'పదవీత్యాగం చేసినవార్ని గెలిపించడి'

రైతుల కోసం పదవీత్యాగం చేసిన వారిని ఉప ఎన్నికల్లో గెలిపించాలని వైఎస్ఆర్ కాంగ్రెస్ పార్టీ గౌరవ అధ్యక్షురాలు విజయమ్మ ఓటర్లను కోరారు. ఉప ఎన్నికల ప్రచారంలో భాగంగా ఆమె గురువారం రాయచోటిలో ప్రసంగించారు. వైఎస్ఆర్ చేపట్టిన సంక్షేమ పథకాలు ప్రతి ఇంటికీ అందాయన్నారు.

వైఎస్ ఆశయాలను జగన్ పూర్తి చేస్తారని హామీ ఇచ్చారు. ప్రజల గుండెల్లో వైఎస్ నిలిచి ఉన్నారని, డాక్టర్ గా కంటే ఆయన రాజకీయాల్లోనే ఎక్కువగా సేవ చేస్తానని చెప్పేవారని విజయమ్మ తెలిపారు. వైఎస్ మరణంతో సంక్షేమ పథకాలు అన్ని నిలిచిపోయాయన్నారు. నిరుపేదలను ప్రభుత్వం ఎందుకు పట్టించుకోవటం లేదని ఆమె ప్రశ్నించారు. అన్నదాతలను విస్మరించారని విజయమ్మ ఆవేదన వ్యక్తం చేశారు.

ముఖ్యమంత్రుల్లో వైఎస్ఆర్ ఓ రోల్ మోడల్ అని విజయమ్మ పేర్కొన్నారు. నాయకులు మరిచిపోయినా... తమ వెంట ప్రజలు ఉన్నారని ఆమె అన్నారు. జగన్ క్లీన్ చిట్ తో బయటకు వస్తారని, కాంగ్రెస్ నుంచి బయటకు రావటంతో జగన్ ను టార్గెట్ చేసి వేధిస్తున్నారన్నారు. ప్రభుత్వ వ్యవహారాల్లో జగన్ ఎప్పుడూ తలదూర్చలేదని ఆమె తెలిపారు. కనీసం ఎప్పుడకూ సీఎం క్యాంప్ కార్యాలయానికి కూడా ఎప్పుడూ వెళ్లలేదన్నారు. ఇచ్చినమాటకు కట్టుబడి ఉండటమే జగన్ చేసిన తప్పా అని విజయమ్మ అన్నారు.