో సీబీఐ వద్ద ఇన్ని కేసులూలేవు. దీనిపై సందేహం వచ్చిన ఓ న్యాయవాది ఆర్టీఐ కింద కేంద్ర ప్రభుత్వాన్ని ఇదే ప్రశ్న అడిగారు. ‘‘తన వద్ద తగిన వనరులు లేవు కాబట్టి విచారణ జరపలేనని సీబీఐ నిస్సహాయత వ్యక్తం చేసింది’’ అని కేంద్రం నుంచి సమాధానం వచ్చింది. ఐఎంజీ... ఆ పేరులోనే మోసం...  ఐఎంజీ భారత అనేది ఫ్లోరిడాకు చెందిన ఐఎంజీ వరల్డ్‌వైడ్ కంపెనీకి అనుబంధ సంస్థేనని బిల్లీరావు, టీడీపీ నాయకులు బల్లగుద్ది మరీ చెప్పారు. అయితే ఫ్లోరిడాలోని ఐఎంజీకి ఇక్కడి ‘ఐఎంజీ భారత’కు ఎలాంటి సంబంధమూ లేదని తర్వాత బయటపడింది. కానీ అబద్ధాన్ని నిజం చేయడానికి చంద్రబాబు అనుయాయులు, ఆయనకు వత్తాసు పలికే మీడియా ఎన్నో ప్రయత్నాలు చేశాయి. ఐఎంజీ సంస్థ ఆకాశం నుంచి ఊడిపడినట్లు, అది వస్తే మొత్తం క్రీడాప్రపంచమే మారిపోతుందన్నట్లు ప్రచారం చేశారు. ఈ కబుర్లను నమ్మిన అధికారులు దాని గురించి నిజానిజాలు తెలుసుకునేందుకు ఎలాంటి ప్రయత్నమూ చేయలేదు. ఈ విషయాలన్నిటినీ నాటి యువజన వ్యవహారాల ముఖ్య కార్యదర్శి స్వయంగా హైకోర్టుకు సమర్పించిన అఫిడవిట్‌లో ఒప్పుకున్నారు కూడా. ఐఎంజీ వ్యవహారంలో పారదర్శకత లోపించిందని, ఆశ్రీతపక్షపాతంతో హడా వుడిగా భూములు కట్టబెట్టారని, దీనివల్ల ప్రభుత్వానికి వందల కోట్ల మేర నష్టం వాటిల్లిందని స్పష్టంగా పేర్కొన్నారు. నిజానికి ఫ్లోరిడాలో ఐఎంజీ వరల్డ్‌వైడ్ కంపెనీకి ఉన్న భూమే 120 ఎకరాలు. ఆ పేరు పెట్టుకున్న డూప్ కంపెనీకి హైదరాబాద్‌లో 855 ఎకరాలు కట్టబెట్టేందుకు చంద్రబాబు తహతహలాడడం విశేషం కాదూ. కేబినెట్‌కు తెలియకుండానే కథ నడిపారు... ఐఎంజీకి భూమి కేటాయిస్తూ ఫైలుపై చంద్రబాబు సంతకం చేయగానే బిల్లీరావు 2003 ఆగస్టు 9న రాష్ర్ట ప్రభుత్వంతో అవగాహన ఒప్పందం కుదుర్చుకున్నారు. అంటే కంపెనీ రిజిస్టర్ కావడం, ఫైలు సిద్ధం కావడం, నలుగురు మంత్రులు ఆమోదించడం, బాబు సంతకాలు చేయడం ఇలా అన్నీ మొత్తం నాలుగంటే నాలుగు రోజుల్లోనే పూర్తయిపోయాయి. లక్ష రూపాయల మూలధనంతో మొదలైన కంపెనీకి వేల కోట్ల రూపాయల విలువైన భూములను, క్రీడామైదానాలను అప్పగిస్తూ రాష్ర్ట ప్రభుత్వం నాలుగంటే నాలుగురోజుల్లోనే కీలకమైన ఒప్పందం కుదుర్చుకుందన్నమాట. ఓ అనామక కంపెనీతో ఇంత ఖరీదైన ఒప్పందం ఇంత వేగంగా కుదుర్చుకోవడమనేది బహుశా దేశ చరిత్రలో ఇదే ప్రథమం కావచ్చునేమో! ఇది మంత్రివర్గ సమష్టి నిర్ణయమని నాటి సమాచార మంత్రి సోమిరెడ్డి చంద్రమోహన్‌రెడ్డి 2003 సెప్టెంబర్ 1న విలేకరుల సమావేశంలో చెప్పారు. కానీ ఫైలును కేబినెట్ ముందు పెట్టకుండానే భూముల కేటాయింపుపై నిర్ణయం తీసుకున్నారని రికార్డులను పరిశీలిస్తే స్పష్టమౌతున్నది. తరువాత ప్రభుత్వం కోర్టుకు సమర్పించిన అఫిడవిట్‌లో కూడా ఈ విషయం స్పష్టమయ్యింది. బాబు బిల్లీ బినామీ బంధం బిల్లీరావు అసలు పేరు అహోబలరావు. పుట్టింది కృష్ణాజిల్లా కొండపల్లి. రిషివ్యాలీ స్కూలులో చదువుకున్నారు. మద్రాస్ ఐఐటీ, అమెరికాలోని ‘మసాచుసెట్స్ ఇన్‌స్టిట్యూట్ ఆఫ్ టెక్నాలజీ’ (ఎంఐటీ) నుంచి గ్రాడ్యుయేషన్, పోస్టు గ్రాడ్యుయేషన్ పూర్తి చేశారు. 1995లో ఆర్థికమంత్రిగా ఉన్న చంద్రబాబుతో బిల్లీరావుకు పరిచయమేర్పడింది. చంద్రబాబు ముఖ్యమంత్రి పదవి చేపట్టిన తర్వాత చిత్తూరు జిల్లా కుప్పంలో చేపట్టిన ఇజ్రాయిల్ ప్రాజెక్టును బిల్లీరావు, ఆయన సోదరుడు ప్రభాకరరావు అలియాస్ పేట్‌రావుకు అప్పగించారు. అలా వారి మధ్య బంధం పెరుగుతూ వచ్చింది. అంతర్జాతీయంగా పేరున్న ఐఎంజీ అకాడెమీస్‌ను ఉపయోగించుకుని అదే పేరును పోలి ఉండేలా ‘ఐఎంజీ అకాడెమీస్ భారత’ అనే కాగితపు సంస్థను బిల్లీరావు సృష్టించాడు. ఐఎంజీ అకాడెమీస్ యాజమాన్యం మార్క్ కార్మిక్ కుటుంబంతో సంబంధాలున్న ఆండ్రూ క్రీగర్‌ను తన వ్యూహంలో పావుగా మార్చాడు. ఐఎంజీ భారతకు చైర్మన్‌ని చేశాడు. అయితే భూమి చేతికి రాగానే క్రీగర్‌పై నేరస్తుడనే ముద్రవేసి చైర్మన్ పదవినుంచి తప్పించాడు. భారతదేశంలో మైదానాలు కట్టి, క్రీడాకారులకు శిక్షణ ఇచ్చి 2020లో జరిగే ఒలింపిక్స్‌కు భారతదేశం నుంచి అద్భుతమైన క్రీడాకారుల్ని పంపిస్తామని ప్రచారం చేసుకున్నాడు. నిజానికి బిల్లీ క్రీడారంగంలో అనుభవశాలి కాదు. గతంలో ఒక్క స్టేడియంను నిర్మించిన అనుభవం కూడా లేదు. అయినా చంద్రబాబు ప్రత్యేక శ్రద్ధ చూపించి ఐఎంజీ భారత సంస్థకు 850 ఎకరాలు ధారాదత్తం చేశారు. గచ్చిబౌలి భూములను బదలాయించేందుకు హైదరాబాద్ సెంట్రల్ వర్సిటీ వర్గాలు మొదట అంగీకరించలేదని, కానీ చంద్రబాబు తీవ్రంగా వత్తిడి చేయడంతో సరేననక తప్పలేదని అప్పట్లో వార్తలు వచ్చాయి. ఐఎంజీ ఫైళ్లు ఆగమేఘాల మీద కదలడానికి, భూములు శరవేగంగా చేతులు మారడానికి బాబు హయాంలో ఆయన ముఖ్యకార్యదర్శిగా ఉన్న ఉమామహేశ్వరరావు ముమ్మరంగా కృషిచేశారు. బినామీ కనుకనే బిల్లీరావు విషయంలో చంద్రబాబు అంత శ్రద్ధ చూపి వేల కోట్ల విలువైన భూములను నామమాత్రపు ధరకు కట్టబెట్టారని దీనినిబట్టి అర్ధం కావడం లేదూ? అవినీతిని కప్పిపుచ్చుకునేందుకు డ్రామాలు చంద్రబాబు ఆస్తులపై గతంలో హైకోర్టు సీబీఐ విచారణకు ఆదేశించగానే తెలుగుదేశం నాయకులు హడావుడిగా విలేకరుల సమావేశం నిర్వహించి ఐఎంజీ ప్రాజెక్టుపై ఓ కరపత్రాన్ని పంచిపెట్టారు. దాంతో పాటు రెండు ఈ మెయిల్ ప్రతులను కూడా ఇచ్చారు. ఐఎంజీ అకాడెమీస్ సీనియర్ వైఎస్ ప్రెసిడెంట్ టెడ్ మీక్మా రాసినట్లుగా చెబుతున్న రెండు ఈ మెయిల్స్‌ను టీడీపీ నాయకులు విడుదల చేశారు. వాటిలో ఒకటి 2005 సెప్టెంబర్ 22న రాసింది కాగా రెండోది 2006 అక్టోబర్ 5న రాసింది. ఐఎంజీ భారత తమకు అనుబంధంగా పనిచేస్తోందని, తమ బ్రాండ్, శిక్షణ కార్యక్రమాలు, మేనేజ్‌మెంట్ నైపుణ్యం తదితరాలను వాడుకోవడానికి ‘ఐఎంజీ అకాడెమీస్ ఈస్ట్’ సంస్థకు తామే లెసైన్స్ ఇచ్చామని మీక్మా పేర్కొన్నట్లు ఒక మెయిల్‌లో ఉంది. అయితే ఈ రెండు మెయిల్స్ మీక్మా సొంత మెయిల్ నుంచి రాకపోవడం, ఎవరైనా ఐడీ సష్టించి ఉత్తరప్రత్యుత్తరాలు నడపగలిగే జీమెయిల్ నుంచి రావడం చూస్తే జనాన్ని మోసం చేయడానికి నకిలీ మెయిల్స్‌తోనూ బాబు అండ్‌కో తతంగం నడిపారని సులువుగానే అర్ధమౌతుంది. కానీ అసలు విషయం 2007లోనే బైటపడింది. ఐఎంజీ అకాడెమీస్ ఈస్ట్‌గానీ, ఐఎంజీ అకాడెమీస్ భారత గానీ తమకు అనుబంధ సంస్థలు కావని మీక్మా 2007లో రాష్ట్రప్రభుత్వానికి రాసిన లేఖలో స్పష్టంగా పేర్కొన్నారు. ఐఎంజీ వరల్డ్‌వైడ్‌కు గానీ, ఐఎంజీ ఆకాడెమీస్‌కు గానీ అవి అనుబంధం కావని అందులో తెలిపారు. ఈ రెండు సంస్థల్లోనూ తమ పెట్టుబడులు ఎంతమాత్రమూ లేవని, తాము వీటిలో ఇన్వెస్టర్లం కాదని, తాము యజమానులం కూడా కాదని స్పష్టం చేశారు. కుంభకోణం నుంచి బైటపడడం కోసం టీడీపీనాయకులు నడిపిన మెయిల్ డ్రామాలు అలా విఫలమయ్యాయి.

జగన్‌కు సంబంధం లేదు .వాన్‌పిక్ వ్యవహారంలో హైకోర్టు ఎదుట సీబీఐ అంగీకారం...

* భూ కేటాయింపుల్లో జగన్‌కు సంబంధం ఉందని ఆరోపిస్తూ వచ్చిన సీబీఐ
* తాజాగా హైకోర్టు నిలదీయడంతో వాస్తవం బయటపెట్టిన సీబీఐ న్యాయవాది
* వాన్‌పిక్ వ్యవహారాల్లో జగన్‌మోహన్‌రెడ్డికి సంబంధం లేదని స్పష్టీకరణ 
* సీబీఐ న్యాయవాది వాదనలపై హైకోర్టు న్యాయమూర్తి తీవ్ర అసంతృప్తి 
* న్యాయస్థానాలను సంతృప్తిపరిచే విధంగా వాదనలు వినిపించాలని సూచన 
* సీబీఐ ఉన్నతాధికారుల సంతృప్తికోసం వాదనలు చేయవద్దని హితవు 
* హైకోర్టులో నిమ్మగడ్డ బెయిల్ పిటిషన్‌పై విచారణ.. నేడు కూడా వాదనలు 

హైదరాబాద్, న్యూస్‌లైన్: వాన్‌పిక్ ఇండస్ట్రియల్ కారిడార్‌కు భూముల కేటాయింపు, ఇతర వ్యవహారాల్లో వైఎస్సార్ కాంగ్రెస్ పార్టీ అధ్యక్షుడు, కడప పార్లమెంట్ సభ్యుడు వై.ఎస్. జగన్‌మోహన్‌రెడ్డికి సంబంధం ఉందని.. అందుకే వాన్‌పిక్ ప్రాజెక్టు భాగస్వామి నిమ్మగడ్డ ప్రసాద్ జగతి పబ్లికేషన్స్, భారతి సిమెంట్స్‌లో పెద్ద ఎత్తున పెట్టుబడులు పెట్టారని ఇంతకాలం తీవ్ర ఆరోపణలు చేస్తూ వచ్చిన సీబీఐ ఇప్పుడు విధిలేని పరిస్థితుల్లో వాస్తవాన్ని బయటపెట్టింది. వాన్‌పిక్ కారిడార్‌కు భూముల కేటాయింపు, రాయితీల కల్పన, తదితర వ్యవహారాల్లో జగన్‌కు ఎటువంటి సంబంధం లేదని సీబీఐ బుధవారం హైకోర్టుకు స్పష్టం చేసింది. 

అయితే ఈ విషయాన్ని సీబీఐ హైకోర్టుకు స్వచ్ఛందంగా నివేదించలేదు. వాన్‌పిక్ కారిడార్‌కు సంబంధించిన ఒప్పంద వివరాలను కోర్టు ముందుంచే సమయంలో సీబీఐ తరఫు న్యాయవాది యథావిధిగా జగన్ గురించి, జగతి పబ్లికేషన్స్‌లో నిమ్మగడ్డ పెట్టుబడుల గురించి ప్రస్తావించారు. ఈ సమయంలో జోక్యం చేసుకున్న హైకోర్టు.. వాన్‌పిక్ ఇండస్ట్రియల్ కారిడార్ వ్యవహారంలో జగన్ ప్రమేయం గురించి గట్టిగా నిలదీయటంతో సీబీఐ తప్పనిసరి పరిస్థితుల్లో వాస్తవాన్ని బయట పెట్టింది. కారిడార్ వ్యవహారాల్లో జగన్‌కు సంబంధం లేదన్న వాస్తవాన్ని అంగీకరించింది. జగన్ కంపెనీల్లో పెట్టుబడుల వ్యవహారంలో తనకు బెయిల్ నిరాకరిస్తూ సీబీఐ ప్రత్యేక న్యాయస్థానం ఇచ్చిన ఉత్తర్వులను సవాలు చేస్తూ పారిశ్రామికవేత్త నిమ్మగడ్డ ప్రసాద్ హైకోర్టులో బెయిల్ పిటిషన్ దాఖలు చేసిన విషయం తెలిసిందే. 

ఈ వ్యాజ్యాన్ని ఇప్పటికే పలుమార్లు విచారించిన న్యాయమూర్తి జస్టిస్ సముద్రాల గోవిందరాజులు.. బుధవారం ఈ వ్యాజ్యాన్ని మరోసారి విచారించారు. గతవారం కోర్టు సమయం ముగియటంతో అసంపూర్తిగా ముగిసిన వాదనలను సీబీఐ తరఫు న్యాయవాది కేశవరావు బుధవారం కొనసాగించారు. ఎప్పటిలాగే సీబీఐ న్యాయవాది కేశవరావు వాదనలపై న్యాయమూర్తి తీవ్ర అసంతృప్తి వ్యక్తం చేశారు. వాదనలు ప్రారంభించేందుకు కేశవరావు సిద్ధం కాగానే.. ‘మీకు కావాల్సిన విధంగా వాదనలు వినిపిస్తారా..? లేక హైకోర్టుకు కావాల్సిన విధంగానా..? అనవసరమైన డాక్యుమెంట్ల గురించి చదువుతూ వెళతామంటే అందుకు ఈ కోర్టు అంగీకరించలేదు. 

కేవలం ఈ బెయిల్ పిటిషన్‌కు సంబంధించిన డాక్యుమెంట్ల గురించి మాత్రమే ప్రస్తావించండి’ అని జస్టిస్ గోవిందరాజులు స్పష్టంచేశారు. దీనికి కేశవరావు స్పందిస్తూ.. డాక్యుమెంట్ల గురించి చదివే విషయంలో కోర్టు సమయాన్ని వృథా చేయబోనని, బెయిల్‌కు సంబంధించి డాక్యుమెంట్లలో ఒకటి రెండు పేరాల గురించి మాత్రమే ప్రస్తావిస్తానని తెలిపారు. తరువాత వాదనలు కొనసాగిస్తూ.. జీ టు జీ పద్ధతిన వాన్‌పిక్ ప్రాజెక్టు అభివృద్ధి కోసం రస్ అల్ ఖైమా - ఆంధ్రప్రదేశ్ ప్రభుత్వం మధ్య అవగాహన ఒప్పందం కుదిరిందని తెలిపారు. 

బూట్ (బిల్డ్, ఓన్, ఆపరేట్ అండ్ ట్రాన్స్‌ఫర్) పద్ధతిలో ఈ ప్రాజెక్టును చేపట్టాలని నిర్ణయించారని, అందులో భాగంగానే వాన్‌పిక్‌కు నాలుగు వేల ఎకరాలు కేటాయించారని వివరించారు. ఇండస్ట్రియల్ కారిడార్‌కు నాలుగు వేల ఎకరాల కేటాయింపు విషయంలో మంత్రివర్గ నిర్ణయం గురించి ఎక్కడా స్పష్టమైన ప్రస్తావన లేదని ఆయన తెలిపారు. ఈ సమయంలో న్యాయమూర్తి స్పందిస్తూ.. ‘ఎందుకు ఇవన్నీ చెబుతారు..? బెయిల్ పిటిషన్‌కు మాత్రమే పరిమితంకండి. ఈ కేసులో పిటిషనర్ పాత్ర ఏమిటో చెప్పండి చాలు’ అని కేశవరావుకు స్పష్టం చేశారు. నిమ్మగడ్డ ప్రసాద్ క్విడ్ ప్రో కో పద్ధతిన జగన్‌కు చెందిన కంపెనీల్లో పెద్ద ఎత్తున పెట్టుబడులు పెట్టారని కేశవరావు పేర్కొన్నారు. 

వాన్‌పిక్ ప్రాజెక్టుకు సంబంధించిన కన్సెషనల్ అగ్రిమెంట్ ద్వారా ప్రభుత్వం నుంచి నిమ్మగడ్డ లబ్ధి పొందారని, అందుకు ప్రతిఫలంగా జగన్ కంపెనీల్లో పెట్టుబడులు పెట్టారని ఆరోపించారు. పెట్టుబడులకు సంబంధించిన వివరాలు చార్జిషీట్‌లో ఉన్నాయన్నారు. దీనిపై న్యాయమూర్తి స్పందిస్తూ.. ‘కింది కోర్టులో చెప్పినట్లు ఇక్కడ వాదనలు చెప్పొద్దు. కింది కోర్టులో వాదించేందుకు ఈ వాదనలను రిజర్వు చేసుకోండి. క్విడ్ ప్రో కో ఒప్పందంలో ఇంకెవరి పాత్ర ఉంది. వాన్‌పిక్ కారిడార్ వ్యవహారాల్లో ప్రధాన నిందితునిగా ఉన్న జగన్‌కు ఏమైనా సంబంధం ఉందా..? ఉంటే అది ఏ రకమైన సంబంధమో స్పష్టంగా చెప్పండి’ అని కేశవరావును సూటిగా ప్రశ్నించారు. ఈ ప్రశ్నకు కేశవరావుతో సహా, కోర్టు హాలులో ఉన్న సీబీఐ అధికారులు ఒక్కసారిగా కంగుతిన్నారు. 

న్యాయమూర్తి అత్యంత కీలకమైన ప్రశ్న సంధించటంతో కేశవరావుకు వాస్తవాన్ని చెప్పకతప్పలేదు. వాన్‌పిక్ కారిడార్ వ్యవహారాల్లో జగన్‌కు ఎటువంటి సంబంధం లేదని చెప్పారు. అయినప్పటికీ జగతి పబ్లికేషన్స్, భారతి సిమెంట్స్‌లో నిమ్మగడ్డ పెట్టుబడులు పెట్టారంటూ కేశవరావు మళ్లీ చెప్పిందే చెప్పారు. దీనికి న్యాయమూర్తి స్పందిస్తూ.. ‘నా మనస్సులో పలు సందేహాలున్నాయి. మీరు చెప్పే దానిని, చార్జిషీట్‌లో పేర్కొన్న దానిని నమ్మి ఓ నిర్ణయానికి రాలేను.

వాస్తవాలను రాబట్టేందుకు నాకున్న పద్ధతులు నాకున్నాయి. పూర్తిస్థాయి పరిశోధన తరువాతే ఓ నిర్ణయానికి వస్తాను. అందువల్ల నేను అడిగే ప్రతీ ప్రశ్నకు సూటిగా సమాధానం చెప్పండి. ముందు న్యాయస్థానాలను సంతృప్తిపరిచే విధంగా వాదనలు వినిపించండి. అంతేకాక కోర్టు హాలులో వెనుక ఉన్న అధికారులను సంతృప్తిపరిచేందుకు వాదనలు వినిపించొద్దు. మీ వాదనల పట్ల ఎవరైనా సంతృప్తి వ్యక్తం చేస్తే మాత్రం, అందుకు నేను చేయగలిగింది ఏమీ లేదు. నేను నిస్సహాయుడిని’ అని కేశవరావుకు తేల్చి చెప్పారు. బుధవారం కోర్టు సమయం ముగియటంతో వాదనలు గురువారం కొనసాగనున్నాయి.

http://www.sakshi.com/main/FullStory.aspx?catid=457964&Categoryid=1&subcatid=33