|
Monday, 6 August 2012
విద్యుత్ ప్లాంట్లు ఇక మూతే!
6 ప్లాంట్లు మూతపడే ప్రమాదం.. రాష్ట్రానికి విద్యుత్ సంక్షోభం
పెరిగే భారం పేద విద్యార్థులపైనే..పథకానికి నీళ్లొదులుతున్న సర్కారు
పెరగనున్న ఫీజులను తాము చెల్లించబోమని ప్రకటించిన ప్రభుత్వం
బీసీ, ఈబీసీ, వికలాంగ, మైనార్టీ విద్యార్థులకు పాత ఫీజులే చెల్లింపు
ఇంజనీరింగ్‌కే ఒక్కొక్కరిపై రూ.20 వేల నుంచి 80 వేల దాకా భారం!
అలా 6లక్షల మందిపై ఏటా పడే భారం దాదాపు రూ. 350 కోట్లు
బ్యాంకు రుణం తీసుకుని కట్టుకోండంటూ సర్కారు సలహా
దానిపై వడ్డీ రాయితీ, సబ్సిడీ ఇస్తామంటూ ఏమార్చే యత్నం
వైఎస్ పథకానికి తెలివిగా తూట్లు పొడిచిందంటున్న నిపుణులు
రీయింబర్స్‌మెంట్ పదాన్ని కూడా పథకం నుంచి తొలగించే యోచన
ఎస్సీ, ఎస్టీ విద్యార్థుల భారం భరిస్తామంటూ ముక్తాయింపు
కానీ వీరి ఫీజుల భారాన్ని ప్రధానంగా భరించేది కేంద్రమే
అడ్మిషన్ తీసుకున్నాకే స్కాలర్‌షిప్ కోరేలా కొత్త నిబంధనలు!
హైదరాబాద్, న్యూస్‌లైన్: అనుకున్నదే అయింది. ఫీజుల భారాన్ని తమపై ఎక్కడ మోపుతారోనన్న విద్యార్థులు, వారి తల్లిదండ్రుల ఆందోళనే చివరికి నిజమయింది. వృత్తి విద్యా కోర్సులకు పెరిగిన ఫీజులను తాము చెల్లించే ప్రసక్తే లేదంటూ ప్రభుత్వం అధికారికంగా చేతులెత్తేసింది. పెరిగే ఫీజులను ఎస్సీ, ఎస్టీ విద్యార్థులకు మాత్రమే చెల్లించాలని నిర్ణయించింది. బీసీ, ఈబీసీ, మైనార్టీ, వికలాంగ వర్గాల విద్యార్థులకు చెల్లించకూడదని సోమవారం సమావేశమైన మంత్రివర్గ ఉప సంఘం నిర్ణయం తీసుకుంది. ఫలితంగా దాదాపు 6 లక్షల మంది పేద విద్యార్థులపై ఏటా రూ.350 కోట్ల భారం పడనుంది. సర్కారు తాజా నిర్ణయంతో.. అర్హుడైన ఏ విద్యార్థీ డబ్బు లేమి కారణంగా ఉన్నత విద్యకు దూరం కారాదన్న ఉదాత్త ఆశయంతో దివంగత ముఖ్యమంత్రి వైఎస్ రాజశేఖరరెడ్డి అమలు చేసిన ఫీజుల రీయింబర్స్‌మెంట్ పథకాన్ని ఒకవిధంగా ఎత్తేసినట్టే అయింది. ఎందుకంటే కోర్సు ఫీజు మొత్తాన్నీ విద్యార్థికి తిరిగి చెల్లించడమే రీయింబర్స్‌మెంట్ ప్రధాన లక్ష్యం. తాజా నిర్ణయంతో దానికి పూర్తిగా తూట్లు పొడిచినట్టయింది. కనీసం వికలాంగ విద్యార్థులపై కూడా ప్రభుత్వం కనికరం చూపలేదు. ఏకీకృత విధానం
ప్రకారం ఇకపై ఇంజనీరింగ్ కోర్సుకు ఫీజు కనీసం రూ.50,200 నుంచి లక్ష దాకా పెరగవచ్చు. కానీ బీసీ, ఈబీసీ, మైనార్టీ, వికలాంగ విద్యార్థులకు ప్రభుత్వం ఇచ్చేది మాత్రం ఎప్పట్లా కేవలం రూ.31,000 మాత్రమే. అంటే అదనంగా కట్టాల్సిన రూ.20 వేల నుంచి 80 వేల దాకా ఇకపై విద్యార్థులు భరించుకోవాల్సిందే! ఆ మొత్తాలను బ్యాంకుల నుంచి రుణంగా తెచ్చుకోండంటూ వారికి సర్కారు ఉచిత సలహా కూడా ఇచ్చింది. ఆ రుణాలపై వడ్డీ రాయితీ, కొంతమేర సబ్సిడీ ఇప్పిస్తామంటూ ఔదార్యం కూడా ప్రదర్శించింది. వృత్తి విద్యా కోర్సులకు బ్యాంకు రుణం దొరకడం ఎంత కష్టమో తెలిసి కూడా, కేవలం విద్యార్థులను ఏమార్చేందుకే ప్రభుత్వం ఇలా కంటితుడుపు మాటలు చెబుతోందంటూ విమర్శలు వెల్లువెత్తుతున్నాయి. అంతేకాదు.. మున్ముందు ఇంటర్, డిగ్రీ తదితర ఏ కోర్సు ఫీజు పెరిగినా అదనపు భారాన్ని ఇదే మాదిరిగా విద్యార్థుల నెత్తినే మోపే అవకాశముంది. ఏతావాతా వేలకు వేల ఫీజులను చెల్లించలేక లక్షలాది మంది పేద విద్యార్థులు ఉన్నత విద్యకు దూరమయ్యే పాత పరిస్థితే పునరావృతమయ్యేలా కన్పిస్తోంది.
నిబంధనలూ మార్చే యోచన
వృత్తి విద్యా కాలేజీల్లో ఏకీకృత ఫీజును అమలు చేయాలని, వాటిలోని సౌకర్యాలను బట్టి ఫీజులను పెంచాలని కోర్టు తీర్పులు రావడం, 133 కళాశాలల్లో ఈ ఏడాది నుంచి ఫీజులను 150 శాతం దాకా పెంచాలని ఏఎఫ్‌ఆర్సీ సిఫార్సు చేయడం, ఈ నేపథ్యంలో ఫీజుల పథకంపై పడే భారం తదితరాలను తేల్చేందుకు ప్రభుత్వం 9 మంది నిపుణులతో కమిటీ వేయడం తెలిసిందే. కమిటీ తమకు సమర్పించిన నివేదికపై మంత్రివర్గ ఉపసంఘం సోమవారం చర్చించింది. ఈ సందర్భంగా పలు అంశాలు తెరపైకి వచ్చాయి. ముఖ్యంగా ఎస్సీ, ఎస్టీలకు మినహా మిగతా విద్యార్థులందరికీ ఫీజుల చెల్లింపుపై శ్లాబ్ విధించాలనే ప్రతిపాదనను ఉప సంఘం ఆమోదించింది. అంతేగాక రీయింబర్స్‌మెంట్ అనే పదాన్ని కూడా ఫీజుల పథకం నుంచి తొలగించాలన్న అభిప్రాయం వ్యక్తమైంది. ఈ పదం వల్ల విద్యార్థి కాలేజీలో అడ్మిషన్ తీసుకునేప్పుడే ఫీజును మినహాయించాల్సి వస్తోందని మంత్రులకు అధికారులు వివరించారు. అలాకాకుండా ముందు విద్యార్థి అడ్మిషన్ తీసుకుని, ఆ తర్వాత స్కాలర్‌షిప్ కోసం దరఖాస్తు చేసుకునేలా నిబంధనలు మార్చాలన్న ప్రతిపాదనను ఎంసెట్ నోటిఫికేషన్‌లో పొందుపరిచే అవకాశాలున్నాయి.
ఎస్సీ, ఎస్టీలకు ఇస్తామంటూ గొప్పలు
ఫీజుల పథకం కింద ప్రస్తుతం దాదాపు 26 లక్షల మంది విద్యార్థులు లబ్ధి పొందుతున్నారు. ఏటా ఇందుకుద్దేశించిన రూ.3,500 కోట్లలో రూ.2,100 కోట్లను వృత్తి విద్యా కోర్సులకే చెల్లిస్తున్నారు. ఇంజనీరింగ్, మెడిసిన్, ఎంబీఏ, ఎంసీఏ, ఫార్మసీ వంటి వృత్తి విద్యా కోర్సులు చదువుతున్న 8 లక్షల మంది లబ్ధిదారుల్లో ఎస్సీ, ఎస్టీలు పోను.. బీసీ, ఈబీసీ వర్గాల విద్యార్థులు 6 లక్షల మంది దాకా ఉంటారని అంచనా. వారికి పెరిగిన ఫీజు చెల్లించడం తనవల్ల కాదంటూ చేతులెత్తేసిన రాష్ట్ర ప్రభుత్వం.. ఎస్సీ, ఎస్టీల విద్యార్థులకు మాత్రం ఆ భారాన్ని భరిస్తామంటూ గొప్పలు పోయింది. కానీ నిజానికి ఇందులో సర్కారు గొప్పదనమేమీ లేదు. ఎస్సీ, ఎస్టీల ఫీజులు, స్కాలర్‌షిప్‌లో సింహభాగాన్ని కేంద్రమే భరిస్తుంది. ఇందుకు ఏటా రూ.600 కోట్ల దాకా నిధులిస్తుంది. మిగతా కొసరును మాత్రమే ఇప్పుడు రాష్ట్ర ప్రభుత్వం భరించేందుకు సిద్ధపడిందన్నమాట! పైగా ఫీజుల పెంపు సాకుతో ఇందుకోసం కేంద్రం నుంచి మరినిన నిధులు రాబట్టవచ్చని సంక్షేమ శాఖల వర్గాలే చెబుతున్నాయి! విదేశాల్లో ఉన్నత చదువులకు, ఐటీలో పోస్టుగ్రాడ్యుయేషన్‌కు రుణాలిచ్చేందుకు బ్యాంకులు అనేక షరతులు విధిస్తుంటాయి. లక్షల రూపాయల విలువైన బ్యాంకు ష్యూరిటీలు పెట్టుకుంటాయి. అంతెందుకు...? మన దగ్గర రైతులకు రుణాలిచ్చేందుకు కూడా సవాలక్ష నిబంధనలున్నాయి. అలాంటప్పుడు ఎలాంటి షరతులూ లేకుండా ఇంజనీరింగ్ వంటి కోర్సులు చదివేందుకు ఏ బ్యాంకులు రుణాలిస్తాయో ప్రభుత్వానికే తెలియాలి!
పీజీ కోర్సులకూ అప్పు చేయాల్సిందే!
వృత్తి విద్యా కోర్సులతో పాటు అన్ని పీజీ కోర్సుల ఫీజులనూ విద్యార్థులే అప్పులు చేసి చెల్లించుకోవాలంటే ఎలా ఉంటుందన్న ప్రతిపాదనపై కూడా మంత్రుల సమావేశంలో చర్చించారు. డిగ్రీ స్థాయి దాకా మాత్రమే ఫీజును రీయింబర్స్ చేయాలని, ఆ తర్వాత ఇలా రుణాలకు లింకు పెట్టాలని సూత్రప్రాయంగా నిర్ణయించారు. నాలుగు విభాగాల్లో ఇస్తున్న స్కాలర్‌షిప్‌లను కూడా అందరికీ లభించేలా సంతృప్త స్థాయి(శాచ్యురేషన్) పద్ధతిన కాకుండా, ‘మెరిట్ కమ్ మీన్స్’ విధానంలో అమలు చేయాలని నిర్ణయించారు. అంటే ఉత్తమ కాలేజీలు, చదువుపై సీరియస్‌గా ఉండే, మంచి మార్కులు సాధించిన విద్యార్థుల వంటి వీలైనన్ని కేటగిరీలతో వారిని స్కాలర్‌షిప్‌ల నుంచి కూడా దూరం చేసే ఎత్తుగడకు రంగం సిద్ధం చేస్తున్నారు. దీనిపై నిర్ణయాన్ని మాత్రం ప్రస్తుతానికి వాయిదా వేశారు.
న్యాయం మనపక్షమే: విజయమ్మ
-న్యూస్‌లైన్, రాజమండ్రి(తూర్పుగోదావరి)
అసెంబ్లీ నిర్వహణలో రూ.కోట్ల అక్రమాలు!
బిల్లులు లేకున్నా రూ.కోట్ల నిధులు చెల్లింపు
అసెంబ్లీ నిధుల వ్యయంపై స్పీకర్‌కు ఏజీ ప్రాథమిక నివేదిక
హైదరాబాద్, న్యూస్‌లైన్: రాష్ట్రంలో ఎక్కడ ఏ అక్రమాలు జరిగినా శాసనసభలో చర్చించడం తెలుసు మనకు... మరి ఆ శాసనసభ నిర్వహణలోనే అక్రమాలు జరిగితే... ఒకటికాదు రెండుకాదు.. దాదాపు నాలుగైదు కోట్ల రూపాయలమేర అక్రమాలు జరిగాయని తేల్చారు అకౌంటెంట్ జనరల్ అధికారులు. బిల్లులు లేకున్నా పనులు చేసినట్లు రికార్డుల్లో చూపించి రూ.కోట్లు స్వాహా చేశారని గుర్తించారు. శాసనసభ నిర్వహణకు సంబంధించి ప్రభుత్వం విడుదల చేస్తున్న నిధుల వినియోగంలో అక్రమాలు జరుగుతున్నట్లు, పనులు చేయకుండానే బిల్లులు తీసుకుంటున్నట్లు, తప్పుడు పత్రాలతో నిధులు స్వాహాచేస్తున్నట్లు గత ఏడాదిలో స్పీకర్ నాదెండ్ల మనోహర్‌కు ఫిర్యాదులు అందిన విషయం తెలిసిందే. దానిపై ప్రాథమిక పరిశీలన చేయించిన స్పీకర్ మనోహర్ నిధుల వినియోగం అక్రమాలపై అనుమానాలు కలగడంతో ఏజీ అధికారులతో పరిశీలనకు ఆదేశించారు. నలుగురు ఏజీ అధికారుల బృందం అసెంబ్లీలో వివిధ పనులకు సంబంధించిన రికార్డులను పరిశీలించింది.
ఇటీవలే స్పీకర్‌కు నివేదిక సమర్పించింది. వివిధ పనుల పేరిట నిధుల చెల్లింపులు రికార్డుల్లో చూపుతున్నా... అందుకు సంబంధించిన బిల్లులు మాత్రం లేకపోవడాన్ని ఏజీ అధికారులు గుర్తించారు. ఇవే కాకుండా ఒకే పనికి సంబంధించిన బిల్లుల పత్రాలను కిందా మీదా మార్చి రెండుసార్లు బిల్లులు తీసుకున్న వైనాన్ని గుర్తించారు. ఇలా లక్షలాది రూపాయలు స్వాహా అయినట్లు గమనించారు. అసెంబ్లీ సమావేశాలు జరిగే సమయంలో ఎక్కువ సమయం సభ జరిగేటప్పుడు స్పీకర్ లంచ్ ఏర్పాటుచేస్తుంటారు. ఇలా ఎమ్మెల్యేలు, మీడియా సిబ్బందికి భోజనాల పేరిట బిల్లులను భారీగా చెల్లించినట్లు తెలుస్తోంది. ఒకరోజు లంచ్ పెడితే రెండు మూడురోజులుగా చూపించి బిల్లులు తీసుకున్నట్లు తేలింది. ఈ సమావేశాలకు సిబ్బంది అవసరం ఎక్కువ ఉండడంతో ‘లంప్’పేరిట తాత్కాలిక సిబ్బందిని తీసుకుంటారు. ఈ సిబ్బంది సంఖ్యను ఎక్కువ చూపడం ద్వారా నిధుల దుర్వినియోగానికి పాల్పడినట్లు గుర్తించారని తెలుస్తోంది.
మాజీ ఎమ్మెల్యేల పెన్షన్లకూ టోకరా
కొంతమంది మాజీ ఎమ్మెల్యేలు, లేదా మరణించిన మాజీల కుటుంబ సభ్యులు వారి పెన్షన్ నిధులను వేర్వేరు కారణాలవల్ల తీసుకోవడం లేదు. అక్రమార్కులకు అదీ వరంగా మారింది. కొద్ది సంవత్సరాలుగా పెన్షన్ డబ్బు తీసుకోని వారి వివరాలు తీసుకొని మాజీల పేరిట, వారి కుటుంబ సభ్యుల పేరిట అసెంబ్లీకి ఫోర్జరీ సంతకాలతో దరఖాస్తు చేయించి, ఆపై అకౌంట్లు తెరిచి నిధులు కొల్లగొట్టినట్లు పరిశీలనలో తేలినట్లు సమాచారం. ఆ సభ్యుల పేరిట చెక్కులను రూపొందించే సిబ్బందిని తమ చెప్పుచేతల్లో పెట్టుకొని వాటిని బ్యాంకు అకౌంట్లలో జమచేయించి లక్షల మేర నిధులు స్వాహా చేశారు. దాదాపు 20 మంది మాజీ ఎమ్మెల్యేల పెన్షన్ డబ్బు తీసుకున్నట్లు తేలుతోంది. అసెంబ్లీ ద్వారా చేపడుతున్న పనుల్లో వినియోగించే వివిధ పరికరాలు, ఇతర సామాగ్రిని సైతం మార్కెట్ ధరలకు వందల రెట్లు పెంచి బిల్లులు తీసుకున్నట్లు పరిశీలనలో తేలినట్లు సమాచారం. కాగా దీనిపై అధికారవర్గాలను సంప్రదించగా... ఏజీ పరిశీలన, ప్రాథమిక నివేదిక సమర్పణ గురించి తమకు తెలియదని, ఏ నివేదిక అయినా వారు నేరుగా స్పీకర్‌కే సమర్పిస్తారని చెప్పారు.
అసెంబ్లీ నిధుల వ్యయంపై స్పీకర్‌కు ఏజీ ప్రాథమిక నివేదిక
హైదరాబాద్, న్యూస్‌లైన్: రాష్ట్రంలో ఎక్కడ ఏ అక్రమాలు జరిగినా శాసనసభలో చర్చించడం తెలుసు మనకు... మరి ఆ శాసనసభ నిర్వహణలోనే అక్రమాలు జరిగితే... ఒకటికాదు రెండుకాదు.. దాదాపు నాలుగైదు కోట్ల రూపాయలమేర అక్రమాలు జరిగాయని తేల్చారు అకౌంటెంట్ జనరల్ అధికారులు. బిల్లులు లేకున్నా పనులు చేసినట్లు రికార్డుల్లో చూపించి రూ.కోట్లు స్వాహా చేశారని గుర్తించారు. శాసనసభ నిర్వహణకు సంబంధించి ప్రభుత్వం విడుదల చేస్తున్న నిధుల వినియోగంలో అక్రమాలు జరుగుతున్నట్లు, పనులు చేయకుండానే బిల్లులు తీసుకుంటున్నట్లు, తప్పుడు పత్రాలతో నిధులు స్వాహాచేస్తున్నట్లు గత ఏడాదిలో స్పీకర్ నాదెండ్ల మనోహర్‌కు ఫిర్యాదులు అందిన విషయం తెలిసిందే. దానిపై ప్రాథమిక పరిశీలన చేయించిన స్పీకర్ మనోహర్ నిధుల వినియోగం అక్రమాలపై అనుమానాలు కలగడంతో ఏజీ అధికారులతో పరిశీలనకు ఆదేశించారు. నలుగురు ఏజీ అధికారుల బృందం అసెంబ్లీలో వివిధ పనులకు సంబంధించిన రికార్డులను పరిశీలించింది.
ఇటీవలే స్పీకర్‌కు నివేదిక సమర్పించింది. వివిధ పనుల పేరిట నిధుల చెల్లింపులు రికార్డుల్లో చూపుతున్నా... అందుకు సంబంధించిన బిల్లులు మాత్రం లేకపోవడాన్ని ఏజీ అధికారులు గుర్తించారు. ఇవే కాకుండా ఒకే పనికి సంబంధించిన బిల్లుల పత్రాలను కిందా మీదా మార్చి రెండుసార్లు బిల్లులు తీసుకున్న వైనాన్ని గుర్తించారు. ఇలా లక్షలాది రూపాయలు స్వాహా అయినట్లు గమనించారు. అసెంబ్లీ సమావేశాలు జరిగే సమయంలో ఎక్కువ సమయం సభ జరిగేటప్పుడు స్పీకర్ లంచ్ ఏర్పాటుచేస్తుంటారు. ఇలా ఎమ్మెల్యేలు, మీడియా సిబ్బందికి భోజనాల పేరిట బిల్లులను భారీగా చెల్లించినట్లు తెలుస్తోంది. ఒకరోజు లంచ్ పెడితే రెండు మూడురోజులుగా చూపించి బిల్లులు తీసుకున్నట్లు తేలింది. ఈ సమావేశాలకు సిబ్బంది అవసరం ఎక్కువ ఉండడంతో ‘లంప్’పేరిట తాత్కాలిక సిబ్బందిని తీసుకుంటారు. ఈ సిబ్బంది సంఖ్యను ఎక్కువ చూపడం ద్వారా నిధుల దుర్వినియోగానికి పాల్పడినట్లు గుర్తించారని తెలుస్తోంది.
మాజీ ఎమ్మెల్యేల పెన్షన్లకూ టోకరా
కొంతమంది మాజీ ఎమ్మెల్యేలు, లేదా మరణించిన మాజీల కుటుంబ సభ్యులు వారి పెన్షన్ నిధులను వేర్వేరు కారణాలవల్ల తీసుకోవడం లేదు. అక్రమార్కులకు అదీ వరంగా మారింది. కొద్ది సంవత్సరాలుగా పెన్షన్ డబ్బు తీసుకోని వారి వివరాలు తీసుకొని మాజీల పేరిట, వారి కుటుంబ సభ్యుల పేరిట అసెంబ్లీకి ఫోర్జరీ సంతకాలతో దరఖాస్తు చేయించి, ఆపై అకౌంట్లు తెరిచి నిధులు కొల్లగొట్టినట్లు పరిశీలనలో తేలినట్లు సమాచారం. ఆ సభ్యుల పేరిట చెక్కులను రూపొందించే సిబ్బందిని తమ చెప్పుచేతల్లో పెట్టుకొని వాటిని బ్యాంకు అకౌంట్లలో జమచేయించి లక్షల మేర నిధులు స్వాహా చేశారు. దాదాపు 20 మంది మాజీ ఎమ్మెల్యేల పెన్షన్ డబ్బు తీసుకున్నట్లు తేలుతోంది. అసెంబ్లీ ద్వారా చేపడుతున్న పనుల్లో వినియోగించే వివిధ పరికరాలు, ఇతర సామాగ్రిని సైతం మార్కెట్ ధరలకు వందల రెట్లు పెంచి బిల్లులు తీసుకున్నట్లు పరిశీలనలో తేలినట్లు సమాచారం. కాగా దీనిపై అధికారవర్గాలను సంప్రదించగా... ఏజీ పరిశీలన, ప్రాథమిక నివేదిక సమర్పణ గురించి తమకు తెలియదని, ఏ నివేదిక అయినా వారు నేరుగా స్పీకర్‌కే సమర్పిస్తారని చెప్పారు.
ఫీజుల ఎత్తివేత కుట్రే!
వైఎస్ తర్వాతి ప్రభుత్వాల నిర్వాకం
హైదరాబాద్, న్యూస్‌లైన్: లక్షలాది పేదల కుటుంబాల్లో విద్యా వెలుగులు నింపుతున్న ఫీజు రీయింబర్స్‌మెంట్ పథకాన్ని ఎత్తేసే ప్రయత్నాలకు రెండేళ్ల కిందటే బీజాలు పడ్డాయి. దివంగత వైఎస్ రాజశేఖర్‌రెడ్డి హయాంలో సాఫీగా సాగిన పథకాన్ని, ఆయన మరణానంతరం వ్యూహాత్మకంగా గాడి తప్పించే వ్యూహాన్ని రోశయ్య, కిరణ్ ప్రభుత్వాలు దశలవారీగా అమలుపర్చాయి. ఒకేసారి ఎత్తేస్తే ప్రజాగ్రహాన్ని, ఆందోళనను ఎదుర్కోవాల్సి వస్తుందనే భావనతో ‘పథకం అమలు పర్యవేక్షణ’ సాకుతో మంత్రివర్గ ఉపసంఘం వేసి పథకానికి అంచెలంచెలుగా కొర్రీలు వేస్తూ, ఆంక్షలు విధిస్తూ వచ్చాయి. దాంతో ఉపసంఘం సమావేశం ఎప్పుడు జరిగినా ఎలాంటి ఆంక్షలు విధిస్తారో, ఎందరిని పథకం నుంచి తప్పిస్తారోనని విద్యార్థులు, వారి తల్లిదండ్రులు గాభరా పడేవారంటే అతిశయోక్తి కాదు! సెల్ఫ్ ఫైనాన్స్ కోర్సులకు ఫీజు పరిమితి విధింపుతో మొదలైన ఆంక్షలు.. సుప్రీంకోర్టు తీర్పుతో తారస్థాయికి చేరాయి. వైఎస్ మృతి నాటికి రూ.500 కోట్లకు మించని ఫీజు పథకం బకాయిలను, ఆ తర్వాత రెండేళ్ల లోపే ఏకంగా రూ.3500 కోట్లకు చేర్చారు! తద్వారా ఈ పథకం ఖజానాకు భారమని చిత్రించజూశారు. బకాయిలను ప్రస్తుత ఏడాది బడ్జెట్ నుంచి చెల్లించే పరిస్థితి కల్పించారు. చివరికి ప్రస్తుత సంవత్సరానికి ఫీజులు చెల్లించేందుకు ప్రభుత్వం దగ్గర రూపాయి కూడా లేదంటే.. బకాయిలను పద్ధతి ప్రకారం ఎలా పేర్చుకుంటూ వచ్చారో అర్థం చేసుకోవచ్చు!
రోశయ్య, కిరణ్ హయాంలో విధించిన ముఖ్య ఆంక్షలు..
సెల్ఫ్‌ఫైనాన్స్ కోర్సులకు రీయింబర్స్‌మెంట్ గరిష్టంగా రూ.20 వేలే ఇస్తున్నారు (వైఎస్ హయాంలో పూర్తిగా ఇచ్చేవారు)
డిగ్రీ తర్వాత ఒక్క పీజీకే పథకం వర్తింపజేస్తున్నారు
వయోధికులు కూడా లబ్ధి పొందుతున్నారంటూ కోర్సులవారీగా వయో పరిమితి విధించారు
మైనార్టీ కాలేజీల్లో నాన్ మైనార్టీలు కన్వీనర్ కోటాలో చేరినా రీయింబర్స్‌మెంట్ రద్దు చేశారు
పారా మెడికల్ విభాగంలో 26 కోర్సులకు పథకం వర్తిస్తుండగా, 17కు కుదించారు. సర్టిఫికెట్ కోర్సులను కూడా ఎత్తేశారు
అసలు పీజీ కోర్సులన్నింటినీ పథకం నుంచి పూర్తిగా ఎత్తేసి డిగ్రీకే పరిమితం చేయాలని ప్రయత్నించారు. పత్రికలు ముందే పసిగట్టి వెలుగులోకి తేవడం, భారీగా విమర్శలు రావడంతో తాత్కాలికంగా వెనక్కు తగ్గారు
గేట్ ప్రవేశ పరీక్ష ద్వారా ఎంటెక్, ఎంఫార్మసీల్లో చేరిన వారిని పథకం నుంచి మినహాయించారు. గతంలో రీయింబర్స్‌మెంట్ పొందిన వారి నుంచి సొమ్మును రికవర్ చేస్తున్నారు!
పీహెచ్‌డీ విద్యార్థుల్లో కొందరికి ఫెలోషిప్ వస్తుందన్న సాకుతో అందరికీ పథకాన్ని ఎత్తేశారు
అఫిడవిట్, రేషన్ కార్డు, బ్యాంకు ఖాతా, సెల్‌ఫోన్, 2012 మార్చి 31కల్లా ఆధార్ కార్డుంటేనే రీయింబర్స్‌మెంట్‌కు అర్హులని ప్రకటించారు
హైదరాబాద్, న్యూస్‌లైన్: లక్షలాది పేదల కుటుంబాల్లో విద్యా వెలుగులు నింపుతున్న ఫీజు రీయింబర్స్‌మెంట్ పథకాన్ని ఎత్తేసే ప్రయత్నాలకు రెండేళ్ల కిందటే బీజాలు పడ్డాయి. దివంగత వైఎస్ రాజశేఖర్‌రెడ్డి హయాంలో సాఫీగా సాగిన పథకాన్ని, ఆయన మరణానంతరం వ్యూహాత్మకంగా గాడి తప్పించే వ్యూహాన్ని రోశయ్య, కిరణ్ ప్రభుత్వాలు దశలవారీగా అమలుపర్చాయి. ఒకేసారి ఎత్తేస్తే ప్రజాగ్రహాన్ని, ఆందోళనను ఎదుర్కోవాల్సి వస్తుందనే భావనతో ‘పథకం అమలు పర్యవేక్షణ’ సాకుతో మంత్రివర్గ ఉపసంఘం వేసి పథకానికి అంచెలంచెలుగా కొర్రీలు వేస్తూ, ఆంక్షలు విధిస్తూ వచ్చాయి. దాంతో ఉపసంఘం సమావేశం ఎప్పుడు జరిగినా ఎలాంటి ఆంక్షలు విధిస్తారో, ఎందరిని పథకం నుంచి తప్పిస్తారోనని విద్యార్థులు, వారి తల్లిదండ్రులు గాభరా పడేవారంటే అతిశయోక్తి కాదు! సెల్ఫ్ ఫైనాన్స్ కోర్సులకు ఫీజు పరిమితి విధింపుతో మొదలైన ఆంక్షలు.. సుప్రీంకోర్టు తీర్పుతో తారస్థాయికి చేరాయి. వైఎస్ మృతి నాటికి రూ.500 కోట్లకు మించని ఫీజు పథకం బకాయిలను, ఆ తర్వాత రెండేళ్ల లోపే ఏకంగా రూ.3500 కోట్లకు చేర్చారు! తద్వారా ఈ పథకం ఖజానాకు భారమని చిత్రించజూశారు. బకాయిలను ప్రస్తుత ఏడాది బడ్జెట్ నుంచి చెల్లించే పరిస్థితి కల్పించారు. చివరికి ప్రస్తుత సంవత్సరానికి ఫీజులు చెల్లించేందుకు ప్రభుత్వం దగ్గర రూపాయి కూడా లేదంటే.. బకాయిలను పద్ధతి ప్రకారం ఎలా పేర్చుకుంటూ వచ్చారో అర్థం చేసుకోవచ్చు!
రోశయ్య, కిరణ్ హయాంలో విధించిన ముఖ్య ఆంక్షలు..
సెల్ఫ్‌ఫైనాన్స్ కోర్సులకు రీయింబర్స్‌మెంట్ గరిష్టంగా రూ.20 వేలే ఇస్తున్నారు (వైఎస్ హయాంలో పూర్తిగా ఇచ్చేవారు)
డిగ్రీ తర్వాత ఒక్క పీజీకే పథకం వర్తింపజేస్తున్నారు
వయోధికులు కూడా లబ్ధి పొందుతున్నారంటూ కోర్సులవారీగా వయో పరిమితి విధించారు
మైనార్టీ కాలేజీల్లో నాన్ మైనార్టీలు కన్వీనర్ కోటాలో చేరినా రీయింబర్స్‌మెంట్ రద్దు చేశారు
పారా మెడికల్ విభాగంలో 26 కోర్సులకు పథకం వర్తిస్తుండగా, 17కు కుదించారు. సర్టిఫికెట్ కోర్సులను కూడా ఎత్తేశారు
అసలు పీజీ కోర్సులన్నింటినీ పథకం నుంచి పూర్తిగా ఎత్తేసి డిగ్రీకే పరిమితం చేయాలని ప్రయత్నించారు. పత్రికలు ముందే పసిగట్టి వెలుగులోకి తేవడం, భారీగా విమర్శలు రావడంతో తాత్కాలికంగా వెనక్కు తగ్గారు
గేట్ ప్రవేశ పరీక్ష ద్వారా ఎంటెక్, ఎంఫార్మసీల్లో చేరిన వారిని పథకం నుంచి మినహాయించారు. గతంలో రీయింబర్స్‌మెంట్ పొందిన వారి నుంచి సొమ్మును రికవర్ చేస్తున్నారు!
పీహెచ్‌డీ విద్యార్థుల్లో కొందరికి ఫెలోషిప్ వస్తుందన్న సాకుతో అందరికీ పథకాన్ని ఎత్తేశారు
అఫిడవిట్, రేషన్ కార్డు, బ్యాంకు ఖాతా, సెల్‌ఫోన్, 2012 మార్చి 31కల్లా ఆధార్ కార్డుంటేనే రీయింబర్స్‌మెంట్‌కు అర్హులని ప్రకటించారు
ఫీజులు తేలకుండానే షెడ్యూలా? ప్రభుత్వ వింత పోకడ
మరింత గందరగోళం సృష్టించే చర్యలు
తనిఖీలంటూ కాలేజీలపై బ్లాక్ మెయిలింగ్
ఆలస్యమవుతుందనుకుంటే రాజీకి రావాలని హెచ్చరికలు
హైదరాబాద్, న్యూస్‌లైన్: ఫీజుల గందరగోళానికి ప్రభుత్వం తెర దించుతుందనుకుంటే.. అందుకు విరుద్ధంగా విద్యార్థులను, వారి తల్లిదండ్రులను మరింత అయోమయంలోకి నెట్టేసింది. ఫీజెంతో తేల్చకుండానే, 8వ తేదీన వెబ్ కౌన్సెలింగ్ షెడ్యూల్‌ను వెల్లడిస్తామని ప్రకటించింది. పాత ఫీజుల వరకు మాత్రమే చెల్లిస్తామంటూ తప్పించుకుందే తప్ప, కనీసం మొత్తం ఫీజు ఎంతుంటుందో స్పష్టం చేయడంలో కూడా విఫలమైంది. చివరికి కాలేజీలే దిగిరావాలనే తరహా వ్యాఖ్యలతో బ్లాక్‌మెయిలింగ్‌కూ దిగుతోంది. రాజీకి రాకుంటే తనిఖీలు తప్పవంటూ పరోక్ష హెచ్చరికలూ జారీ చేసింది!
ఆద్యంతం ప్రభుత్వ వైఫల్యమే..
కామన్ ఫీజుండాలన్న హైకోర్టు తీర్పుపై సుప్రీంకోర్టులో సరైన వాదనలు వినిపించడంలో ప్రభుత్వం విఫలమైంది. తద్వారా విద్యార్థులపై 64 శాతం అదనపు భారం పడేందుకు కారణమైంది. తనపై భారాన్ని తగ్గించుకోవడమే ఏకైక లక్ష్యంగా వ్యవహరించింది. ఇప్పటిదాకా ఫీజులను ప్రతి మూడేళ్లకోసారి నిర్ధారిస్తున్నారు. అంటే ప్రస్తుత ఫీజుల అమలు వ్యవధి 2010-11, 2011-12, 2012-13లకు వర్తించాలి. కానీ 2010-11, 11-12లకు కామన్ ఫీజుండాలన్న హైకోర్టు తీర్పును సుప్రీంకోర్టు కొట్టేయడంతో ఇప్పుడు 2012-13కు మాత్రం ఫీజును నిర్ధారించాల్సి వస్తోంది. కానీ అందుకు ఏ ప్రాతిపదికను ఎంచుకోవాలన్న సమస్య తలెత్తింది. 2010లో ఇంజనీరింగ్‌కు 70 శాతం కన్వీనర్ కోటా సీట్లకు రూ.31 వేలు, మేనేజ్‌మెంట్ కోటాలోని సీట్లకు రూ.95 వేలు ఫీజు నిర్ధారించారు. దీన్ని కామన్ ఫీజుగా మారిస్తే రూ.50,200 అవుతుంది. వేతన వ్యయ నివేదికలు సమర్పించిన 133 కాలేజీలకు ఫీజుల ప్రతిపాదనలు రూపొందించడంలో ఈ సంఖ్యనే అడ్మిషన్లు, ఫీజుల నియంత్రణ కమిటీ (ఏఎఫ్‌ఆర్సీ) మదర్ ఫిగర్‌గా తీసుకుంది. అలా చూస్తే ఇంజనీరింగ్ ఫీజులు 64 నుంచి 385 శాతం దాకా పెరుగుతున్నాయి. అంటే పెంపు కనీసంగా రూ.20 వేల నుంచి గరిష్టంగా రూ.1,05,000 దాకా ఉంటుంది. కానీ ప్రభుత్వం ఉన్నట్టుండి మళ్లీ కొత్త పల్లవి అందుకుంది. ఐదేళ్లుగా ఏఎఫ్‌ఆర్సీ పనితీరు బాగా లేదని ప్రకటించింది. అందుకు కూడా తానే కారణమన్న వాస్తవాన్ని ఉద్దేశపూర్వకంగానే విస్మరించి.. ఇప్పుడు భారం పడేసరికి.. మదర్ ఫిగర్ ప్రాతిపదికను మరోసారి అధ్యయనం చేయాలని.. ఫీజు తగ్గించే మార్గాలు చూడాలని అధికారులకు తాజాగా సూచించింది. కానీ అది సాధ్యం కాదని వారంటున్నారు.
బెదిరింపు ధోరణి..
ఫీజుల ప్రతిపాదనలు రూపొందించాలంటే కాలేజీలిచ్చిన వ్యయ నివేదికలపై ఏఎఫ్‌ఆర్సీ క్షేత్రస్థాయి తనిఖీలు నిర్వహించాలని, ఇందుకు 3 నెలలన్నా పడుతుందని ప్రభుత్వం తాజాగా చేస్తున్న వ్యాఖ్యల మతలబు వేరే ఉందంటున్నారు. కాలేజీలు వాటంతటవే దిగొచ్చేలా చేసేందుకే ఈ ఎత్తు వేసిందనే అనుమానాలు వ్యక్తమవుతున్నాయి. తనిఖీలు ఆలస్యమవుతాయని కాలేజీలు భావిస్తే ఏకాభిప్రాయంతో చర్చలకు రావాలన్న ప్రభుత్వ సూచనలు వాటికి బలం చేకూరుస్తున్నాయి. 133 కాలేజీకు ఏఎఫ్‌ఆర్సీ చేసిన ప్రతిపాదనలను కూడా ప్రభుత్వం ఇప్పటిదాకా బయటపెట్టడం లేదు. తద్వారా.. కాలేజీలు ఎంత త్వరగా దిగొస్తే అంత త్వరగా కౌన్సెలింగ్ నోటిఫికేషన్ వెలువడుతుందని సర్కారు చెప్పకనే చెబుతోందంటున్నారు. ఏఎఫ్‌ఆర్సీ ప్రతిపాదనలు రూపొందించని ఇంజనీరింగ్ కాలేజీలన్నీ రాజీకొస్తే వాటిలో ఫీజు కాస్త పెరిగి రూ.35 వేలవుతుంది. మిగతా 133 కాలేజీల్లో మాత్రం రూ.50,200 నుంచి రూ.1.24 లక్షల దాకా ఉంటుందని ప్రభుత్వం సంకేతాలిస్తోంది!
ఆ కాలేజీల్లోనూ భారీ ఫీజులే
ఏఎఫ్‌ఆర్సీ ప్రతిపాదనలు రూపొందించిన 133 ఇంజనీరింగ్ కాలేజీల్లో దాదాపు 80 వేల సీట్లు ఉన్నాయి. వీటిలో కన్వీనర్ కోటా సీట్లు 55 వేలు. వాటిలో 46 వేల సీట్లకు ఫీజు రీయింబర్స్‌మెంట్ వర్తిస్తుందని అంచనా. కానీ బీసీ, ఈబీసీ, మైనారిటీ, వికలాంగ విద్యార్థులకు ఇకపై కూడా ప్రభుత్వం రూ. 31 వేలే చెల్లిస్తుంది. కామన్ ఫీజు రూ.1.24 లక్షలుండే కాలేజీలో చేరాలంటే విద్యార్థులు సొంతంగా రూ.93 వేలు చెల్లించాలి! వార్షికాదాయమే లక్ష కూడా ఉండని కుటుంబం నుంచి వచ్చేవారికి అది సాధ్యమేనా? అంటే నిరుపేద విద్యార్థులు ప్రతిభ ఉన్నా ప్రమాణాల్లేని కాలేజీల్లో చేరాల్సిందేనా? వాటిలో కూడా కనీస ఫీజు రూ.50,200 కానుంది. అంటే ప్రభుత్వమిచ్చేది పోను విద్యార్థి రూ.20 వేలు కట్టాల్సిందే!
ఏఎఫ్‌ఆర్సీకి వ్యయ నివేదికలు సమర్పించని 550 కాలేజీల్లో కన్వీనర్ కోటాకు అర్హులైన దాదాపు 90 వేల మంది విద్యార్థులకు ఇకపై కామన్ ఫీజు, అంటే రూ.50,200 ఉండనుంది. అందులో ప్రభుత్వం రూ.31 వేలిస్తే మిగతా 20 వేలు విద్యార్థులు భరించాల్సి ఉంటుంది.
కమిటీ చెప్పిందిదీ..
ప్రభుత్వంపై ఫీజు రీయింబర్స్‌మెంట్ భారాన్ని తగ్గించుకునే మార్గాంతరాల సూచనకు ఏర్పా టైన నిపుణుల కమిటీ సోమవారం ఇచ్చిన నివేదికను మీడియాకు వెల్లడించలేదు. సిఫార్సులు ఇంకా ఖరారే కాలేదని ఉన్నత విద్య ముఖ్య కార్యదర్శి ఎం.జి.గోపాల్ ‘న్యూస్‌లైన్’కు తెలిపారు. కానీ విశ్వసనీయ సమాచారం మేరకు కమిటీ సిఫార్సులు ఇలా ఉన్నాయి..
కమిటీ సూచించిన ప్రత్యామ్నాయాలు
1వ మార్గం: ఫీజు రీయింబర్స్‌మెంట్ పథకాన్ని కొనసాగించడం
2వ మార్గం: ఎస్సీ, ఎస్టీలకు మినహా ఇతరులకు శ్లాబ్ పద్ధతిలో నిర్ధారిత మొత్తం మాత్రమే చెల్లించి సరిపెట్టడం (ఇంటర్‌కు ప్రభుత్వం రూ.1,415 మాత్రమే రీయింబర్స్‌మెంట్ ఇస్తుండగా, విద్యార్థులు మాత్రం కార్పొరేట్ కాలేజీల్లో చేరేందుకు రూ.40 వేల దాకా చెల్లిస్తున్నారంటూ కమిటీ విశ్లేషణ కూడా పొందుపరిచింది)
3వ మార్గం: మెరిట్ ప్రాతిపదికన స్కాలర్‌షిప్‌ల సాయంతో లబ్ధిదారులను తగ్గించడం
4వ మార్గం: ఫీజు రీయింబర్స్‌మెంట్‌ను ఇంటర్, డిగ్రీ, పీజీ సాధారణ విద్యకే పరిమితం చేసి.. వృత్తి విద్యా కాలేజీలకు మెరిట్ స్కాలర్‌షిప్‌లతో సరిపెట్టడం
5వ మార్గం: మొత్తం బడ్జెట్‌ను రూ.3,000 కోట్లకే పరిమితం చేసి, దాన్ని కోర్సువారీగా విభజిం చడం. మిగతా భారాన్ని విద్యార్థులపై మోపడం
6వ మార్గం: రీయింబర్స్‌మెంట్‌ను డిగ్రీ వరకే వర్తింపజేయడం. మిగతా వారికి బ్యాంకు తదితర రుణాలు తీసుకుని ఫీజు కట్టుకోవాలని సూచిం చడం. వాటిపై వడ్డీ రాయితీ వంటివి ఇవ్వడం
ప్రత్యామ్నాయాల నుంచి కమిటీ చేసిన తుది సిఫార్సులు
రీయింబర్స్‌మెంట్‌ను అందరికీ ఇవ్వాలి. కానీ దాన్ని ప్రస్తుతమిస్తున్న మొత్తానికే పరిమితం చేయాలి.
మిగతా భారం ఎంతైనా సరే.. దాన్ని విద్యార్థులే భరించాలి
కావలిస్తే అందుకోసం వారికి వడ్డీరహిత రుణం అందించాలి. లేదంటే వడ్డీపై పాక్షిక రాయితీ ఇవ్వాలి
ఎస్సీ, ఎస్టీలకు దాదాపుగా కేంద్రమే నిధులిస్తున్నందున మొత్తం ఫీజును రీయింబర్స్ చేయాలి
కాలేజీల్లో ఏఎఫ్‌ఆర్సీ, యూనివర్సిటీలు విసృ్తత స్థాయిలో తనిఖీలు నిర్వహించాలి
బాగా ప్రతిభ కనబరిచిన విద్యార్థులకు ప్రోత్సాహకాలివ్వాలి
తనిఖీలంటూ కాలేజీలపై బ్లాక్ మెయిలింగ్
ఆలస్యమవుతుందనుకుంటే రాజీకి రావాలని హెచ్చరికలు
హైదరాబాద్, న్యూస్‌లైన్: ఫీజుల గందరగోళానికి ప్రభుత్వం తెర దించుతుందనుకుంటే.. అందుకు విరుద్ధంగా విద్యార్థులను, వారి తల్లిదండ్రులను మరింత అయోమయంలోకి నెట్టేసింది. ఫీజెంతో తేల్చకుండానే, 8వ తేదీన వెబ్ కౌన్సెలింగ్ షెడ్యూల్‌ను వెల్లడిస్తామని ప్రకటించింది. పాత ఫీజుల వరకు మాత్రమే చెల్లిస్తామంటూ తప్పించుకుందే తప్ప, కనీసం మొత్తం ఫీజు ఎంతుంటుందో స్పష్టం చేయడంలో కూడా విఫలమైంది. చివరికి కాలేజీలే దిగిరావాలనే తరహా వ్యాఖ్యలతో బ్లాక్‌మెయిలింగ్‌కూ దిగుతోంది. రాజీకి రాకుంటే తనిఖీలు తప్పవంటూ పరోక్ష హెచ్చరికలూ జారీ చేసింది!
ఆద్యంతం ప్రభుత్వ వైఫల్యమే..
కామన్ ఫీజుండాలన్న హైకోర్టు తీర్పుపై సుప్రీంకోర్టులో సరైన వాదనలు వినిపించడంలో ప్రభుత్వం విఫలమైంది. తద్వారా విద్యార్థులపై 64 శాతం అదనపు భారం పడేందుకు కారణమైంది. తనపై భారాన్ని తగ్గించుకోవడమే ఏకైక లక్ష్యంగా వ్యవహరించింది. ఇప్పటిదాకా ఫీజులను ప్రతి మూడేళ్లకోసారి నిర్ధారిస్తున్నారు. అంటే ప్రస్తుత ఫీజుల అమలు వ్యవధి 2010-11, 2011-12, 2012-13లకు వర్తించాలి. కానీ 2010-11, 11-12లకు కామన్ ఫీజుండాలన్న హైకోర్టు తీర్పును సుప్రీంకోర్టు కొట్టేయడంతో ఇప్పుడు 2012-13కు మాత్రం ఫీజును నిర్ధారించాల్సి వస్తోంది. కానీ అందుకు ఏ ప్రాతిపదికను ఎంచుకోవాలన్న సమస్య తలెత్తింది. 2010లో ఇంజనీరింగ్‌కు 70 శాతం కన్వీనర్ కోటా సీట్లకు రూ.31 వేలు, మేనేజ్‌మెంట్ కోటాలోని సీట్లకు రూ.95 వేలు ఫీజు నిర్ధారించారు. దీన్ని కామన్ ఫీజుగా మారిస్తే రూ.50,200 అవుతుంది. వేతన వ్యయ నివేదికలు సమర్పించిన 133 కాలేజీలకు ఫీజుల ప్రతిపాదనలు రూపొందించడంలో ఈ సంఖ్యనే అడ్మిషన్లు, ఫీజుల నియంత్రణ కమిటీ (ఏఎఫ్‌ఆర్సీ) మదర్ ఫిగర్‌గా తీసుకుంది. అలా చూస్తే ఇంజనీరింగ్ ఫీజులు 64 నుంచి 385 శాతం దాకా పెరుగుతున్నాయి. అంటే పెంపు కనీసంగా రూ.20 వేల నుంచి గరిష్టంగా రూ.1,05,000 దాకా ఉంటుంది. కానీ ప్రభుత్వం ఉన్నట్టుండి మళ్లీ కొత్త పల్లవి అందుకుంది. ఐదేళ్లుగా ఏఎఫ్‌ఆర్సీ పనితీరు బాగా లేదని ప్రకటించింది. అందుకు కూడా తానే కారణమన్న వాస్తవాన్ని ఉద్దేశపూర్వకంగానే విస్మరించి.. ఇప్పుడు భారం పడేసరికి.. మదర్ ఫిగర్ ప్రాతిపదికను మరోసారి అధ్యయనం చేయాలని.. ఫీజు తగ్గించే మార్గాలు చూడాలని అధికారులకు తాజాగా సూచించింది. కానీ అది సాధ్యం కాదని వారంటున్నారు.
బెదిరింపు ధోరణి..
ఫీజుల ప్రతిపాదనలు రూపొందించాలంటే కాలేజీలిచ్చిన వ్యయ నివేదికలపై ఏఎఫ్‌ఆర్సీ క్షేత్రస్థాయి తనిఖీలు నిర్వహించాలని, ఇందుకు 3 నెలలన్నా పడుతుందని ప్రభుత్వం తాజాగా చేస్తున్న వ్యాఖ్యల మతలబు వేరే ఉందంటున్నారు. కాలేజీలు వాటంతటవే దిగొచ్చేలా చేసేందుకే ఈ ఎత్తు వేసిందనే అనుమానాలు వ్యక్తమవుతున్నాయి. తనిఖీలు ఆలస్యమవుతాయని కాలేజీలు భావిస్తే ఏకాభిప్రాయంతో చర్చలకు రావాలన్న ప్రభుత్వ సూచనలు వాటికి బలం చేకూరుస్తున్నాయి. 133 కాలేజీకు ఏఎఫ్‌ఆర్సీ చేసిన ప్రతిపాదనలను కూడా ప్రభుత్వం ఇప్పటిదాకా బయటపెట్టడం లేదు. తద్వారా.. కాలేజీలు ఎంత త్వరగా దిగొస్తే అంత త్వరగా కౌన్సెలింగ్ నోటిఫికేషన్ వెలువడుతుందని సర్కారు చెప్పకనే చెబుతోందంటున్నారు. ఏఎఫ్‌ఆర్సీ ప్రతిపాదనలు రూపొందించని ఇంజనీరింగ్ కాలేజీలన్నీ రాజీకొస్తే వాటిలో ఫీజు కాస్త పెరిగి రూ.35 వేలవుతుంది. మిగతా 133 కాలేజీల్లో మాత్రం రూ.50,200 నుంచి రూ.1.24 లక్షల దాకా ఉంటుందని ప్రభుత్వం సంకేతాలిస్తోంది!
ఆ కాలేజీల్లోనూ భారీ ఫీజులే
ఏఎఫ్‌ఆర్సీ ప్రతిపాదనలు రూపొందించిన 133 ఇంజనీరింగ్ కాలేజీల్లో దాదాపు 80 వేల సీట్లు ఉన్నాయి. వీటిలో కన్వీనర్ కోటా సీట్లు 55 వేలు. వాటిలో 46 వేల సీట్లకు ఫీజు రీయింబర్స్‌మెంట్ వర్తిస్తుందని అంచనా. కానీ బీసీ, ఈబీసీ, మైనారిటీ, వికలాంగ విద్యార్థులకు ఇకపై కూడా ప్రభుత్వం రూ. 31 వేలే చెల్లిస్తుంది. కామన్ ఫీజు రూ.1.24 లక్షలుండే కాలేజీలో చేరాలంటే విద్యార్థులు సొంతంగా రూ.93 వేలు చెల్లించాలి! వార్షికాదాయమే లక్ష కూడా ఉండని కుటుంబం నుంచి వచ్చేవారికి అది సాధ్యమేనా? అంటే నిరుపేద విద్యార్థులు ప్రతిభ ఉన్నా ప్రమాణాల్లేని కాలేజీల్లో చేరాల్సిందేనా? వాటిలో కూడా కనీస ఫీజు రూ.50,200 కానుంది. అంటే ప్రభుత్వమిచ్చేది పోను విద్యార్థి రూ.20 వేలు కట్టాల్సిందే!
ఏఎఫ్‌ఆర్సీకి వ్యయ నివేదికలు సమర్పించని 550 కాలేజీల్లో కన్వీనర్ కోటాకు అర్హులైన దాదాపు 90 వేల మంది విద్యార్థులకు ఇకపై కామన్ ఫీజు, అంటే రూ.50,200 ఉండనుంది. అందులో ప్రభుత్వం రూ.31 వేలిస్తే మిగతా 20 వేలు విద్యార్థులు భరించాల్సి ఉంటుంది.
కమిటీ చెప్పిందిదీ..
ప్రభుత్వంపై ఫీజు రీయింబర్స్‌మెంట్ భారాన్ని తగ్గించుకునే మార్గాంతరాల సూచనకు ఏర్పా టైన నిపుణుల కమిటీ సోమవారం ఇచ్చిన నివేదికను మీడియాకు వెల్లడించలేదు. సిఫార్సులు ఇంకా ఖరారే కాలేదని ఉన్నత విద్య ముఖ్య కార్యదర్శి ఎం.జి.గోపాల్ ‘న్యూస్‌లైన్’కు తెలిపారు. కానీ విశ్వసనీయ సమాచారం మేరకు కమిటీ సిఫార్సులు ఇలా ఉన్నాయి..
కమిటీ సూచించిన ప్రత్యామ్నాయాలు
1వ మార్గం: ఫీజు రీయింబర్స్‌మెంట్ పథకాన్ని కొనసాగించడం
2వ మార్గం: ఎస్సీ, ఎస్టీలకు మినహా ఇతరులకు శ్లాబ్ పద్ధతిలో నిర్ధారిత మొత్తం మాత్రమే చెల్లించి సరిపెట్టడం (ఇంటర్‌కు ప్రభుత్వం రూ.1,415 మాత్రమే రీయింబర్స్‌మెంట్ ఇస్తుండగా, విద్యార్థులు మాత్రం కార్పొరేట్ కాలేజీల్లో చేరేందుకు రూ.40 వేల దాకా చెల్లిస్తున్నారంటూ కమిటీ విశ్లేషణ కూడా పొందుపరిచింది)
3వ మార్గం: మెరిట్ ప్రాతిపదికన స్కాలర్‌షిప్‌ల సాయంతో లబ్ధిదారులను తగ్గించడం
4వ మార్గం: ఫీజు రీయింబర్స్‌మెంట్‌ను ఇంటర్, డిగ్రీ, పీజీ సాధారణ విద్యకే పరిమితం చేసి.. వృత్తి విద్యా కాలేజీలకు మెరిట్ స్కాలర్‌షిప్‌లతో సరిపెట్టడం
5వ మార్గం: మొత్తం బడ్జెట్‌ను రూ.3,000 కోట్లకే పరిమితం చేసి, దాన్ని కోర్సువారీగా విభజిం చడం. మిగతా భారాన్ని విద్యార్థులపై మోపడం
6వ మార్గం: రీయింబర్స్‌మెంట్‌ను డిగ్రీ వరకే వర్తింపజేయడం. మిగతా వారికి బ్యాంకు తదితర రుణాలు తీసుకుని ఫీజు కట్టుకోవాలని సూచిం చడం. వాటిపై వడ్డీ రాయితీ వంటివి ఇవ్వడం
ప్రత్యామ్నాయాల నుంచి కమిటీ చేసిన తుది సిఫార్సులు
రీయింబర్స్‌మెంట్‌ను అందరికీ ఇవ్వాలి. కానీ దాన్ని ప్రస్తుతమిస్తున్న మొత్తానికే పరిమితం చేయాలి.
మిగతా భారం ఎంతైనా సరే.. దాన్ని విద్యార్థులే భరించాలి
కావలిస్తే అందుకోసం వారికి వడ్డీరహిత రుణం అందించాలి. లేదంటే వడ్డీపై పాక్షిక రాయితీ ఇవ్వాలి
ఎస్సీ, ఎస్టీలకు దాదాపుగా కేంద్రమే నిధులిస్తున్నందున మొత్తం ఫీజును రీయింబర్స్ చేయాలి
కాలేజీల్లో ఏఎఫ్‌ఆర్సీ, యూనివర్సిటీలు విసృ్తత స్థాయిలో తనిఖీలు నిర్వహించాలి
బాగా ప్రతిభ కనబరిచిన విద్యార్థులకు ప్రోత్సాహకాలివ్వాలి
రాష్ట్ర ప్రభుత్వంపై వాసిరెడ్డి పద్మ మండిపాటు
ఫీజుల రీయింబర్స్‌మెంట్ పథకాన్ని ఎలాగైనా వదిలించుకోవాలని రాష్ట్ర ప్రభుత్వం చూస్తోందని, అందుకే మంత్రుల ఉప సంఘం ఆంక్షలను విధించిందని వైఎస్సార్ కాంగ్రెస్ పార్టీ అధికార ప్రతినిధి వాసిరెడ్డి పద్మ విమర్శించారు. సోమవారమిక్కడ కొందరు మీడియా ప్రతినిధులతో ఆమె మాట్లాడుతూ.. ప్రతి పేద విద్యార్థికీ ఉన్నత విద్యను అందుబాటులోకి తేవాలనే ఉద్దేశంతో దివంగత సీఎం వైఎస్ రాజశేఖరరెడ్డి ఈ పథకాన్ని ప్రవేశపెడితే.. దాన్నెలాగైనా నీరుగార్చాలని ప్రస్తుత ప్రభుత్వం చూస్తోందని ఆమె అన్నారు. ఇప్పటికే చిన్న పొరపాట్లను సాకుగా చూపి.. ఈ ఏడాది 2.5 లక్షల మంది విద్యార్థులను ఫీజుల పథకం నుంచి తప్పించారని.. మంత్రుల నిబంధనల వల్ల ఇంకా చాలా మంది విద్యార్థులు నష్టపోతారని ఆమె ఆవేదన వ్యక్తం చేశారు. ‘ఫీజుల పథకానికి తూట్లు పొడుస్తున్న విషయాన్ని గ్రహించి మా పార్టీ అధ్యక్షుడు వైఎస్ జగన్‌మోహన్ రెడ్డి గతంలోనే హైదరాబాద్‌లో వారం రోజులపాటు నిరాహార దీక్ష చేశారు. ఈ పథకాన్ని రక్షించుకునేందుకు ఇప్పుడు పార్టీ గౌరవాధ్యక్షురాలు వైఎస్ విజయమ్మ 12, 13 తేదీల్లో ఏలూరులో దీక్ష చేయ సంకల్పించారు’ అని చెప్పారు. మంత్రిగారి మహా మాయ. రూ.100 కోట్ల సర్కారు భూమి స్వాహాకు స్కెచ్
శంషాబాద్ విమానాశ్రయం సమీపాన వందెకరాల కబ్జాకు కుట్ర
‘అసైన్‌మెంట్’ ముసుగులో స్వాహా యత్నం
ఇప్పటికే అనుకూలంగా కసరత్తు షురూ
మంత్రికి జత కలిసిన మరో ఎమ్మెల్యే
అడ్డుతగులుతున్న కలెక్టర్ బదిలీకి సర్కారుపై ఒత్తిడి
రంగారెడ్డి జిల్లా, న్యూస్‌లైన్ ప్రతినిధి: ఆయన రాష్ట్ర మంత్రి.. అధికార పార్టీలో ‘హడావుడి నేత’గా పేరు పొందారు. ఢిల్లీ నుంచి పార్టీ పెద్దలు ఎవరు హైదరాబాద్ వచ్చినా వారిని అంటిపెట్టుకుని ఉంటూ హవా ప్రదర్శించే ప్రయత్నాలు చేస్తుంటారు. పార్టీ కార్యక్రమాలన్నీ తన కనుసైగలో సాగేలా అనుచరగణంతో హడావుడి చేయటం ఈయన ప్రత్యేకత. వీలు చిక్కితే చాలు వివాదాస్పద భూములను మాయం చేస్తుంటారు. కానీ ఎక్కడా పైకి ఆయన ప్రమేయం కనిపించదు.. ఇందుకోసం ప్రత్యేకంగా ఏర్పాటు చేసుకున్న అనుచరగణం కథ నడిసిస్తుం టుంది. ఇప్పుడు వీరి దృష్టి శంషాబాద్ అంతర్జాతీయ విమానాశ్రయానికి అతి చేరువలో ఉన్న సర్కారు భూమిపై పడింది. ఒక టి కాదు రెండు కాదు... దాదాపు రూ.100 కోట్లకు పైగా విలువచేసే దాదాపు 100 ఎకరాలను స్వాహా చేసేందుకు సదరు మంత్రి సిద్ధమయ్యారు.
ఆ భూములకు ఫుల్ డిమాండ్: ఔటర్ రింగురోడ్డుకు అతి చేరువలో ఉండటంతో ఆ భూములక డిమాండ్ అంతాఇంతా కాదు. శంషాబాద్ విమానాశ్రయం వెనకవైపు ఉన్న చిన్న అనుబంధ గ్రామం బహదూర్‌గూడ. ఇది పెద్ద గోల్కొండ గ్రామ పంచాయతీ పరిధిలో ఉంది. ఈ గ్రామ శివారులో పక్కపక్కనే ఉన్న రెండు సర్వే నంబర్లలో 650 ఎకరాల ప్రభుత్వ భూములున్నాయి. సర్వే నంబరు 62 పరిధిలో 500 ఎకరాలు, సర్వే నంబరు 28 పరిధిలో 150 ఎకరాలు ఉన్నాయి. స్థానిక రైతులు కొందరు వీటిని దశాబ్దాలుగా అనధికారికంగా సాగు చేసుకుంటున్నారు. ఖాస్రా, పహాణీ, 1955-58 రెవెన్యూ రికార్డుల్లో ఈ రెండు సర్వే నంబర్లలోని భూమి సర్కారుదే అని స్పష్టంగా ఉంది. వీటిని ‘కంచ సర్కారీ’ అని నాటి రికార్డుల్లో పేర్కొన్నారు. కొత్త పహాణీలో.. సర్వే నంబరు 62 భూమిని ‘కంచ సర్కారీ’ అని, సర్వే నంబరు 28 స్థలాన్ని ‘పోరంబోకు’ అని పేర్కొన్నారు. ఆక్రమణలో ఉన్న వ్యవసాయ భూములుగా అధికారులు రికార్డుల్లో వ్యవహరిస్తున్నారు. ఇప్పుడు సదరు మంత్రిగారి కన్ను వీటిల్లోని రోడ్డుకు చేరువగా ఉన్న 100 ఎకరాలపై పడింది.
ఏడాది క్రితం నుంచే పావులు..: ఏడాది క్రితం నుంచే ఈ భూములు కొట్టేయడానికి ఆ మంత్రి ప్రణాళిక అమలు ప్రారంభమయ్యింది. తొలుత 50 ఎకరాలకు సంబంధించిన రైతుల వివరాలను సేకరించారు. అవి సర్కారు భూములని, ఎప్పటికైనా ఖాళీ చేయక తప్పదనే విధంగా వారికి సంకేతాలు పంపారు. అధికారులపై ఒత్తిడి చేస్తే వెంటనే తరిమేస్తారని, తన మాట వింటే ఎకరాకు ‘ఇంత’ అని ముట్టచెప్తానని నయానా భయానా వారిని దారికి తెచ్చుకున్నారు. తానిచ్చే డబ్బుతో మరోచోట పట్టా భూమి కొనుక్కుని సాగు చేసుకోవాలని సూచించారు. అనుకున్నదే తడవుగా కొందరు రైతులకు ఎకరాకు రూ.30 వేలు చొప్పున అడ్వాన్సు చెల్లింపులూ చేసేశారు. ఈ విధంగా సుమారు 50-70 మందికి డబ్బులు ఇచ్చి కాగితాలపై సంతకాలు కూడా తీసుకున్నారు.
గొంతులో ‘శేషాద్రి’: మిగతా డబ్బును కూడా రైతులకు ఇచ్చి భూమి స్వాధీనంలోకి తెచ్చుకునేందుకు మంత్రిగారు సన్నాహాలు చేసుకుంటున్న సమయంలో రంగారెడ్డి జిల్లా కలెక్టర్ శేషాద్రి రూపంలో ఇబ్బంది వచ్చి పడింది. గతంలో ఇదే జిల్లాలో జాయింట్ కలెక్టర్‌గా చేసిన అనుభవం ఉన్న శేషాద్రి ప్రభుత్వ భూముల పరిరక్షణపై ప్రత్యేక దృష్టి సారించారు. ఈ క్రమంలో మంత్రిగారి కన్నుపడ్డ భూములపైనా దృష్టి సారించారు. వాటి వివరాలు తెప్పించుకుని, ఎప్పటికప్పుడు ఆ భూముల పరిస్థితిని తన ముందుంచాలని స్థానిక తహసీల్దారును అప్రమత్తం చేశారు. దీంతో మంత్రి గారి స్కెచ్‌కు మధ్యలో బ్రేక్ పడింది.
‘అసైన్‌మెంట్’ ఎత్తుగడతో స్వాహా మంత్రం..
శేషాద్రి ఉండగా కబ్జాపర్వం సాఫీగా సాగదని భావించిన సదరు మంత్రి కొద్ది రోజుల క్రితం అసైన్‌మెంట్ వ్యూహాన్ని తెరపైకి తెచ్చారు. తాము ఇక్కడ దశాబ్దాలుగా సాగు చేసుకుంటున్నందున ఆ భూములను తమకు అసైన్ చేయాలని రైతుల పేరిట సర్కారుకు వినతులు పెట్టించారు. ఆ అభ్యర్థన ఆధారంగా కలెక్టర్‌కు ఆదేశాలు జారీ అయ్యేలా ప్రభుత్వంలో చక్రం తిప్పారు. ఆ భూములను రైతుల పేర అసైన్ చేసేందుకు సాధ్యాసాధ్యాలపై ప్రభుత్వం కలెక్టర్ సమాధానం కోరింది. భూముల స్వాహా సన్నాహాలు పసిగట్టిన కలెక్టర్ .. ‘అసైన్ చేయటం సాధ్యం కాదు’ అని కుండబద్ధలు కొట్టేశారు. దీంతో మళ్లీ మంత్రిగారి గొంతులో పచ్చివెలక్కాయ పడ్డట్టయింది. ఇంతలో మంత్రిగారికి మరో ఎమ్మెల్యే జత కలిశారు. వీరిద్దరూ మరికొందరు బడా నేతలతో కలిసి ప్రభుత్వంలోని కొందరు ‘పెద్దల’కు వీటి విషయాలను చేరవేసి మార్గం సుగమం చేయాల్సిందిగా కోరారు. కలెక్టర్ శేషాద్రిని పక్కకు తప్పిస్తేనే ఇది సాధ్యమవుతుందని తేల్చేశారు. దీంతో కలెక్టర్ మార్పు అంశం ముఖ్యమంత్రి వరకు చేరింది. ఈ ఒత్తిడి తీవ్రంగా ఉండటంతో శేషాద్రిని తప్పించేందుకు దాదాపు మార్గం సుగమమైందని సమాచారం.
రైతులతో భూములవద్దే మంతనాలు..: కలెక్టర్ బదిలీ అయ్యాక రైతులు ఎక్కువ డబ్బులు డిమాండ్ చేసే అవకాశం ఉన్నందున ఈలోపే పదోపరకో విదిలించి వదిలించుకోవాలనే ఆలోచనతో మంత్రిగారు ఇటీవల ఆ రైతులను కలిశారు. కానీ రైతులు తమకు హీనపక్షంగా ఎకరాకు రూ.4 లక్షలన్నా ఇవ్వాలని అడిగారు. అంత డబ్బు ఇచ్చేందుకు ససేమిరా అన్న మంత్రి చర్చల కోసం నలుగురు ప్రతినిధులను తన ఇంటికి వచ్చి మాట్లాడాలని చెప్పి వెళ్లిపోయారు. ఇది జరిగి దాదాపు నెల దాటింది. తాజాగా సోమవారం 20 మంది వరకు రైతులు ఆ మంత్రిగారిని హైదరాబాద్‌లో కలిసినట్టు తెలిసింది. వారికి భూ విస్తీర్ణం ఆధారంగా రూ.30 వేల నుంచి రూ.50 వేల వరకు అదనంగా చెల్లించి, గతంలో రాయించుకున్న పత్రాలపై అదనపు సంతకాలు తీసుకున్నట్టు తెలిసింది. ఈ రెండు మూడు రోజుల్లో మరికొందరు రైతులకు ‘రెండో వాయిదా’లు చెల్లించాలని నిర్ణయించినట్టు సమాచారం.
‘అసైన్‌మెంట్’ ముసుగులో స్వాహా యత్నం
ఇప్పటికే అనుకూలంగా కసరత్తు షురూ
మంత్రికి జత కలిసిన మరో ఎమ్మెల్యే
అడ్డుతగులుతున్న కలెక్టర్ బదిలీకి సర్కారుపై ఒత్తిడి
రంగారెడ్డి జిల్లా, న్యూస్‌లైన్ ప్రతినిధి: ఆయన రాష్ట్ర మంత్రి.. అధికార పార్టీలో ‘హడావుడి నేత’గా పేరు పొందారు. ఢిల్లీ నుంచి పార్టీ పెద్దలు ఎవరు హైదరాబాద్ వచ్చినా వారిని అంటిపెట్టుకుని ఉంటూ హవా ప్రదర్శించే ప్రయత్నాలు చేస్తుంటారు. పార్టీ కార్యక్రమాలన్నీ తన కనుసైగలో సాగేలా అనుచరగణంతో హడావుడి చేయటం ఈయన ప్రత్యేకత. వీలు చిక్కితే చాలు వివాదాస్పద భూములను మాయం చేస్తుంటారు. కానీ ఎక్కడా పైకి ఆయన ప్రమేయం కనిపించదు.. ఇందుకోసం ప్రత్యేకంగా ఏర్పాటు చేసుకున్న అనుచరగణం కథ నడిసిస్తుం టుంది. ఇప్పుడు వీరి దృష్టి శంషాబాద్ అంతర్జాతీయ విమానాశ్రయానికి అతి చేరువలో ఉన్న సర్కారు భూమిపై పడింది. ఒక టి కాదు రెండు కాదు... దాదాపు రూ.100 కోట్లకు పైగా విలువచేసే దాదాపు 100 ఎకరాలను స్వాహా చేసేందుకు సదరు మంత్రి సిద్ధమయ్యారు.
ఆ భూములకు ఫుల్ డిమాండ్: ఔటర్ రింగురోడ్డుకు అతి చేరువలో ఉండటంతో ఆ భూములక డిమాండ్ అంతాఇంతా కాదు. శంషాబాద్ విమానాశ్రయం వెనకవైపు ఉన్న చిన్న అనుబంధ గ్రామం బహదూర్‌గూడ. ఇది పెద్ద గోల్కొండ గ్రామ పంచాయతీ పరిధిలో ఉంది. ఈ గ్రామ శివారులో పక్కపక్కనే ఉన్న రెండు సర్వే నంబర్లలో 650 ఎకరాల ప్రభుత్వ భూములున్నాయి. సర్వే నంబరు 62 పరిధిలో 500 ఎకరాలు, సర్వే నంబరు 28 పరిధిలో 150 ఎకరాలు ఉన్నాయి. స్థానిక రైతులు కొందరు వీటిని దశాబ్దాలుగా అనధికారికంగా సాగు చేసుకుంటున్నారు. ఖాస్రా, పహాణీ, 1955-58 రెవెన్యూ రికార్డుల్లో ఈ రెండు సర్వే నంబర్లలోని భూమి సర్కారుదే అని స్పష్టంగా ఉంది. వీటిని ‘కంచ సర్కారీ’ అని నాటి రికార్డుల్లో పేర్కొన్నారు. కొత్త పహాణీలో.. సర్వే నంబరు 62 భూమిని ‘కంచ సర్కారీ’ అని, సర్వే నంబరు 28 స్థలాన్ని ‘పోరంబోకు’ అని పేర్కొన్నారు. ఆక్రమణలో ఉన్న వ్యవసాయ భూములుగా అధికారులు రికార్డుల్లో వ్యవహరిస్తున్నారు. ఇప్పుడు సదరు మంత్రిగారి కన్ను వీటిల్లోని రోడ్డుకు చేరువగా ఉన్న 100 ఎకరాలపై పడింది.
ఏడాది క్రితం నుంచే పావులు..: ఏడాది క్రితం నుంచే ఈ భూములు కొట్టేయడానికి ఆ మంత్రి ప్రణాళిక అమలు ప్రారంభమయ్యింది. తొలుత 50 ఎకరాలకు సంబంధించిన రైతుల వివరాలను సేకరించారు. అవి సర్కారు భూములని, ఎప్పటికైనా ఖాళీ చేయక తప్పదనే విధంగా వారికి సంకేతాలు పంపారు. అధికారులపై ఒత్తిడి చేస్తే వెంటనే తరిమేస్తారని, తన మాట వింటే ఎకరాకు ‘ఇంత’ అని ముట్టచెప్తానని నయానా భయానా వారిని దారికి తెచ్చుకున్నారు. తానిచ్చే డబ్బుతో మరోచోట పట్టా భూమి కొనుక్కుని సాగు చేసుకోవాలని సూచించారు. అనుకున్నదే తడవుగా కొందరు రైతులకు ఎకరాకు రూ.30 వేలు చొప్పున అడ్వాన్సు చెల్లింపులూ చేసేశారు. ఈ విధంగా సుమారు 50-70 మందికి డబ్బులు ఇచ్చి కాగితాలపై సంతకాలు కూడా తీసుకున్నారు.
గొంతులో ‘శేషాద్రి’: మిగతా డబ్బును కూడా రైతులకు ఇచ్చి భూమి స్వాధీనంలోకి తెచ్చుకునేందుకు మంత్రిగారు సన్నాహాలు చేసుకుంటున్న సమయంలో రంగారెడ్డి జిల్లా కలెక్టర్ శేషాద్రి రూపంలో ఇబ్బంది వచ్చి పడింది. గతంలో ఇదే జిల్లాలో జాయింట్ కలెక్టర్‌గా చేసిన అనుభవం ఉన్న శేషాద్రి ప్రభుత్వ భూముల పరిరక్షణపై ప్రత్యేక దృష్టి సారించారు. ఈ క్రమంలో మంత్రిగారి కన్నుపడ్డ భూములపైనా దృష్టి సారించారు. వాటి వివరాలు తెప్పించుకుని, ఎప్పటికప్పుడు ఆ భూముల పరిస్థితిని తన ముందుంచాలని స్థానిక తహసీల్దారును అప్రమత్తం చేశారు. దీంతో మంత్రి గారి స్కెచ్‌కు మధ్యలో బ్రేక్ పడింది.
‘అసైన్‌మెంట్’ ఎత్తుగడతో స్వాహా మంత్రం..
శేషాద్రి ఉండగా కబ్జాపర్వం సాఫీగా సాగదని భావించిన సదరు మంత్రి కొద్ది రోజుల క్రితం అసైన్‌మెంట్ వ్యూహాన్ని తెరపైకి తెచ్చారు. తాము ఇక్కడ దశాబ్దాలుగా సాగు చేసుకుంటున్నందున ఆ భూములను తమకు అసైన్ చేయాలని రైతుల పేరిట సర్కారుకు వినతులు పెట్టించారు. ఆ అభ్యర్థన ఆధారంగా కలెక్టర్‌కు ఆదేశాలు జారీ అయ్యేలా ప్రభుత్వంలో చక్రం తిప్పారు. ఆ భూములను రైతుల పేర అసైన్ చేసేందుకు సాధ్యాసాధ్యాలపై ప్రభుత్వం కలెక్టర్ సమాధానం కోరింది. భూముల స్వాహా సన్నాహాలు పసిగట్టిన కలెక్టర్ .. ‘అసైన్ చేయటం సాధ్యం కాదు’ అని కుండబద్ధలు కొట్టేశారు. దీంతో మళ్లీ మంత్రిగారి గొంతులో పచ్చివెలక్కాయ పడ్డట్టయింది. ఇంతలో మంత్రిగారికి మరో ఎమ్మెల్యే జత కలిశారు. వీరిద్దరూ మరికొందరు బడా నేతలతో కలిసి ప్రభుత్వంలోని కొందరు ‘పెద్దల’కు వీటి విషయాలను చేరవేసి మార్గం సుగమం చేయాల్సిందిగా కోరారు. కలెక్టర్ శేషాద్రిని పక్కకు తప్పిస్తేనే ఇది సాధ్యమవుతుందని తేల్చేశారు. దీంతో కలెక్టర్ మార్పు అంశం ముఖ్యమంత్రి వరకు చేరింది. ఈ ఒత్తిడి తీవ్రంగా ఉండటంతో శేషాద్రిని తప్పించేందుకు దాదాపు మార్గం సుగమమైందని సమాచారం.
రైతులతో భూములవద్దే మంతనాలు..: కలెక్టర్ బదిలీ అయ్యాక రైతులు ఎక్కువ డబ్బులు డిమాండ్ చేసే అవకాశం ఉన్నందున ఈలోపే పదోపరకో విదిలించి వదిలించుకోవాలనే ఆలోచనతో మంత్రిగారు ఇటీవల ఆ రైతులను కలిశారు. కానీ రైతులు తమకు హీనపక్షంగా ఎకరాకు రూ.4 లక్షలన్నా ఇవ్వాలని అడిగారు. అంత డబ్బు ఇచ్చేందుకు ససేమిరా అన్న మంత్రి చర్చల కోసం నలుగురు ప్రతినిధులను తన ఇంటికి వచ్చి మాట్లాడాలని చెప్పి వెళ్లిపోయారు. ఇది జరిగి దాదాపు నెల దాటింది. తాజాగా సోమవారం 20 మంది వరకు రైతులు ఆ మంత్రిగారిని హైదరాబాద్‌లో కలిసినట్టు తెలిసింది. వారికి భూ విస్తీర్ణం ఆధారంగా రూ.30 వేల నుంచి రూ.50 వేల వరకు అదనంగా చెల్లించి, గతంలో రాయించుకున్న పత్రాలపై అదనపు సంతకాలు తీసుకున్నట్టు తెలిసింది. ఈ రెండు మూడు రోజుల్లో మరికొందరు రైతులకు ‘రెండో వాయిదా’లు చెల్లించాలని నిర్ణయించినట్టు సమాచారం.
మ‌హాబూబ్‌న‌గ‌ర్ జిల్లాలో టీడీపీకి షాక్
మ‌హాబూబ్‌న‌గ‌ర్: త్వర‌లో కొల్లాపూర్ నియోజకవర్గ టీడీపీ నేత హ‌ర్షవ‌ర్ధన‌రెడ్డి టీడీపీని వీడ‌నున్నట్టు వార్తలు గుప్పమ‌న్నాయి. దీంతో జిల్లాలో టీడీపీకి షాక్ త‌గిలిన‌ట్టుయింది. ఆయన చంచల్‌గూడ జైలులో జగన్‌ని క‌ల‌వ‌డంపై టీడీప‌లో చ‌ర్చనీంశ‌మంగా మారింది. హ‌ర్షవ‌ర్ధన‌రెడ్డి వైఎస్ఆర్‌సిపిలో చేరనున్నట్టు రాజ‌కీయ వర్గాల సమాచారం.
గ్యాస్ కష్టాలను ముందే ఊహించిన వై.యస్.ఆర్
గ్యాస్ కష్టాలను మహానేత వైఎస్ఆర్ ఎప్పుడో ఊహించారు. కేజీ బేసిన్ గ్యాస్‌ను రాష్ట్రానికి ఇచ్చిన తర్వాతనే ..వేరే రాష్ట్రాలకు ఇవ్వాలని కేంద్రానికి లేఖ కూడా రాశారు. అంతేకాదు.. గ్యాస్‌పై రిలయన్స్ పెత్తనాన్ని ప్రశ్నించారు. వైఎస్ఆర్ బాటలోనే పయనించారు ఆయన తనయుడు వై.ఎస్‌. జగన్. గ్యాస్ ప్లాంట్లకు సంబంధించి ఎప్పటికప్పుడు రాష్ట్ర ప్రభుత్వాన్ని హెచ్చరిస్తూ వచ్చారు.
రాష్ట్ర పాలకుల పనితీరు ఎలా ఉందంటే చేతులు కాలిన తర్వాత ఆకులు పట్టుకోవడంలా ఉంది. అంతా అయినపోయిన తర్వాత నేతలు హడావుడి చేస్తున్న తీరును సామాన్య ప్రజలు చీదరించుకుంటున్నారు.ఇప్పటికే రాష్ట్రంలోని 14 గ్యాస్ ఆధారిత విద్యుత్ ప్లాంట్లు చతికిలబడ్డాయి. రోజుకు 50 మిలియన్‌ యూనిట్ల విద్యుత్ కొరత ఉంది. జలాశయాలు అడుగంటాయి. కళ్ల ఎదుట ఇన్ని హెచ్చరికలు కనిపిస్తోన్నా రాష్ట్ర ప్రభుత్వం మాత్రం నిమ్మకు నీరెత్తినట్లు ఉంది. ఫలితం గా రాష్ట్రంలో తీవ్ర విద్యత్‌ కొరత నెలకొంది. ఈ పరిణామాలను మహానేత వైఎస్ఆర్ ఎప్పుడో అంచనావేశారు. కాబట్టే ..కేజీ బేసిన్ గ్యాస్ మాది అని ధైర్యంగా చెప్పగలిగారు. గ్యాస్‌పై ఆశ్రద్ధ చూపినట్లైతే చాలా నష్టపోవాల్సి వస్తుందని పలు సందర్భాల్లో వైఎస్ జగన్ కూడా హెచ్చరించారు. రాష్ట్రంలో 14 గ్యాస్ ఆధారిత విద్యుత్ ప్లాంట్లు చతికిలబడటంతో 1, 174 మెగావాట్ల విద్యుత్‌ను రాష్ట్రం కోల్పోయింది. ఈ 14 విద్యుత్ ప్లాంట్లు ఇప్పుడు ఉత్పత్తి చేస్తున్న విద్యుత్ 27.23 మిలియన్‌ యూనిట్లు మాత్రమే. రాష్ట్ర రోడ్లు, భవనాల శాఖ మంత్రి ధర్మాన ప్రసాద్ రావు కేంద్ర పెట్రోలియం శాఖ మంత్రి ఎస్‌.జైపాల్‌ రెడ్డికి విజ్ఞప్తి చేసిన ప్రయోజనం లేకపోయింది. ఇక గత్యంతరం లేక సీఎం కిరణ్ కుమార్‌ రెడ్డి ఢిల్లీ విమానం ఎక్కాల్సి వచ్చింది. అదే వైఎస్ఆర్ మాటలు, వైఎస్ జగన్ చేసిన హెచ్చరికలు విని.. కాస్తంత ముందుగానే కళ్లు తెరచి ఉంటే కిరణ్‌కు ఢిల్లీ విమానం ఎక్కాల్సిన అవసరమే ఉండేది కాదేమో.
రాష్ట్ర పాలకుల పనితీరు ఎలా ఉందంటే చేతులు కాలిన తర్వాత ఆకులు పట్టుకోవడంలా ఉంది. అంతా అయినపోయిన తర్వాత నేతలు హడావుడి చేస్తున్న తీరును సామాన్య ప్రజలు చీదరించుకుంటున్నారు.ఇప్పటికే రాష్ట్రంలోని 14 గ్యాస్ ఆధారిత విద్యుత్ ప్లాంట్లు చతికిలబడ్డాయి. రోజుకు 50 మిలియన్‌ యూనిట్ల విద్యుత్ కొరత ఉంది. జలాశయాలు అడుగంటాయి. కళ్ల ఎదుట ఇన్ని హెచ్చరికలు కనిపిస్తోన్నా రాష్ట్ర ప్రభుత్వం మాత్రం నిమ్మకు నీరెత్తినట్లు ఉంది. ఫలితం గా రాష్ట్రంలో తీవ్ర విద్యత్‌ కొరత నెలకొంది. ఈ పరిణామాలను మహానేత వైఎస్ఆర్ ఎప్పుడో అంచనావేశారు. కాబట్టే ..కేజీ బేసిన్ గ్యాస్ మాది అని ధైర్యంగా చెప్పగలిగారు. గ్యాస్‌పై ఆశ్రద్ధ చూపినట్లైతే చాలా నష్టపోవాల్సి వస్తుందని పలు సందర్భాల్లో వైఎస్ జగన్ కూడా హెచ్చరించారు. రాష్ట్రంలో 14 గ్యాస్ ఆధారిత విద్యుత్ ప్లాంట్లు చతికిలబడటంతో 1, 174 మెగావాట్ల విద్యుత్‌ను రాష్ట్రం కోల్పోయింది. ఈ 14 విద్యుత్ ప్లాంట్లు ఇప్పుడు ఉత్పత్తి చేస్తున్న విద్యుత్ 27.23 మిలియన్‌ యూనిట్లు మాత్రమే. రాష్ట్ర రోడ్లు, భవనాల శాఖ మంత్రి ధర్మాన ప్రసాద్ రావు కేంద్ర పెట్రోలియం శాఖ మంత్రి ఎస్‌.జైపాల్‌ రెడ్డికి విజ్ఞప్తి చేసిన ప్రయోజనం లేకపోయింది. ఇక గత్యంతరం లేక సీఎం కిరణ్ కుమార్‌ రెడ్డి ఢిల్లీ విమానం ఎక్కాల్సి వచ్చింది. అదే వైఎస్ఆర్ మాటలు, వైఎస్ జగన్ చేసిన హెచ్చరికలు విని.. కాస్తంత ముందుగానే కళ్లు తెరచి ఉంటే కిరణ్‌కు ఢిల్లీ విమానం ఎక్కాల్సిన అవసరమే ఉండేది కాదేమో.
ఇఫ్తార్ విందులో పాల్గొన్న విజయమ్మ
రాజమండ్రి : రాజమండ్రి పర్యటనలో భాగంగా వైఎస్ఆర్ కాంగ్రెస్ పార్టీ గౌరవ అధ్యక్షురాలు వైఎస్ విజయమ్మ సోమవారం సాయంత్రం ముస్లిం మహిళల ఏర్పాటు చేసిన ఇప్తార్‌ విందులో పాల్గొన్నారు. రంజాన్‌ సందర్భంగా అందరికీ శుభం కలగాలని ఆమె ఈ సందర్భంగా ఆకాంక్షించారు. ముస్లింలతో మహానేత వైఎస్‌ఆర్‌కు ఉన్న అనుబంధాన్ని విజయమ్మ గుర్తు చేశారు. అందర్ని అప్యాయంగా పలకరిస్తూ వాళ్లతో విందు ఆరగించారు. ఈ కార్యక్రమానికి పెద్ద సంఖ్యలో ముస్లిం మహిళలు తరలివచ్చారు.
కళాశాలల ఫీజు పెరిగినా ప్రభుత్వం రూ. 31 వేలు రియంబర్స్‌మెంట్ చెల్లిస్తుందని, మిగతా ఫీజుకు బ్యాంకు రుణం
ఇంజనీరింగ్ ఫీజు రీయంబర్స్‌మెంట్ (ఏకీకృత ఫీజు విధానం) పై కేబినెట్ సబ్ కమిటీ పలు కీలక నిర్ణయాలు తీసుకుంది. ఇకపై ఫీ రీయంబర్స్‌మెంట్ పొందుతున్న విద్యార్ధులు సబ్జెక్టుల్లో యాభై శాతం పాస్ అయితేనే వచ్చే ఏడాదికి ఫీ రీయంబర్స్‌మెంట్‌ను వర్తింప చేస్తామని సాంఘీక సంక్షేమ శాఖ మంత్రి పితాని సత్యనారాయణ పేర్కొన్నారు. ఏకీకృత ఫీజుల విధానంపై సోమవారం సచివాలయంలో సమావేశమైన కేబినెట్ ఉపసంఘం తీసుకున్న నిర్ణయాలను మంత్రి పితాని మీడియా సమావేశంలో వెల్లడించారు.
ఈనెల 8వ తేదీన ఇంజనీరింగ్ కౌన్సిలింగ్ తేదీలు ప్రకటిస్తామని మంత్రి తెలిపారు. యాజమాన్య కోటా సీట్లు కూడా ఆన్‌లైన్ విధానం ద్వారానే భర్తీ చేయాలని నిర్ణయించినట్లు చెప్పారు. కళాశాలల ఫీజు పెరిగినా ప్రభుత్వం రూ. 31 వేలు రియంబర్స్‌మెంట్ చెల్లిస్తుందని, మిగతా ఫీజుకు బ్యాంకు రుణం ఇస్తామన్నారు. ఎస్టీ, ఎస్సీ విద్యార్ధులకు కేంద్ర, రాష్ట్ర నిధులతో ఫీజు రీయంబర్స్‌మెంట్ చెల్లిస్తామని మంత్రి తెలిపారు.
ఏఎఫ్ ఆర్సీ విధానంపై సుప్రీంకోర్టు నిబంధనలమేరకు చట్టం తీసుకువస్తామని మంత్రి పితాని పేర్కొన్నారు.
ఈనెల 8వ తేదీన ఇంజనీరింగ్ కౌన్సిలింగ్ తేదీలు ప్రకటిస్తామని మంత్రి తెలిపారు. యాజమాన్య కోటా సీట్లు కూడా ఆన్‌లైన్ విధానం ద్వారానే భర్తీ చేయాలని నిర్ణయించినట్లు చెప్పారు. కళాశాలల ఫీజు పెరిగినా ప్రభుత్వం రూ. 31 వేలు రియంబర్స్‌మెంట్ చెల్లిస్తుందని, మిగతా ఫీజుకు బ్యాంకు రుణం ఇస్తామన్నారు. ఎస్టీ, ఎస్సీ విద్యార్ధులకు కేంద్ర, రాష్ట్ర నిధులతో ఫీజు రీయంబర్స్‌మెంట్ చెల్లిస్తామని మంత్రి తెలిపారు.
ఏఎఫ్ ఆర్సీ విధానంపై సుప్రీంకోర్టు నిబంధనలమేరకు చట్టం తీసుకువస్తామని మంత్రి పితాని పేర్కొన్నారు.
'సీఎం ఒట్టి చేతులతో వస్తే ఊరుకునేది లేదు'
కేంద్రమంత్రి జైపాల్‌రెడ్డి రాష్ట్ర ప్రయోజనాలను తాకట్టు పెట్టారని వైఎస్ఆర్ కాంగ్రెస్ పార్టీ అధికార ప్రతినిధి జనక్‌ప్రసాద్‌ ధ్వజమెత్తారు. పెట్రోలియం శాఖ మంత్రిగా ఉన్న ఆయనకు తెలియకుండా ఏ ఒప్పందాలు జరగవని ఆయన సోమవారమిక్కడ అన్నారు. మహానేత వైఎస్ రాజశేఖర్‌రెడ్డి గ్యాస్ కేటాయింపులపై ముందుగానే ప్రధానికి లేఖ రాసి ఈవిషయాన్ని కేంద్రం దృష్టికి తీసుకొచ్చారని జనక్ ప్రసాద్ గుర్తుచేశారు.
రత్నగిరి గ్యాస్ కేటాయింపులు తక్షణం రద్దు చేయకపోతే రాష్ట్రం పూర్తిగా అంధకారంలోకి వెళ్లే ప్రమాదముందని ఆయన హెచ్చరించారు. ఢిల్లీ వెళ్లిన ముఖ్యమంత్రి ఒట్టిచేతులతో తిరిగి వస్తే ఊరుకునేది లేదన్నారు. గ్యాస్ కేటాయింపులపై వైఎస్ఆర్ కాంగ్రెస్ పార్టీ పెద్దఎత్తున ఉద్యమం చేస్తుందని జనక్ ప్రసాద్ వెల్లడించారు.
రత్నగిరి గ్యాస్ కేటాయింపులు తక్షణం రద్దు చేయకపోతే రాష్ట్రం పూర్తిగా అంధకారంలోకి వెళ్లే ప్రమాదముందని ఆయన హెచ్చరించారు. ఢిల్లీ వెళ్లిన ముఖ్యమంత్రి ఒట్టిచేతులతో తిరిగి వస్తే ఊరుకునేది లేదన్నారు. గ్యాస్ కేటాయింపులపై వైఎస్ఆర్ కాంగ్రెస్ పార్టీ పెద్దఎత్తున ఉద్యమం చేస్తుందని జనక్ ప్రసాద్ వెల్లడించారు.
మాజీమంత్రి జక్కంపూడి విగ్రహావిష్కరణ
రాజమండ్రి : రాజమండ్రి కంబాలచెరువు సెంటర్ లో మాజీమంత్రి స్వర్గీయ జక్కంపూడి రాంమోహన్ రావు విగ్రహాన్ని సోమవారం వైఎస్ఆర్ కాంగ్రెస్ పార్టీ గౌరవ అధ్యక్షురాలు విజయమ్మ ఆవిష్కరించారు. విగ్రహానికి పూలమాల వేసి ఘనంగా నివాళులు అర్పించారు. అనంతరం క్షీరాభిషేకం చేశారు. ఈ సందర్భంగా విజయమ్మ జక్కంపూడి కుటుంబంతో తమకున్న అనుబంధాన్ని గుర్తు చేసుకున్నారు. విజయమ్మ రాకతో కంబాలచెరువు జనసంద్రంగా మారింది. ప్రత్తిపాడు ఎమ్మెల్యే సుచరిత, ఆళ్లగడ్డ ఎమ్మెల్యే శోభా నాగిరెడ్డి కూడా ఈ కార్యక్రమంలో పాల్గొన్నారు.
'జక్కంపూడి కుటుంబానికి అండగా ఉంటాం'
జక్కంపూడి రామ్మోహన్‌రావు కుటుంబం తమ కుటుంబంలో అంతర్భాగమని వైఎస్ విజయమ్మ అన్నారు. రామ్మోహన్‌రావు జీవితమంతా వైఎస్‌కు అండగా ఉన్నారని ఆమె గుర్తు చేశారు. రాజమండ్రి కంబాలచెరువు వద్ద జక్కంపూడి విగ్రహాన్ని విజయమ్మ సోమవారం ఆవిష్కరించారు.
ఈ సందర్బంగా ఆమె మాట్లాడుతూ ఎవరి మెప్పు కోసం కాకుండా తనను నమ్ముకున్న వారి కోసం పనిచేసిన వ్యక్తి జక్కంపూడి అన్నారు. ఓదార్పుయాత్రకు వచ్చినప్పుడు జక్కంపూడి అనారోగ్యంతో ఉన్నా జగన్ ను ఆశీర్వదించారని విజయమ్మ గుర్తు చేసుకున్నారు.
వైఎస్ జగన్ త్వరలోనే బయటకు వస్తారని... కాంగ్రెస్ టీడీపీ కుట్రపన్ని జగన్ కు అక్రమ కేసుల్లో ఇరికించారని విజయమ్మ అన్నారు. జగన్ బెయిల్ విషయంలో సుప్రీంకోర్టులో న్యాయం జరుగుతుందని ఆమె ఆశాభావం వ్యక్తం చేశారు. గతంలో మాదిరిగానే ప్రజా సమస్యలపై జగన్ పోరాటాలు కొనసాగిస్తారని విజయమ్మ తెలిపారు.
ఈ సందర్బంగా ఆమె మాట్లాడుతూ ఎవరి మెప్పు కోసం కాకుండా తనను నమ్ముకున్న వారి కోసం పనిచేసిన వ్యక్తి జక్కంపూడి అన్నారు. ఓదార్పుయాత్రకు వచ్చినప్పుడు జక్కంపూడి అనారోగ్యంతో ఉన్నా జగన్ ను ఆశీర్వదించారని విజయమ్మ గుర్తు చేసుకున్నారు.
వైఎస్ జగన్ త్వరలోనే బయటకు వస్తారని... కాంగ్రెస్ టీడీపీ కుట్రపన్ని జగన్ కు అక్రమ కేసుల్లో ఇరికించారని విజయమ్మ అన్నారు. జగన్ బెయిల్ విషయంలో సుప్రీంకోర్టులో న్యాయం జరుగుతుందని ఆమె ఆశాభావం వ్యక్తం చేశారు. గతంలో మాదిరిగానే ప్రజా సమస్యలపై జగన్ పోరాటాలు కొనసాగిస్తారని విజయమ్మ తెలిపారు.
విజయమ్మకు రాజమండ్రిలో ఘనస్వాగతం
వైఎస్ఆర్ కాంగ్రెస్ పార్టీ గౌరవాధ్యక్షురాలు వైఎస్ విజయమ్మ సోమవారం రాజమండ్రి చేరుకున్నారు. మధురపూడి విమానాశ్రయంలో విజయమ్మకు పార్టీ నేతలు పిల్లి సుభాష్‌, జ్యోతుల నెహ్రూ, జక్కంపూడి విజయలక్ష్మి, బొమ్మన రాజ్‌కుమార్‌ తదితర నేతలు ఘనస్వాగతం పలికారు. విజయమ్మతోపాటు ప్రత్తిపాడు ఎమ్మెల్యే సుచరిత, ఆళ్లగడ్డ ఎమ్మెల్యే శోభా నాగిరెడ్డి ఉన్నారు
రాజమండ్రి : రాజమండ్రి కంబాలచెరువు సెంటర్ లో మాజీమంత్రి స్వర్గీయ జక్కంపూడి రాంమోహన్ రావు విగ్రహాన్ని సోమవారం వైఎస్ఆర్ కాంగ్రెస్ పార్టీ గౌరవ అధ్యక్షురాలు విజయమ్మ ఆవిష్కరించారు. విగ్రహానికి పూలమాల వేసి ఘనంగా నివాళులు అర్పించారు. అనంతరం క్షీరాభిషేకం చేశారు. ఈ సందర్భంగా విజయమ్మ జక్కంపూడి కుటుంబంతో తమకున్న అనుబంధాన్ని గుర్తు చేసుకున్నారు. విజయమ్మ రాకతో కంబాలచెరువు జనసంద్రంగా మారింది. ప్రత్తిపాడు ఎమ్మెల్యే సుచరిత, ఆళ్లగడ్డ ఎమ్మెల్యే శోభా నాగిరెడ్డి కూడా ఈ కార్యక్రమంలో పాల్గొన్నారు.
Subscribe to:
Posts (Atom)
