మేకపాటి సోదరులకు మాతృవియోగం

మర్రిపాడు(శ్రీ పొట్టి శ్రీరాములు నెల్లూరు జిల్లా), న్యూస్‌లైన్: నెల్లూరు, ఉదయగిరిల నుంచి ఎంపీ, ఎమ్మెల్యేలుగా ఎన్నికైన మేకపాటి రాజమోహన్‌రెడ్డి, చంద్రశేఖర రెడ్డిలకు మాతృవియోగం ఏర్పడింది. వారి తల్లి మేకపాటి వెంకటసుబ్బమ్మ (89) ఆదివారం మరిపాడు మండలం బ్రాహ్మణపల్లి లోని స్వగృహంలో కన్నుమూశారు. ఆమె రెండేళ్లుగా అనారోగ్యంతో బాధపడుతున్నారు. వివిధ చికిత్సల అనంతరం నెల రోజుల క్రితం ఆమెను బ్రాహ్మణపల్లికి తీసుకొచ్చారు. ఆమె మరణవార్త తెలుసుకున్న కుమారులు, కుమార్తెలు, కుటుంబ సభ్యులు బ్రాహ్మణపల్లిలోని స్వగృహానికి తరలివచ్చారు. ఆమె మృతదేహానికి పూలమాలలు వేసి నివాళులు అర్పించారు.